Posted by ഞാൻ പതർച്ചയോടെ അവളെ നോക്കി..
“അഹ്..അതെ….ഞാൻ എല്ലാം കണ്ടു..നീ കൂടുതൽ കിടന്നു ഉരുളണ്ട..”
അവൾ ഗൗരവത്തിൽ പറഞ്ഞു.
“ഒന്ന് പോടീ..നിനക്ക് വട്ടാ”
ഞാൻ ഒരു നിമിഷത്തെ വെപ്രാളം മറികടക്കാൻ ശ്രമിച്ചുകൊണ്ട് പറഞ്ഞു.
“ആണോ…സാരമില്ല..ഞാനിത് അമ്മയോട് പറഞ്ഞിട്ട് വരം..”
അവളതും പറഞ്ഞു തിരിഞ്ഞു നാക്കാൻ തുടങ്ങിയപ്പോൾ എനിക്ക് ചെറിയ പേടി തോന്നി . ഇപ്പോഴേ വീട്ടിൽ അറിഞ്ഞാൽ പൊല്ലാപ്പ് ആണ് . ഞാൻ ഓടി അവളുടെ അടുത്തേക്ക് ചെന്നു..
“നിക്ക് നിക്ക് …നിനക്കെന്താ വേണ്ടേ..നീ എന്തിനാ ഞാൻ ഫോൺ വിളിക്കുന്നതൊക്കെ നോക്കാൻ വരണേ..നീ ചെയ്യുന്നത് വല്ലോം ഞാൻ നോക്കാൻ വരുന്നുണ്ടോ “
ഞാനവളെ ദേഷ്യത്തോടെ നോക്കി.
“ഹാഹ്..നീ എന്തിനാ ചൂടാവാണെ..ഞാൻ വെറുതെ പുറത്തിറങ്ങിയപ്പോ കണ്ടതാ…”
അവൾ ചിരിയോടെ പറഞ്ഞു.
അവളുടെ ആക്കിയുള്ള ചിരി കണ്ടപ്പോൾ എനിക്ക് കൂടുതൽ ചൊറിഞ്ഞു വന്നു.
“സത്യം പറ മോനെ..എന്തോ ചുറ്റിക്കളി ഇല്ലേ ?”
അവളെന്നെ സംശയത്തോടെ നോക്കികൊണ്ട് തിരക്കി.
ഞാൻ എന്ത് പറയണം എന്നറിയാതെ ഒരു നിമിഷം നിന്നു. പിന്നെ വരുന്നത് വരട്ടെ എന്ന് വെച്ച് അവളുടെ കൈക്കു കയറിപിടിച്ചുകൊണ്ട് വീടിന്റെ സൈഡിലോട്ടു മാറ്റി നിർത്തി.
“ഏയ്….കണ്ണേട്ടാ..കയ്യിന്നു വിട്”
ഞാൻ ബലത്തോടെ കയ്യിൽ കയറി പിടിച്ചപ്പോൾ അവൾക്കു പേടി തോന്നി കാണും . കണ്ണേട്ടാ എന്ന് വല്ലപ്പോഴുമേ വിളിക്കാറുള്ളു. അല്ലെങ്കിൽ എടാ..പോടാ എന്നൊക്കെയേ വിളിക്കൂ !
ഞാനവളെ ചുമരിനോട് ചാരി നിർത്തി കൊണ്ട് മിണ്ടരുത് എന്ന ഭാവത്തിൽ എന്റെ ചുണ്ടത് വിരൽ വെച്ചു.
“എടി പുല്ലേ ..നീ കണ്ട സ്ഥിതിക്ക് ഞാൻ പറയാം..ഇതൊക്കെ അമ്മയോട് ചെന്ന് എഴുന്നള്ളിക്കരുത് ..”