💥ചെറിയമ്മയുടെ സൂപ്പർഹീറോ 6💥[Hyder Marakkar]

കെട്ടിയിരുന്നു…. പ്രധാനമായും സീരീസ് ഇരുന്ന് കാണൽ തന്നെ ആയിരുന്നു ഈ സമയത്തെ പ്രധാന വിനോദം……. ഒന്നര മാസത്തോളം നീണ്ട കാത്തിരിപ്പ് ഇന്ന് അവസാനിക്കും, ഇന്ന് എന്റെ കാലിലെ പ്ലാസ്റ്റർ ഊരുന്ന ദിവസമാണ്
###“ അഭി എഴുന്നേൽക്ക്……. ഡ….. ആ രാമചന്ദ്രൻ ചേട്ടൻ (കടുവ) സൂയിസൈഡ് ചെയ്തു…”
ദേവു ഈ വാർത്ത വന്നു പറയുമ്പോഴാണ് ഞാൻ എഴുന്നേൽക്കുന്നത്, കുറച്ച് ദിവസങ്ങളായി ഈ ഒരു ദിവസത്തിന് വേണ്ടി കാത്തിരിക്കുക ആയിരുന്നു, കാലിന്റെ കെട്ടൊക്കെ അഴിച്ച് ഫ്രീ ആവുന്ന ഈ ഒരു ദിവസത്തിന് വേണ്ടി………. എന്താ ചെയ്യാ വളരെ വിഷമം തോന്നിയ ഒരു വാർത്ത കേട്ടുകൊണ്ട് ആണ് എഴുന്നേറ്റത്.“അയ്യോ……. എങ്ങനെ??”

“തൂങ്ങി മരിച്ചതാണ് എന്ന ഷേർളി ആന്റി പറഞ്ഞത്……… ഞാൻ പോവാൻ നിന്നില്ല, എനിക്ക് പേടിയാണ്…”

“കഷ്ടമായി പോയി ലേ”

“പുള്ളിക്ക് എന്തെങ്കിലും പ്രശ്നങ്ങൾ ഒക്കെ ഉണ്ടാവും, അത് കൊണ്ടായിരിക്കും ആരോടും മിണ്ടാതെ ഒതുങ്ങി നടന്നത്”

“ഹ്മ്മ്…… എന്തായാലും കഷ്ടമായി പോയി”

“മ്മ്….. ഒന്നും ചെയ്യാൻ കഴിയുന്നില്ല…. പുള്ളിയുടെ മുഖം തന്നെ മനസ്സിൽ വരാ”

“അമ്മു അറിഞ്ഞോ??”

“മ്മ്….. അമ്മുന് നല്ല വിഷമം ആയിട്ടുണ്ട്, എന്തോ എനിക്ക് അവളുടെ കാര്യത്തിൽ ആണ് പേടി”

“മ്മ്…… ലീവ് ഒന്നും ആകണ്ട……. അവളെ സ്കൂളിൽ പറഞ്ഞ് വിട്ടോ….. വെറുതെ ഇവിടെ ഇരുന്ന് ഓരോന്നും ആലോചിച്ചു കൂട്ടും”

“മ്മ്…… ശരി ഞാൻ അവളെ ഒന്ന് പറഞ്ഞു വിടട്ടെ”
എന്ന് പറഞ്ഞു ദേവു മുറിയിൽ നിന്ന് ഇറങ്ങി പോയി.

അമ്മു സ്കൂളിൽ പോയ ശേഷം റോഷൻ വന്നപ്പോൾ ഞാൻ അവന്റെ കൂടെ ആശുപത്രിയിലേക്ക് പോയി, ദേവൂനെ ഞങ്ങൾ പോവുന്ന വഴിക്ക് സ്കൂളിൽ ഡ്രോപ്പ് ചെയ്തു, ഫ്ലാറ്റിൽ നിന്ന് ഇറങ്ങുമ്പോൾ താഴെ മൊത്തം പോലീസും കുറെ ആളുകളും ഒക്കെ ഉണ്ടായിരുന്നു…

കാലിലെ കെട്ടൊക്കെ ഊരി സ്വസ്ഥമായ ശേഷം റോഷന്റെ കൂടെ ഒന്ന് കറങ്ങാൻ പോയി, ഒന്നര മാസത്തോളം പുറത്തിറങ്ങാതെ ഇറങ്ങിയത് കൊണ്ട് ഒന്ന് ടൌൺ മൊത്തം ചുറ്റിയടിച്ചു ശേഷം ബീച്ചിലും പോയിട്ട് ഫ്ലാറ്റിലേക്ക് പോവാമെന്ന് കരുതി. ഇതുവരെ സംസാരിച്ചിട്ട് പോലും ഇല്ലെങ്കിലും നമ്മുടെ എടുത്തു താമസിക്കുന്ന ഒരാൾ മരിച്ചെന്നു കേട്ടപ്പോൾ ഒരു വിഷമം, അത് കൊണ്ട് ഒന്ന് മനസ് ഫ്രഷ് ആക്കിയിട്ട് പോവാം.

വൈകുന്നേരം ലേറ്റ് ആയിട്ടാണ് ഫ്ലാറ്റിലേക്ക് പോയത്, പോവുന്ന വഴിക്ക് റോഷനെ വീട്ടിൽ ആക്കി അവന്റെ കാറും എടുത്തിട്ടാണ് ഞാൻ വന്നത്, എന്തായാലും രണ്ടാം ശനിയും ഞായറും ആണ് വരുന്നത്, അമ്മുവിനെയും ദേവൂനെയും കൂട്ടി ഒന്ന് കറങ്ങാൻ ഒക്കെ പോവണം…

കോളിങ് ബെൽ അടിച്ചപ്പോൾ ദേവു ആണ് വന്നു തുറന്ന്,

“എന്ത് പറ്റി ദേവു സുഖമില്ലേ??”

“മ്മ്…… നല്ല തലവേദന”