“അല്ല…ഇപ്പൊ നിനക്ക് ഫുൾ ടൈം റോസ്മോളുടെ കാര്യം ചോദിക്കാനേ നേരമുള്ളൂ ..ഒരു പാവം ഭാര്യയും മോനും കൂടെ ഉള്ളതൊക്കെ ഇയാൾക്ക് വല്ല ഓര്മ ഉണ്ടോടോ ?”
മഞ്ജുസ് ചിരിയോടെ പറഞ്ഞു എന്റെ കഴുത്തിൽ കൈച്ചുറ്റി പിടിച്ചു .
“തമാശ ആണെങ്കിൽ ഓക്കേ …സീരിയസ് ആയിട്ടാണേൽ നിന്നെ ഞാൻ ഇവിടിട്ടു ചവിട്ടും ..”
ഞാൻ അവളുടെ പുറത്തു പയ്യെ നുള്ളികൊണ്ട് പല്ലിറുമ്മി .
“ഹി ഹി…”
എന്റെ മറുപടി കേട്ട് മഞ്ജുസ് ചിരിച്ചു.
“അതൊക്കെ പോട്ടെ ..നിനക്കെന്തൊ പറയാൻ ഉണ്ടെന്നു പറഞ്ഞിരുന്നല്ലോ ..അതെന്നതാ?”
ഞാൻ അവളെ അടർത്തിമാറ്റികൊണ്ട് പുരികങ്ങൾ ഇളക്കി .
“അതോ…അത്…”
മഞ്ജുസ് എന്നെ നോക്കി ശങ്കിച്ചുകൊണ്ട് കൈവിരലുകൾ തമ്മിൽ കോർത്ത് പിടിച്ചു .
“ഹാഹ്..കാര്യം പറ..”
ഞാൻ അവളുടെ പരുങ്ങല് കണ്ടു ചിരിച്ചു .
“അല്ലെടാ..ഇന്നലെ അമ്മേം മുത്തശ്ശിയും ഒക്കെ വിളിച്ചിരുന്നു ..ഇപ്പൊ വീട്ടിൽ പോയിട്ട് കുറച്ചായില്ലേ ..”
മഞ്ജുസ് പറഞ്ഞുനിർത്തികൊണ്ട് എന്നെ നോക്കി.
“ഓഹ് ..മനസിലായി ..”
അവൾ പറഞ്ഞു വന്ന റൂട്ട് മനസിലാക്കികൊണ്ട് ഞാൻ ചിരിച്ചു .
“അതിലെന്താടാ ഇത്ര ചിരിക്കാൻ …”
എന്റെ മറ്റേടത്തെ ചിരി കണ്ടു മഞ്ജുസ് കണ്ണുരുട്ടി .
“ചുമ്മാ ..നീ എന്തിനാ ഇങ്ങനെ വളഞ്ഞു മൂക്ക് പിടിക്കണേ..നേരിട്ടങ്ങു പറ ”
ഞാൻ അവളെ കളിയാക്കികൊണ്ട് ചിരിച്ചു.
“പറഞ്ഞാൽ ഇപ്പൊ എന്താ ? നമുക്കെന്റെ വീട്ടിൽ പോവാം…അവിടെ രണ്ടു ദിവസം നില്ക്കാൻ ചെല്ലാൻ അച്ഛൻ പറഞ്ഞു . പിള്ളേരെയൊക്കെ കാണാൻ തോന്നുന്നുണ്ടെന്നു അമ്മയും പറഞ്ഞു ”
മഞ്ജുസ് ഒറ്റ ശ്വാസത്തിൽ പറഞ്ഞുകൊണ്ട് എന്നെ ഉറ്റുനോക്കി.
“അതിനു ?”
ഞാൻ ഗൗരവത്തിൽ അവളെ നോക്കി .
“നാളെ നമ്മള് പോകും അത്രന്നെ ..കിടന്നോ…”
മഞ്ജുസ് എന്റെ ചൊറി ഒന്നും കാര്യമാക്കാതെ സ്വയം തീരുമാനിച്ചുകൊണ്ട് പറഞ്ഞു .പിന്നെ കട്ടിലിന്റെ ക്രാസിയിലേക്കായി ചാരി ഇരുന്നു .
“ആഹാ ..അതൊക്കെ ചേച്ചി ഒറ്റക്കങ്ങട് തീരുമാനിച്ചാൽ മതിയോ ?”
അവളുടെ ഭാവം കണ്ടു ഞാൻ സ്വല്പം വെയ്റ്റ് ഇട്ടു .
“ആഹ്…ഒന്ന് തീരുമാനിച്ചു നോക്കട്ടെ ..നടക്കുമോന്നു അറിയണമല്ലോ ”
അവളും അതെ രീതിക്കു റിപ്ലൈ നൽകി എന്നെ നോക്കി .
“ഓഹോ….”
ഞാൻ അവളെ നോക്കി കണ്ണുരുട്ടി .