Posted by അവളുടെ ഹോൺ അടി കേട്ട് കുഞ്ഞാന്റിയും പുറത്തേക്കു ഇറങ്ങി വന്നു. കുഞ്ഞു അവളുടെ ഒക്കത്തു ഉണ്ടായിരുന്നു ..
“ഹ..ഞാനങ്ങോട്ടു ഇറങ്ങാൻ നിക്കുവായിരുന്നു ..അപ്പോഴേക്കും നിങ്ങളിങ്ങോട്ടു പൊന്നോ “
ഞാൻ മുറ്റത്തേക്കിറങ്ങി കൊണ്ട് പറഞ്ഞു.
അമ്മുമ്മക്ക് ഇറങ്ങാനായി ഞാൻ കൈനീട്ടി. എന്റെ കയ്യിൽ പിടിച്ചു അമ്മുമ്മ ഇറങ്ങി.
“ഇവളിങ്ങോട്ടു വരുന്നെന്നു പറഞ്ഞു..അപ്പൊ ഞാനും കൂടെ കേറി “
അമ്മുമ്മ ചിരിയോടെ പറഞ്ഞു.
“ഹായ് ചെറി …”
അവൾ സ്കൂട്ടറിൽ നിന്നിറങ്ങി വിനീതയെ നോക്കി കൈവീശി..ചെറിയമ്മ , ചുരുക്കി “ചെറി” എന്നാണ് ഇപ്പോൾ അവളും ബിന്ദു അമ്മായിടെ മോളും ഒകെ വിനീതയെ വിളിക്കുന്നത്.
വിനീത ചിരിച്ചു..
“നിന്നെ ഈ ആഴ്ച കണ്ടില്ലല്ലോ എന്ന് വിചാരിച്ച ഉള്ളു ..”
വിനീത പറഞ്ഞുകൊണ്ട് ഉമ്മറത്തേക്ക് വന്നു…
ഞാനും അമ്മുമ്മയും കൂടി സ്റ്റെപ് കയറി ഉമ്മറത്തേക്ക് കയറി..ഞങ്ങൾക്ക് പിന്നാലെ വീണയും.
“ഞാനിന്നലെ..കണ്ണേട്ടന്റെ കൂടെ വരൻ നിന്നതാ..അവറ്റോള് സമ്മതിച്ചില്ല “
അവൾ ചിരിയോടെ പറഞ്ഞു ..
“ഡാ..അപ്പൂസേ ബാ ബാ “
അവൾ കൈ നീട്ടി വിനീതയുടെ ഒക്കത്തിരിക്കുന്ന കുഞ്ഞിനെ നോക്കി മുഖം കൊണ്ട് ഗോഷ്ടി കാണിച്ചു. കുഞ്ഞു അവളുടെ നേരെ ചാടി…വിനീത ചിരിയോടെ കുട്ടിയെ അവൾക്കു വിട്ടു നൽകി..
“ഈ അവറ്റോള് എന്ന് പറഞ്ഞ..നിന്റെ അച്ഛനും അമ്മേം അല്ലെ ?”
ഞാൻ അവളെ നോക്കി ചോദിച്ചു..
“അതുകൊണ്ട്..കണ്ണേട്ടന്റെ കൂടെ വന്ന എന്താ കുഴപ്പം…പിന്നെ വരുന്നത് ഇങ്ങോട്ടല്ലേ “
അവൾ കുട്ടിയെ കൊഞ്ചിച്ചു കൊണ്ട് പറഞ്ഞു.
അമ്മുമ്മ അപ്പോഴേക്കും ഉമ്മറത്തെ ചാരുകസേരയിലെക്കു ഇരുന്നു കഴിഞ്ഞിരുന്നു .
“എടീ …തക്കുടു ഇന്ന് വരില്ലേ ?”