Posted by ഞാൻ സംശയത്തോടെ ചോദിച്ചു .
“ആഹ്..ഏറെക്കുറെ ..പക്ഷെ ഇവനും ഇപ്പോഴും കൊറച്ചു ബലം പിടുത്തം ഉണ്ട് ”
ആദിയുടെ തലയിൽ തഴുകികൊണ്ട് അഞ്ജു ചിരിച്ചു .
“സ്വാഭാവികം ..”
ഞാൻ ചിരിയോടെ പറഞ്ഞു ചെക്കന്റെ നേരെ കൈനീട്ടി .
“ഡാ വാടാ …അച്ഛന്റെ പൊന്നല്ലെ ….”
ഞാൻ അവനെ നോക്കി കൊഞ്ചി .ഒന്ന് ബലം പിടിച്ചെങ്കിലും അഞ്ജു അവനെ എന്റെ അടുത്തേക്ക് നീക്കിയപ്പോൾ ചെക്കൻ എന്റെ കൈകളിലേക്ക് ചാടി .
“അമ്പോ …അങ്ങനെ മൊതലിനെ ഒന്ന് കയ്യിൽ കിട്ടി…”
ഞാൻ ആരോടെന്നില്ലാതെ പറഞ്ഞു ആദികുട്ടനെ കോരിയെടുത്തു . പിന്നെ ചെറുക്കന്റെ നുണക്കുഴി കവിളിൽ പയ്യെ ചുംബിച്ചു .
“ചാച്ചന്റെ ചക്കരകുട്ടന് ചെറിയ ക്ഷീണം ഉണ്ടല്ലോ ”
ഞാൻ അവന്റെ കഴുത്തിൽ മുഖം ഉരുമ്മിക്കൊണ്ട് ചിരിച്ചു . എന്റെ കുറ്റിത്താടി അവന്റെ കഴുത്തിൽ ഇക്കിളിപ്പെടുത്തുന്ന ഫീലിൽ അവനും ചിണുങ്ങി ചിരിച്ചു .
“ഹി ഹി ഹി…”
അവന്റെ ചിരി ആ നിശബ്ദതയിൽ മുഴങ്ങി കേട്ടു. അഞ്ജു അതെല്ലാം നോക്കി കണ്ടു എന്റെ അടുത്തിരുന്നു . ആ സമയത്തു മഞ്ജുസും എന്റെ അമ്മയും കൂടി ഹാളിലേക്കെത്തി . ചെറുക്കന്റെ ശബ്ദവും എന്റെ സംസാരവുമൊക്കെ കേട്ടുകൊണ്ടാണ് അവരുടെ ആഗമനം !
“‘അ..മ്മാ ..”
മഞ്ജുവിനെ കണ്ടതും ചെറുക്കൻ അങ്ങോട്ടേക്ക് കൈചൂണ്ടി എന്നെ നോക്കി .
“അവന്റെ ഒരു അമ്മ ….”
ഞാൻ ആരോടെന്നില്ലാതെ പറഞ്ഞു പല്ലിറുമ്മി .
“ദേ അത് കരയും ട്ടോ കണ്ണേട്ടാ…”
എന്റെ ഭാവം കണ്ടു അഞ്ജു ചിരിച്ചു.
“ഡാ നിനക്കൊന്നും കഴിക്കണ്ടേ? നേരം കൊറേ ആയി . ഒറ്റപ്പാലത്തേക്ക് പോകാനുള്ളതല്ലേ ?”
മഞ്ജുവിന്റെ വീട്ടിലേക്ക് പോകുന്ന കാര്യം ഓർത്തുകൊണ്ട് അമ്മച്ചി തിരക്കി . അതോടെ മഞ്ജുസ് എല്ലാം അമ്മയോട് അവതരിപ്പിച്ചു കാണുമെന്നു ഞാൻ ഊഹിച്ചു .
“ആഹ്…പോണം …ഇല്ലെങ്കിൽ ഇന്നിവിടെ കലാപം നടക്കും ”
ഞാൻ മഞ്ജുസിനെ നോക്കി കണ്ണിറുക്കികൊണ്ട് ചിരിച്ചു . ആ മറുപടി കേട്ടു അമ്മയും അഞ്ജുവും ചിരിയടക്കികൊണ്ട് മഞ്ജുസിനെ ഒന്നു നോക്കി .
“ചുമ്മാ പറയുവാ അമ്മെ …ഇവനെപ്പോഴും എന്നെ കളിയാക്കാനെ വാ തുറക്കുള്ളു ”
എന്നെ നോക്കി ദഹിപ്പിച്ചുകൊണ്ട് മഞ്ജു അമ്മയോടായി പറഞ്ഞു .
“നമ്മളും മോശം ഒന്നും അല്ല ..”