Posted by ഞാൻ കിട്ടിയ ഒരു കസേരയിലേക്കിരുന്നുകൊണ്ട് മഞ്ജുവിന്റെ ബാഗിൽ നിന്നും ചാർജർ എടുത്തു എന്റെ ഫോൺ ചാർജ് ചെയ്യാനിട്ടു ..
പിന്നെ എഴുനേറ്റ് അവളുടെ അടുത്തേക്കായി ബെഡിലേക്കിരുന്നു..
“മ്മ്..എന്താ ഉദ്ദേശം ?”
ഞാൻ മഞ്ജുവിനെ നോക്കി..
“ഇന്ന് ഒരുദ്ദേശവും ഇല്ല..എനിക്ക് നല്ല ക്ഷീണം ഉണ്ട് “
മഞ്ജു എഴുനേറ്റിരുന്നുകൊണ്ട് പറഞ്ഞു..
റൂമിലെ ഹീറ്റർ ഒകെ ഓൺ ചെയ്തിട്ട ശേഷം ആണ് ഞാൻ അവൾക്കരികിലേക്കു വന്നത് .അതുകൊണ്ട് തണുപ്പിന് സ്വല്പം ശമനം ഉണ്ട് !
ഞാൻ അവളുടെ വലതു കയ്യിലേക്ക് എന്റെ ഇടം കൈ ചേർത്തു..തണുത്തു മരവിച്ച അവസ്ഥയിൽ ആണ് രണ്ടാളുടെയും കൈകൾ…
“മ്മ്..എന്താ ?”
മഞ്ജു ചിരിയോടെ എന്നെ നോക്കി..
“നല്ല തണുപ്പ് “
ഞാൻ അവളെ നോക്കി പറഞ്ഞു..
“ആ പുതപ്പിട്ടു കുറച്ചു നേരം കിടന്നോ “
മഞ്ജു കമ്പിളി വലിച്ചു എന്റെ അടുത്തേക്ക് നീക്കി കൊണ്ട് പറഞ്ഞു..
“എനിക്ക് ഈ പുതപ്പു മതി “
ഞാൻ മഞ്ജുവിനെ ചൂണ്ടിക്കൊണ്ട് പറഞ്ഞു..
“മണ്ണാങ്കട്ട ..ഇന്ന് ഒരു പിണ്ണാക്കും ഇല്ല ..”
മഞ്ജു എന്നെ ബെഡിലേക്കു തള്ളിയിട്ടുകൊണ്ട് പറഞ്ഞു . ഞാൻ ബെഡിലേക്കു മലർന്നു വീണു . വീണു കിടന്ന എന്റെ വയറ്റിലേക്ക് തല ചേർത്ത് വെച്ചു മഞ്ജുസ് കിടന്നു..
“എടാ…എനിക്ക് ചെറിയ പേടി ഒകെ ഉണ്ട്..”
മഞ്ജുസ് തല എന്റെ അടിവയറ്റിൽ വെച്ചു എന്നെ ചെരിഞ്ഞു നോക്കി .
ഞാൻ കയ്യെത്തിച്ചു അവളുടെ ഇടം കൈ കവർന്നു പിടിച്ചു..ഞങ്ങൾ വിരലുകൾ തമ്മിൽ ചേർത്തുകൊണ്ട് പരസ്പരം നോക്കി .
“എന്നാത്തിനാ ?”
ഞാൻ അവളെ നോക്കി..
“എടാ തെണ്ടി..പ്രേമോം മണ്ണാങ്കട്ടയും ഒകെ ആണേലും ഞാൻ നിന്റെ ടീച്ചറാ..സീനിയറും ആണ് “