Posted by ക്രിസ്തുമസ് വെക്കേഷൻ സമയം ആകാൻ ഇനി അധികം സമയമില്ല . ആ ടൈമിൽ പോകാനുള്ള തീരുമാനത്തിലാണ് എല്ലാരും . ഞങ്ങളെയും ക്ഷണിക്കാനായാണ് അമ്മുമ്മയും വിനീതാന്റിയും വന്നത് . അവിനാഷിന്റെ പേരിൽ കുറച്ചു വഴിപാടുകളുമുണ്ട്. പഴനിയിൽ പോയി തല മൊട്ട അടിക്കണം ,അങ്ങനെ പലതും . മൂന്നു നാല് ദിവസം നീളുന്ന ട്രിപ്പ് ആണ് . ഒരു ട്രാവലർ വാടകക്ക് എടുത്താണ് യാത്ര .
അമ്മ ചെല്ലാമെന്നേറ്റു. അമ്മ ഏറ്റാൽ പിന്നെ ഞാനും പോയല്ലേ പറ്റു . അമ്മയുടെ അച്ഛന്റെ ചിതാഭസ്മം രാമേശ്വരത്തു ഒഴുക്കണം .അതും ഒരു ലക്ഷ്യമാണ് ഈ യാത്രയുടെ. അമ്മച്ചൻ മരണപെട്ടു ഒന്നര കൊല്ലമായി . പല തിരക്കുകൾ കാരണം യാത്ര നീണ്ടു നീണ്ടു പോയി.
അമ്മുമ്മയും അമ്മയും കൂടി സംസാരിച്ചിരിക്കെ വിനീത അങ്ങോട്ടേക്ക് വന്നു .
“എന്തായി അമ്മെ…ചേച്ചി സമ്മതിച്ചോ ?”
വിനീത ചിരിയോടെ കുഞ്ഞിനെ ഒക്കത്തു വെച്ചുകൊണ്ട് ചോദിച്ചു .
അമ്മുമ്മ ;”ആഹ്..ഒരുവിധം സമ്മതിച്ചിട്ടുണ്ട് അല്ലെടി മോളെ “
അമ്മുമ്മ എന്റെ അമ്മയെ നോക്കികൊണ്ട് പറഞ്ഞു.
വിനീത ;”ആഹ്..നീയോട..ഓ…ഞങ്ങളുടെ കൂടെ ഒക്കെ വരാൻ മടി ആയിരിക്കും അല്ലേടാ “
അമ്മായി എന്നെ കളിയാക്കികൊണ്ട് ചിരിച്ചു.
ഞാൻ ;’ഏയ് ..അങ്ങനൊന്നുമില്ല..കുഞ്ഞാന്റി ഉണ്ടേൽ ഞാൻ റെഡിയാ “
ഞാൻ ചുമ്മാ അവരെ സുഖിപ്പിക്കാനായി പറഞ്ഞു.
വിനീത ;”ഓ..പിന്നെ ..എന്നിട്ടൊരാവശ്യത്തിനു വിളിച്ച നിന്നെ കാണാൻ കിട്ടില്ലല്ലോ “
അമ്മായി വിടാൻ ഭാവമില്ല.
അമ്മയും അമ്മുമ്മയും ഞങ്ങളുടെ സംസാരം കേട്ട് ചിരിച്ചു .
ഞാൻ ;”ഇതങ്ങനല്ലെന്നേ ..കുഞ്ഞാന്റി ആണ് സത്യം “