Posted by
“…എന്താ രണ്ടുപേർക്കും വിളിച്ചാൽ വരാൻ ഇത്ര പാട്…”
“…അങ്ങനെ ഒന്നും ഇല്ല ചേട്ട…” പേടിയോടെ അഞ്ജലി പറഞ്ഞു.
“… നിങ്ങൾ ഏത് ക്ലാസ്സിലാ…”
“… Bsc സൂവോളജി…”
“… ആഹാ രണ്ടിന്റെയും പേരെന്താ…”രണ്ടുപേരും പേര് പറഞ്ഞു.
“… അപ്പൊ നിങ്ങൾക്കുള്ള ടാസ്ക് ഇതാണ്. ഇവനെ പ്രൊപ്പോസ് ചെയ്യണം. അത് കേട്ട് അവൻ പോലും അറിയാതെ യെസ് പറയണം. മനസ്സിലായോ…” അതിന് അവർ രണ്ടും പേടിയോടെ തലയാട്ടി.
“… അപ്പൊ നിങ്ങളിൽ ആരാ പ്രൊപ്പോസ് ചെയ്യാൻ പോകുന്നെ. താൻ ചെയ്തോ…” രണ്ടുപേരെയും മാറി മാറി നോക്കിയശേഷം തൻവികക്ക് നേരെ വിരൽ ചൂണ്ടി.
തൻവിക ആകെ പെട്ട അവസ്ഥയായി. ഇപ്പൊ ചെയ്യാൻ പറ്റില്ല എന്നുപറഞ്ഞാൽ അതിന് ശേഷം എന്താ നടക്കുക എന്ന് ഒരു പിടിയും ഇല്ല. ടെൻഷൻ കാരണം അവൾ ആകെ വിയർത്ത് കുളിച്ചു. വരുന്നത് വരട്ടെ എന്ന് കരുതി അവൾ ആ സഹാസത്തിന് മുതിർന്നു.
“… എടാ അവരെ വിട്ടേരെ…” പെട്ടെന്നാണ് അവർക്ക് പിന്നിൽ നിന്നും ഒരു വിളികേട്ടത് എല്ലാരുടെയും നോട്ടം അങ്ങോട്ടായി.
“… എന്താടാ മൈരേ…” ഓടികിതച്ചു വന്നവനോട് കൂട്ടത്തിലെ ഒരുത്തൻ ചോദിച്ചു.
“… എടാ അവരെ വിട്ടേരെ. റാഗ് ചെയ്ത് വെറുതെ പണി വേടിച്ചു വെക്കണ്ട…”
“… പണിയോ എന്ത് പണി ഒന്ന് പോയെടാ. അതോ ഇവരെ നിനക്ക് നോട്ടം ഉണ്ടോ…” കൂട്ടത്തിലെ തലവൻ അവനോട് ചോദിച്ചു.
“… എനിക്ക് നോട്ടം ഒന്നും ഇല്ല. ഇത് ആരാണെന്ന് അറിയോ തേജസിന്റെ പെണ്ണാ…” തൻവികയെ ചൂണ്ടി അവൻ പറഞ്ഞു.