ഈ ലോകത്തിനപ്പുറം
Ee Lokathinappuram Author : Pappumon
എത്ര മനോഹരമാണ് ഈ വെള്ളച്ചാട്ടം കാണുവാൻ.!!
ഈ സ്ഥലം സൂപ്പറായിട്ടുണ്ട്.
ഇനിയും കുറച്ചധികം നടക്കണം അതിനടുത്തേക്ക് എത്താൻ.വളവും തിരിവും ഉള്ള കയറ്റങ്ങൾ, അങ്ങനെ നടന്നു നടന്നു ഒരുവിധം അവിടെയെത്തി. അപ്പുറത്തെ മലയിലാണ് വെള്ളച്ചാട്ടം, ഇവിടെ നിന്നൊരു തൂക് പാലം ഉണ്ട് അപ്പുറത്തേക്ക്, കണ്ടിട്ട് നല്ല പഴക്കം തോന്നുന്നുണ്ട് മരപ്പലകകൾ കൊണ്ട് കയറുമായി കൂട്ടി കെട്ടിയത്, പൊട്ടി വീഴോ പടച്ചോനെ..??
ഞാൻ ആത്മഗതം പറഞ്ഞു.
എന്തായാലും കയറുക,
പാലത്തിലെ ആദ്യ പലകയിലേക്ക് ഞാൻ കയറി എന്തോ ഒരു പ്രത്യേകത ഉള്ളത് പോലെ തോന്നി വീണ്ടും മുൻപോട്ട് നടന്നു അഞ്ചാമത്തെ പലകയിൽ ചവിട്ടിയപ്പോൾ പാലം ഒന്നാടി, എൻ്റെ ഉള്ളന്നൂ കിടുങ്ങി 1000 അടിയോളം താഴ്ചയുണ്ട്.
തിരിച്ചു നടന്നാലോ എന്ന് തോന്നി പുറകിലേക്ക് തിരിഞ്ഞു നോക്കിയപ്പോൾ ഞാൻ വിറച്ചുപോയി..!!
ഞാൻ നടന്നു വന്ന പാലത്തിലേ പലകകൾ ഒന്നും കാണുന്നില്ല എല്ലാം അപ്രതീക്ഷിതമായിരുന്നു.
എന്റെ കൈകളെല്ലാം കുഴഞ്ഞു പോകുന്നപോലെ തോന്നി നോക്കിയാൽ കാണുന്നത് അന്ത്യമില്ലാത്ത ശ്യൂനത.
എങ്ങനെ ഞാൻ ഇതിൽ നിന്നും രക്ഷപെടും അറിയില്ല, എന്തായാലും മുൻപോട്ട് തന്നെ നടക്കുക.
ആറാമത്തെ പലകയിലേക്ക് ഞാൻ കാലെടുത്ത് വെച്ചു, വീണ്ടും പാലമൊന്നുകുലുങ്ങി!!
എന്റെ കണ്ണുകളെ ഭയത്താൽ അടച്ചുപോയി..
ആ വെള്ളച്ചാട്ടം മുഴുവൻ അഗ്നിപർവതത്തിൽ നിന്നും ലാവയായി മാറിയിരിക്കുന്നു, പാലത്തിനടയിൽ മൊത്തം തളച്ചു മറിയുന്ന ലാവ കൊണ്ട് നിറഞ്ഞിരിക്കുന്നു.
എന്താ ചെയ്യേണ്ടതെന്നറിയാതെ ഞാൻ പകച്ചു നിന്നു. ഇനി എന്ത് ചെയ്യും..??
ഈതെന്തോ വലിയ ട്രാപ്പ് ആണ്. പുറകിലേക്ക് നടക്കുവാൻ കഴിയില്ല, മുൻപിൽ ആണെങ്കിൽ വലിയ അഗ്നിപർവതവും.
മുൻപോട്ട് നടക്കുവാൻ തന്നെ ഞാൻ തീരുമാനിച്ചു. ഓരോ ചുവടുകളും അതീവ ശ്രദ്ധയോടെ ഞാൻ മുൻപോട്ട് വെച്ചു, അങ്ങനെ ഒൻപതാം പലകയിൽ എത്തി, പത്താമത്തെ പലക ആകെ ചിതലരിച്ച് ഇരിക്കുകയാണ് വളരെ ശ്രദ്ധയോടെ ഞാനതിൽ ചവിട്ടി നിന്നു.