Posted by “എന്ത് ചെയ്യണം പിന്നെ…??
“കളയണം എവിടെയെങ്കിലും കൊണ്ടു പോയി….”
“ഇപ്പോഴാ…..??
“അല്ല രാത്രി ആകണം ….”
അത്രയും നേരം ഒന്നും മിണ്ടാതെ ഇരുന്ന ശാലു അത് കേട്ട് വേഗം പറഞ്ഞു…
“രാത്രി വരെ ഇരിക്കാൻ എനിക്ക് വയ്യ….”
അവളെ രൂക്ഷമായി നോക്കി ഞാൻ പ്രവീണയോട് പറഞ്ഞു….
“എന്ന ഞാനിവളെ ബസ് കയറ്റിവിട്ടു വരാം…. നീ ഇവിടെ ഇരിക്കുമോ…??
“ഞാനിരിക്കാം… പക്ഷെ ഇത് തലയിൽ ആകരുത്…”
“ആയാലും നിങ്ങൾ കുടുങ്ങില്ല പോരെ….??
ഞാൻ വേഗം ശലുവിനെയും കൊണ്ട് പുറത്തിറങ്ങി… കാറിൽ കയറി ബസ് സ്റ്റാൻഡ് ലക്ഷ്യമാക്കി പോകുമ്പോ അവളെന്നോട് പറഞ്ഞു…
“വല്യേട്ട അല്ലങ്കിൽ ഞാൻ പോകുന്നില്ല…..”
“ഇപ്പൊ എന്തേ ഇങ്ങനെ തോന്നാൻ….??
“ഞാൻ കാരണം നിങ്ങൾ കുടുങ്ങി പോകണ്ട…. ഞാനും വരാം….”
“അതാണ് നിന്നോട് ഞാൻ ആയിരവട്ടം ചോദിച്ചത് എന്താണ് നിന്റെ പ്ലാൻ എന്ന്… കൊല്ലാൻ ആണെങ്കിൽ എന്നോട് കൂടി പറയാമായിരുന്നില്ലേ…. നിന്റെ കൂടെ ഞാൻ വരാതിരിക്കോ….??
“എനിക്കറിയില്ല ചേട്ടാ…..”
“എന്തായാലും നീ പൊയ്ക്കോ ആള് കൂടിയാലും കുഴപ്പം ആകും…. “
“എന്നാലും…”
“കുഴപ്പമില്ല അവളുണ്ടല്ലോ നിന്നെക്കാളും ധൈര്യവും ഉണ്ട്…”