Posted by “താരേ… ഒരു കാര്യത്തിൽ ഒരു തീരുമാനം എടുക്കാൻ വന്നതാ. ഇവൾ രാവിലെ മുതൽ കരച്ചിലോടു കരച്ചിലാ,” സുകുമാരൻ സ്മിതയെ ചൂണ്ടി പറഞ്ഞു.
സ്മിത താഴേക്ക് നോക്കി വിതുമ്പുന്നതുപോലെ ഇരുന്നു.
പക്ഷേ അവളുടെ ഉള്ളിൽ രാജേഷിനെ തളയ്ക്കാനുള്ള പുതിയ തന്ത്രങ്ങൾ മെനയുകയായിരുന്നു.
തലേദിവസം രാത്രി രാജേഷ് തന്റെ അവിഹിത ബന്ധം കണ്ടുപിടിച്ചുവെന്ന് അവൾക്ക് ഒരു തോന്നൽ. വീട്ടിൽ നിന്ന് ജനൽ വഴി പോയ അവൻ എന്തൊക്കെ കണ്ടു എന്ന സംശയമായിരുന്നു അവളുടെ മനസ്സിൽ. അത് പുറംലോകം അറിയുന്നതിന് മുമ്പ് രാജേഷിനെ ഒരു കുറ്റവാളിയാക്കി ചിത്രീകരിക്കാനായിരുന്നു അവളുടെ പദ്ധതി.
“ആന്റി… രാജേഷ് ഇന്നലെ രാത്രി എന്റെ വീട്ടിൽ വന്ന് വല്ലാത്ത പ്രശ്നങ്ങൾ ഉണ്ടാക്കി. അവൻ നന്നായി കുടിച്ചിട്ടുണ്ടായിരുന്നു. എന്നെയും എന്റെ വീട്ടുകാരെയും പറ്റി ഇല്ലാത്ത ഓരോന്ന് അവൻ വിളിച്ചു പറഞ്ഞു,” സ്മിത കള്ളക്കണ്ണീർ തുടച്ചുകൊണ്ട് പറഞ്ഞു.
താര മകനെ ഒന്ന് നോക്കി. തന്റെ മകൻ അങ്ങനെ ചെയ്തിട്ടില്ലെന്ന കാര്യം അവൾക്ക് ഉറപ്പായിരുന്നെങ്കിലും വെറുതെ അവനെ ഒന്ന് നോക്കി.
“എനിക്ക് അവനെ പേടിയാകുന്നു ആന്റി… അവൻ എനിക്കെതിരെ എന്തൊക്കെയോ കള്ളത്തരങ്ങൾ ഉണ്ടാക്കി വെച്ചിട്ടുണ്ടെന്ന് തോന്നുന്നു,” സ്മിത വിറയ്ക്കുന്ന ശബ്ദത്തിൽ പറഞ്ഞു.
“അതെ താരേ, രാജേഷ് സ്പോർട്സിലൊക്കെ മിടുക്കനാണെങ്കിലും ഈ ലഹരിയുടെ ഉപയോഗം അവനെ മാറ്റിക്കളഞ്ഞു. അവൻ സ്മിതയെ മോശമായി ചിത്രീകരിക്കാൻ നോക്കുകയാണ്,” സ്മിതയുടെ അമ്മയായ ജയയും മകളെ പിന്താങ്ങി.