💥ചെറിയമ്മയുടെ സൂപ്പർഹീറോ 6💥[Hyder Marakkar]

രണ്ടുപേരും ഒന്ന് അടങ്ങിയ ശേഷം ഞങ്ങൾ കാർഡ്‌സ് കളിയിലേക്ക് കടന്നു, അങ്ങനെ ഉച്ചവരെ സമയം പോയത് അറിഞ്ഞില്ല, ഉച്ചയ്ക്ക് അമ്മു വന്ന ശേഷം റോഷൻ പോയി, പിന്നെ രണ്ട് നോൺ സ്റ്റോപ്പ്‌ ബസുകൾക്ക്
നടുവിൽ പെട്ടുപോയ അവസ്ഥ ആയിരുന്നു, അമ്മുവും ചിത്രയും മത്സരിച്ച് കഥ പറഞ്ഞപ്പോൾ എല്ലാം കേട്ട് ഒരു വോൾടേജ് കുറഞ്ഞ ചിരി പാസ്സ് ആക്കൽ ആയിരുന്നു എന്റെ ഡ്യൂട്ടി.

ചിത്ര ഇവിടെ വന്നതിന് ശേഷം ഇതുവരെ അങ്ങനെ പുറത്തൊന്നും പോയിട്ടില്ല എന്ന് പറഞ്ഞ് വൈകുന്നേരം അമ്മുവിനെയും കൂട്ടി നടക്കാൻ പോയി, ഇനി മുതൽ ദിവസവും ഇങ്ങനെ വൈകീട്ട് നടക്കാൻ പോവണമെന്ന് ഒക്കെ പറഞ്ഞ് വല്യ ഡയലോഗ് അടിച്ചിട്ടാണ് പോയത്, നമ്മൾ ഇതൊക്കെ എത്ര കണ്ടതാണ് മാക്സിമം രണ്ട് ദിവസം ഉണ്ടാവും ഈ ആവേശം, ഈ ഞാൻ തന്നെ പണ്ട് ദിവസവും രാവിലെ എഴുന്നേറ്റു ജോഗിങിന് പോവാൻ പ്ലാൻ ചെയ്തതാണ്, എവിടെ ഒറ്റ ദിവസം പോയതും മടി പിടിച്ചു, ആ.ഹ്…. കണ്ടറിയാം

ചിത്ര പെട്ടെന്ന് കമ്പനി ആവുന്ന ടൈപ്പ് ആണെങ്കിൽ അവളുടെ അച്ഛനും അമ്മയും നേരെ വിപരീതം ആണെന്ന് തോന്നുന്നു, അവരു ഇവിടെ താമസം തുടങ്ങിയ ശേഷം ഇതുവരെ ഇങ്ങോട്ട് ഒന്ന് തിരിഞ്ഞു നോക്കിയിട്ടില്ല
അങ്ങനെ ചിത്രയും അമ്മുവും നടക്കാൻ പോയപ്പോൾ ഞാൻ ഓരോന്ന് ആലോചിച്ചു ഇരിക്കുമ്പോൾ അതാ കോളിംഗ് ബെൽ അടിയുന്നു, ഓ….. ഇത് ആരാണ് ബെൽ ഒക്കെ അടിച്ച് വരാൻ

“തുറന്നൊള്ളു…… ചാരിയിട്ടേ ഉള്ളു”
ഞാൻ ഉറക്കെ വിളിച്ചു പറഞ്ഞപ്പോൾ അതാ വാതിലും തുറന്ന് വരുന്നു നമ്മുടെ സുഹറത്ത, കയ്യിൽ ഒരു പാത്രമുണ്ട്, അയ്യോ ദേവൂന് ഇന്നത്തെ കലിപ്പിനുള്ള കാരണം ആയിട്ടാണ് ഇത്തയുടെ വരവ്…

“ആ ഇത്തയായിരുന്നോ….”
പുള്ളിക്കാരി വാതിൽ തുറന്ന് അകത്തേക്ക് കയറിയതും ഞാൻ പറഞ്ഞു

“എന്താണ് മോനെ ഒറ്റയ്ക്ക് ഇരുന്ന് പരിപാടി”

“എന്ത് പരിപാടി ഇത്ത….. ഇതാ ഇങ്ങനെ പോസ്റ്റ്‌ അടിച്ച് ഇരിക്കുന്നു, വാ ഇരിക്ക്”
എന്റെ എതിർവശത്ത് ഉള്ള സോഫ കാണിച്ച് പറഞ്ഞപ്പോൾ അത് നിരസിച്ച് കൊണ്ട് ഇത്ത വന്നു ഞാൻ ഇരിക്കുന്ന സോഫയിൽ എന്റെ അടുത്ത് ഇരുന്നു.

“ഇത് ഇത്തിരി അരികടുക്കയാണ്…. നിനക്ക് ഇഷ്ടമാണോ??”
കയ്യിൽ ഇരുന്ന പാത്രം എനിക്ക് നേരെ നീട്ടി കൊണ്ടു ഇത്ത ചോദിച്ചു

“ഓ ഇഷ്ടം ആണോന്നോ……. ജീവനാണ്… താങ്ക്യൂ…”
പാത്രം വാങ്ങി തുറന്ന് കഴിക്കുന്നതിനിടയിൽ ഞാൻ പറഞ്ഞു
ഇത്ത എന്റെ ആക്രാന്തം കണ്ട് ചെറുതായി ചിരിക്കുന്നുണ്ട്

“ഇത്തയ്ക്ക് വേണോ…..”
കഴിക്കുന്നതിനിടയിൽ ഒരു ഫോര്മാലിറ്റിക്ക് ഞാൻ വെറുതെ ചോദിച്ചു

“ഏയ് എനിക്ക് വേണ്ട, അവിടെ ഉണ്ട്…… നീ കുറച്ച് അമ്മുന് ബാക്കി വച്ച മതി”
ഞാൻ അതിന് മറുപടി ആയിട്ട് ഒന്ന് ചിരിക്കുക മാത്രം ചെയ്തു

“ഇത്ത……. പാർലർ ഒക്കെ എങ്ങനെ പോകുന്നു, ആ പെണ്ണ് ഇപ്പോ വരാറുണ്ടോ”

“എന്റെ അഭി……. നിന്നോട് അതിന് എങ്ങനെ നന്ദി പറയണമെന്ന് എനിക്ക് അറിയില്ല, അതിന് ശേഷം ജിൻസി ആ ഭാഗത്തേക്ക് വന്നിട്ടില്ല, എന്റെ കുടുംബം ഇപ്പോഴും സന്തോഷത്തോടെ ഇരിക്കുന്നത് നീ ഒരാൾ കാരണം ആണ്, മരണം വരെ നിന്നെ എനിക്ക് മറക്കാൻ പറ്റില്ല….”