Posted by
ഫോൺ എടുത്തില്ലെങ്കിൽ ഇനിയും വിളി വന്നുകൊണ്ടിരിക്കും എന്നറിയാവുന്നതിനാൽ കാൾ അറ്റൻഡ് ചെയ്തു.
“ഹലോ..”
“നീ വീട്ടിൽ എത്തിയോടാ?”
“അഹ്..”
“ഫുഡ് കഴിച്ചോ?”
“ഹമ്..”
എന്റെ മറുപടികൾ മൂളലിൽ ഒതുങ്ങിയപ്പോൾ അവൾ കുറച്ച് നേരം മിണ്ടാതിരുന്നിട്ട് ചോദിച്ചു.
“നീ കുടിച്ചിട്ടുണ്ടോടാ?”
കള്ളം പറയാൻ തോന്നിയില്ല. ഉണ്ട് എന്ന അർഥത്തിൽ മൂളി.
“നീ ആരോട് ചോദിച്ചിട്ടാടാ കുടിച്ചത്.. ഇനി എന്നെ വിളിച്ച് പോകരുത്.”
ഞാൻ എന്തെങ്കിലും പറയുന്നതിന് മുൻപ് തന്നെ അവൾ കാൾ കട്ട് ചെയ്തു.
ഞാൻ ഫോൺ ബെഡിലേക്ക് ഇട്ട് കണ്ണടച്ച് കിടന്നു. ഒരു 5 മിനിറ്റ് കഴിഞ്ഞ് കാണണം ദേവുവിന്റെ കാൾ എന്നെ തേടി എത്തി.
സാധാരണ അവൾ ഇങ്ങനെ പിണങ്ങി പോയാൽ ഫോൺ എടുക്കുന്നവരെയും ഞാൻ പിന്നാലെ വിളിച്ച് തുടങ്ങിയിരിക്കും. ഇന്ന് അങ്ങനെ കാണാഞ്ഞൊണ്ടാണ് തിരികെ ഉള്ള ഈ വിളി.
കാൾ എടുത്തുടൻ അവളുടെ ചോദ്യം വന്നു.
“എന്താടാ പറ്റിയെ?”
“ഏയ്.. ഒന്നും ഇല്ല.”
“എന്തോ ഉണ്ട്. മര്യാദക്ക് പറയുന്നുണ്ടോ നീ. എനിക്ക് നിന്നെ നന്നായി അറിയാവുന്നതാണ്.”
അവളുടെ സ്വരത്തിൽ വാശി കടന്നു കൂടിയിരുന്നു. ഇനി പറയാതിരിക്കാൻ കഴിയില്ല. അച്ചു എന്നോട് പറഞ്ഞതെല്ലാം ഞാൻ അവളോട് പറഞ്ഞു.
എല്ലാം കേട്ടുകഴിഞ്ഞ ശേഷം അവൾ നിസാരം പോലെ പറഞ്ഞു.
“ഇതിനാണോ നീ ഇങ്ങനെ മൂഡോഫ് ആയത്.”
എനിക്ക് ദേഷ്യം വരാതിരുന്നില്ല.
“ഇതെന്താ.. അത്ര ചെറിയ കാര്യമാണോ നിനക്ക്?”
“നീ ഇങ്ങനെ ചൂടാകാതെ.. നാട്ടുകാർ എന്ത് പറയും എന്ന് ഞാൻ ഇപ്പോൾ ചിന്തിക്കാറില്ല.. പണ്ടൊരിക്കൽ കൂടെ പഠിച്ചവരുടെ വായിൽ നിന്നും വീണത് കേട്ടിട്ടാണ് പാതിവഴിയിൽ ഇവിടെത്തെ കോളേജ് ജീവിതം