Posted by ” ചെളി …മയിര് … വല്ല അസുഖോം പിടിപ്പിക്കാതെ അകത്തു കേറി പോടി പെണ്ണിനേം വിളിച്ചോണ്ട് “
സിസിലിയുടെ കൂടെ നിന്ന അമ്മു ചാടി സ്റെപ്പില്‍ കയറി . സിസിലി തലയും കുനിച്ചു ചവിട്ടിയില്‍ കാല് തുടച്ചു അകത്തേക്ക് കയറി . ടോണി മുറിയിലേക്ക് കയറി ടര്‍ക്കി എടുത്തോണ്ട് വന്നു അവള്‍ടെ കയ്യില്‍ കൊടുത്തു …
” നോക്കി നില്‍ക്കാതെ തല തുവര്‍ത്താന്‍ നോക്ക് …അപ്പു …ബാത്രൂമിലോ വാര്‍ഡ്രോബിലോ ടര്‍ക്കി കാണും …നോക്കിയെടുത്തെ “
അപ്പുവിനെ ടര്‍ക്കി എടുക്കാന്‍ വിട്ടു ടോണി അടുക്കളയിലേക്കു കയറി .സ്റൌവ് ഓണ്‍ ചെയ്തു പാല് ചൂടാക്കി കൊണ്ടിരുന്നപ്പോള്‍ സിസിലി ഒരു ടര്‍ക്കിയും കൊണ്ട് അങ്ങോട്ട്‌ വന്നു
” അച്ചായാ …ടര്‍ക്കി “
ടോണി അവള്‍ക്കു നേരെ തിരിഞ്ഞു
” നീയെതാടി …എന്താ നിന്‍റെ പേര് ?’
” അച്ചായാ …..ഞാന്‍ ” സിസിലി തല കുനിച്ചു .
” പേര് പറയടി “
” സിസിലി “
‘ അതും കള്ളപേരാണോ ?”
‘ അല്ലച്ചായാ…ഞാന്‍ …” സിസിലി വിങ്ങി പൊട്ടി
“ടോണി അവളുടെ കയ്യില്‍ പിടിച്ചു
” അന്നക്കുട്ടി …നിനക്കെന്നോട് പറയാമായിരുന്നു ..നീയെന്തിനാ പേര് മാറ്റി പറഞ്ഞെ ?”
” ഗതി കേടു കൊണ്ടാ അച്ചായാ …അപ്പുവിന്‍റെ അമ്മയാണെന്ന് പറഞ്ഞാല്‍ ഈ പണിയോരുപക്ഷേ കിട്ടിയില്ലെങ്കിലോ എന്ന് വിചാരിച്ചു . ആഹാരമൊക്കെ ഇഷ്ടമായാല്‍ പിന്നെ പറയാമെന്നു വിചാരിച്ചാ …അല്ലെങ്കില്‍ അപ്പുവിനെ ഓര്‍ത്തു പറഞ്ഞു വിടാനും അച്ചായന് മടി കാണുമെന്നു പിള്ളേരും പറഞ്ഞപ്പോ ….പൊറുക്കണേ അച്ചായാ ….ഞങ്ങളെ ഇറക്കി വിടരുത് …. വീട് ശെരിയാക്കി കഴിഞ്ഞ് പൊക്കോളാം …. ദേഷ്യമാണേല്‍ പണിക്കും നിര്‍ത്തണ്ട “
‘ ഹും …അത് ഞാന്‍ നിന്നോട് പറയാന്‍ ഇരിക്കുവായിരുന്നു ..വേറൊരു വേലക്കാരിയെ തപ്പണോന്ന്”
‘ അച്ചായാ …..”
സിസിലിയുടെ മുഖം വാടി . പണി പോകുന്നതിനെക്കാള്‍ അവളെ ടോണിയുടെ ഇഷ്ടക്കെടാണ് സങ്കടപ്പെടുത്തിയത്
” ഹും ….ഉടനെ തന്നെ ഒരാളെ തപ്പണം “
” അച്ചായാ …ഞാന്‍ നന്നായി പണിയെടുത്തോളാം ” സിസിലി കിച്ചന്‍ സ്ലാബിലേക്ക് ചാരി