🖤അമ്മ..അറിയാൻ 2 [പങ്കജാക്ഷൻ കൊയ്‌ലോ]

അതായിരിക്കാം……..,

കൂട്ടിനാരുമില്ലാതാവുക…!!!!

കൂട്ടില്ലാത്ത കാരാഗൃഹത്തേക്കാൾ തെണ്ടിയാവുന്നതാണ് നല്ലതെന്ന്

വിചാരിച്ച് ഞാൻ ഇനിയെന്ത് എന്ന്

ഒരു നിമിഷം ചിന്തിച്ചു…

അപ്പോഴാണ് ആ പെൺകുട്ടികളുടെ

ചോദ്യം ചെവിയിൽ ഓർമയായി മുഴങ്ങിയത്…

““ആർ യു … ഹിന്ദി ??!!”””

പണിയെടുത്ത് ജീവിച്ച വടക്കൻ സംസ്ഥാനങ്ങളുടെ ഓർമകൾ…… ഒരു നിമിഷം കൊണ്ട് തിരമാലകൾക്കൊപ്പം അലയടിച്ചു വന്നു…..

‘അതിഥി തൊഴിലാളികൾ’ ജൻമമെടുത്തിട്ടില്ലാത്ത അന്നത്തെ കാലത്ത് അവർക്ക് ഞങ്ങൾ മദ്രാസികളായിരുന്നു…. സ്നേഹത്തോടെയും വെറുപ്പോടെയും അവർ ഞങ്ങളെ മദ്രാസി എന്ന് വിളിച്ചു.

 

അങ്ങോട്ടൊക്കെ ഒന്ന് പോയി വന്നാലോ……………….!?

 

എവിടെ നിന്നോ കിട്ടിയ ഊർജ്ജത്തിലും

കൈയ്യിലുള്ള ചില്ലറകളുടെ ബലത്തിലും

ഞാനാ തീർത്ഥാടനത്തിന് തീരുമാനിച്ചു.!

 

ഗുജറാത്ത്, പഞ്ചാബ്, പൂനെ,ബോംബെ….

ഏതാനും വർഷങ്ങൾ സൗഹൃദങ്ങളുടെ മധുരവും കയ്പും ….. വിയർപ്പിന്റെ

പണിക്കൂലിയും നിറഞ്ഞ അനുഭവങ്ങൾ.

നല്ല കൂട്ടുകാരെയും കൂടെ, വേദനകൾ മറന്ന കൂട്ടച്ചിരിയുടെ നിമിഷങ്ങളും ഇടയ്ക്കിടെ ഉൻമാദത്തോടെ അയവിറക്കി

സുഖിക്കാറുള്ള എനിക്ക് ആ വഴികളൊക്കെ ഓർമയിൽ സുപരിചിതമായ സ്നേഹകൂട്ടായ്മകളുടെ ലഹരിയായിരുന്നു……….

ഇനിയൊരു തിരിച്ചു പോക്കില്ലാത്ത

സ്ഥലങ്ങളിൽ ഓർമകളിലൂടെ മുങ്ങി നിവരാറുള്ള ഞാൻ…..പതിവ് തെറ്റിച്ച് തീരുമാനമെടുത്തു. കഷ്ടിച്ച് ജീവിക്കാൻ

പണ്ടേ മിടുക്കുള്ള എനിക്ക് കൈയ്യിലുള്ള