Posted by പ്രവിയുടെ വാക്കുകൾ കേട്ടപ്പോൾ ജെയിൻ “”പോകാം “എന്നർത്ഥത്തിൽ തലയാട്ടി…..
അരയടി പൊക്കമുള്ള പച്ചപുല്ലുകൾ മുകളിലൂടെ ജെയിന്റെ കൈയും പിടിച്ചു പ്രവി വേഗത്തിൽ ആ ബോഗിയുടെ അടുത്തേക്ക് നടന്നു …. പ്രവി ആദ്യം ബോഗിയുടെ ചവിട്ടു പടി ചവിട്ടി കയറി …. മുകളിൽ എത്തിയ പ്രവി ജെയിന് പിടിച്ചു കയറാനായി വലതു കൈ നീട്ടി …. പ്രവിയുടെ കൈയിൽ പിടിച്ചു ജെയിൻ പടിയിൽ ചവിട്ടി കയറി ….
“””ഠോ “”””
ജെയിൻ മുകളിൽ എത്തിയ ഉടനെ ഒരു ശക്തമായ ഇടിമിന്നൽ അവർ നേരെത്തെ നിന്നിരുന്ന മരത്തിനടുത്തായി പതിച്ചു ……
ആ ശബ്ദ തരംഗത്തിന്റെ പ്രകമ്പനത്തിൽ ജെയിൻ ഞെട്ടി വിറച്ചു ……
അവൾ “”ഇച്ചായാ…. “”എന്നുറക്കെ നിലവിളിച്ചു കൊണ്ട് പ്രവിയെ ചുറ്റിവരിഞ്ഞു……….. അവളുടെ പേടി കണ്ടു പ്രവി ചെറു പുഞ്ചിരിയോടെ അവളെ തന്നോട് ചേർത്തു
“”ജെയിൻ “””
കുറച്ചു കഴിഞ്ഞപ്പോൾ പ്രവി പതിഞ്ഞ ശബ്ദത്തിൽ വിളിച്ചു …
ആ വിളിയുടെ മാധുര്യത്തിൽ അവൾ മിഴികൾ പതിയെ തുറന്നു …. പ്രവിയുടെ മുഖത്തേക്ക് നോക്കി ….
“”പേടിച്ചു പോയോ എന്റെ മുത്ത്…. “””
പ്രവി അവളുടെ മിഴികളിൽ നോക്കി പതിയെ ചോദിച്ചു….
അവൾ അതിന് ഉത്തരം എന്ന നിലയിൽ “”ഉം.. “”എന്ന് മൂളിക്കൊണ്ട് മിഴികൾ അടച്ചു കാണിച്ചു ….
“”നിനക്ക് തണലെകാൻ ഞാനുള്ളപ്പോൾ …പേടിയെന്തിന് എൻ പ്രിയ സഖി…. …. “””””
പ്രവി അതും പറഞ്ഞു ജലകണകളാൽ നിറഞ്ഞ അവളുടെ നെറ്റിയിൽ ചുണ്ട് ചേർത്തു……..
————————————-
“”ജെയിൻ….. പോകണോടോ ഞാൻ…. “””
റെയിൽവേ പ്ലാറ്റ്‌ഫോംമിലെ ചാരുബെഞ്ചിൽ പ്രവിയെ ചാരി ചെറു മയക്കത്തിലെന്നപോലെ മിഴികൾ അടച്ചിരിക്കുന്ന ജെയിനോട് പ്രവി ചോദിച്ചു….
“”പോയിട്ട് വാ ഇച്ചായ….”””
“”തന്നെ ഇവിടെ ഒറ്റക്ക് ആകിയിട്ട് പോകാൻ തോനുനില്ലല്ലടോ…. “””
“”ഇച്ചായ…നേരത്തെ എല്ലാം സംസാരിച്ചതല്ലേ ഇതേ കുറിച്ച് നമ്മൾ … എനിക്ക് പ്രോമിസും താനതാ പോകാം എന്ന് ….. എന്നിട്ട് ഇപ്പോ….ഒരു അഞ്ചു മാസത്തിന്റെ കാര്യം അല്ലെ ഒള്ളു…. പോയിട്ട് വാ “”
“”അത്രേം നാൾ തന്നെ കാണാതെ … “”
“”എന്താ ഇച്ചായ…ഇച്ചായനു പേടിയുണ്ടോ … ഇച്ചായൻ തിരിച്ചു വരുമ്പോൾ ഞാൻ പോയിട്ടുണ്ടാകും എന്ന് ….. “”
“”ജെയിൻ … മിണ്ടാതെ ഇരിക്കുന്നുണ്ടോ… നീ എവിടേക്കും പോകില്ല…..നിന്നെ ഞാൻ എവിടേക്കും വിടില്ല…. ഇനി ഇതുപോലെ എങ്ങാനും പറഞ്ഞാലുണ്ടല്ലോ….. “””
പ്രവി ദേഷ്യത്തിൽ പറഞ്ഞുകൊണ്ട് മറു സൈഡിലേക്ക് നോക്കി ഇരുന്നു ….
“”ഹഹ… അപ്പോ അതാണ് കാര്യം …. ഇച്ചായൻ പേടിക്കണ്ടാട്ടൊ ഞാൻ ഇവിടെ തന്നെ ഉണ്ടാകും… മഴ കാത്തിരിക്കുന്ന വേഴാമ്പൽ പക്ഷിയെ പോലെ ഞാൻ ഇച്ചായനെ കാത്തിരിക്കുന്നുണ്ടാകും…… “”””
അവൾ അതും പറഞ്ഞു …. പ്രവിയുടെ കവിളിൽ ചുണ്ടുകൾ കൂർപ്പിച്ചു മുത്തി…..
അവളുടെ സ്നേഹത്തിൽ പ്രവിയുടെ ദേഷ്യം അലിഞ്ഞില്ലാതെ ആയി അവൻ അവളുടെ മുഖം കൈകളിൽ കോരിയെടുത്തു….. തുരു തുരെ ഉമ്മകൾ കൊണ്ടു അവളുടെ മുഖം പൊതിഞ്ഞു ….