ഹായ് ഞാൻ ഹൈദർ മരക്കാർ, കഴിഞ്ഞ ഭാഗത്തിന് നിങ്ങൾ നൽകിയ പിന്തുണയ്ക്ക് നന്ദി, അപ്പൊ എങ്ങനെ വായിച്ചിട്ട് നിങ്ങളുടെ അഭിപ്രായം അറിയിക്കില്ലേ………എന്താണ് പെട്ടെന്ന് ഇങ്ങനെ ഒരു മാറ്റത്തിന് കാരണം…
ആ…. ഒന്നും മനസിലാവാതെ ഞാൻ അങ്ങനെ ഇരുന്നു……..

കുറച്ചു നേരം കഴിഞ്ഞിട്ടും ഒരു പ്രതികരണവും ഇല്ല, എന്താണ് സംഭവം എന്ന് ആലോചിച്ചു എനിക്ക് ഒരു പിടുത്തവും കിട്ടുന്നില്ല.

മൂഡ് ശരിയല്ലെങ്കിൽ ദേവു ഇങ്ങനെ ആണ്, എന്തെങ്കിലും ചെറിയ കാര്യം മതി പിണങ്ങാൻ, ഞാൻ വല്ല ഊള നമ്പർ ഇറക്കിയാൽ തന്നെ ആ പിണക്കം മാറുകയും ചെയ്യും.

ഞാൻ ഒരിക്കൽ കൂടി പോയി വാതിൽ മുട്ടി നോക്കി, വീണ്ടും നോ റെസ്പോൺസ്, ഇത് അവസാനിപ്പിച്ചിട്ട് തന്നെ ബാക്കി കാര്യം.

ഞാൻ വന്ന് സോഫയിൽ ഒരു 5മിനിറ്റ് ഇരുന്ന ശേഷം പോയി കോളിങ് ബെൽ അടിച്ചിട്ട് വീണ്ടും പോയി ദേവൂന്റെ മുറിയുടെ കതകിൽ മുട്ടി

“ദേവു….. ഷേർളി ആന്റി വിളിക്കുന്നു”

ഒരു മിനിറ്റ് കഴിഞ്ഞു കാണണം ദേവു കതകു തുറന്ന് പുറത്തേക്ക് വന്നു, പുറത്തിറങ്ങി നോക്കി ആരെയും കാണാഞ്ഞപ്പോൾ എന്നെ തിരിഞ്ഞ് ഒരു നോട്ടം നോക്കി

ഞാൻ നിന്ന് ചിരിക്കുന്നത് കണ്ടപ്പോൾ ദേവൂന്റെ ഉള്ളിലെ രാക്ഷസി ഭാവം പുറത്ത് ചാടുന്നത് ഞാൻ വ്യക്തമായി കണ്ടു, എന്നെ ഒന്ന് കണ്ണുരുട്ടി പേടിപ്പിച്ചിട്ട് വീണ്ടും റൂമിലേക്ക് നടക്കാൻ തുടങ്ങി.

ഇനിയും ആ മുറിക്കുള്ളിൽ കയറി കതകടച്ചാൽ കാരണം എന്താണെന്ന് പോലും അറിയാതെ ഞാൻ ടെൻഷൻ അടിച്ചു ഇരിക്കേണ്ടി വരും, ഇതാണ് പ്രശ്നം പറഞ്ഞ് പരിഹരിക്കാൻ പറ്റിയ അവസരം.

മുറിയിലേക്ക് കയറുന്നതിന് തൊട്ട് മുന്നെ ഞാൻ ദേവൂനെ പോയി പുറകിൽ നിന്നും പിടിച്ചു നിർത്തി, എന്റെ കരവലയത്തിൽ നിന്നും നിമിഷ നേരംകൊണ്ട് കുതറി മാറിയ ദേവു എന്റെ മുഖത്തിട്ട് ഒന്ന് പൊട്ടിച്ചിട്ട് മുറിയിൽ കയറി കതകടച്ചു. എല്ലാം ശടപടെ ശടപടേന് ആയിരുന്നു…….. ഉഫ്…..

ആ വാതിൽ എന്റെ മുനിൽ കൊട്ടി അടഞ്ഞിട്ടും ഞാൻ അങ്ങനെ തന്നെ അവിടെ നിന്നു, ശരിക്കും കിളി പോയെന്ന് തോന്നുന്നു

പ്രശ്നം ഗുരുതരം ആണെന്ന് മനസ്സിലായി, ആദ്യമായാണ് ദേവു എന്നെ തല്ലുന്നത്
ആലോചിക്കും തോറും ഭ്രാന്ത് പിടിക്കാൻ തുടങ്ങി, ഇനി ഇവിടെ നിന്ന ശരിയാവില്ല