Life of pain 4 💔 [Reborn The Devil] [DK]

മനു പതിഞ്ഞ സ്വരത്തിൽ അവളെ വിളിച്ചു.അവള് പതിയേ നെഞ്ചില് നിന്ന് തല ഉയർത്തി.

അഞ്ചു: ആ… മനു ഏട്ടാ എഴുന്നേറ്റോ . ഞാൻ ഒന്ന് ഉറങ്ങി പോയി.

അവളുടെ കണ്ണിലെ കൺമഷി ഒക്കെ പോയിരുന്നു. കണ്ണ് കണ്ടാൽ അറിയാം ഒരുപാട് കരഞ്ഞിട്ടുണ്ട് എന്ന്.മുടി ഒക്കെ ഒരു കോലം ആയിരിക്കുന്നു.

മനു: പിടിച്ച് പോയോ…

അഞ്ചു: മ്മ്‌….

അവള് പതിഞ്ഞ സ്വരത്തിൽ ഉത്തരം അരുളി. കണ്ണുകളിൽ നിന്ന് കണ്ണുനീർ വന്നു.
മനു അവളുടെ കണ്ണുകൾ തുടച്ചു.

മനു: ഇൗ കണ്ണുനീർ… ഞാൻ വർഷങ്ങൾക്ക് ശേഷം ഒരു ആളെ ഓർത്ത് എന്റെ നെഞ്ച് വേദനിച്ചിട്ടുണ്ടെങ്ങിൽ അത് അന്ന് ഓഫീസിൽ വച്ച് താൻ കരയണത്‌ കണ്ടതിനു ശേഷം ആണ്. പിന്നെ പല വട്ടം ഞാൻ ഇത് എനിക്ക് വേണ്ടി പൊഴിയുന്നത് കണ്ടു. ഇന്നലെ സ്റ്റേജിൽ വച്ച് ഞാൻ കണ്ടത് ഗാലറിയിൽ എന്നെ ഓർത്ത് കരയുന്ന നിന്നെ ആണ്. നിന്റെ ഓരോ ചിരിയും നിന്റെ സാനിധ്യവും എന്റെ മനസ്സിന്റെ മുറുവിനു ഒരു മരുന്ന് പോലെ ആയിരുന്നു. നീ ആരാണ് പെണ്ണേ… മാലാഖ ആണോ . നിനക്ക് എന്നെ വിട്ട് പോവാതെ ഇരുന്നു കൂടെ . ഒരുപാട് ഇഷ്ടമാണ് പെണ്ണേ എനിക്ക് നിന്നോട് ഇന്ന് ലോകത്ത് ആരെക്കാളും .’

ഇത്രയും പറഞ്ഞ് കേട്ടപ്പോ അഞ്ജുവിന്റെ മുഖം സന്തോഷം കൊണ്ട് നിറഞ്ഞ് തുളുമ്പി.അവന്റെ ചോദ്യത്തിന്റെ ഉത്തരം അവള് അവന്റെ ചുണ്ടിൽ അവള് നൽകി. അതേ അവരുടെ ആദ്യ ചുംബനം.

അഞ്ചു: ഞാൻ എന്നും ഏട്ടന്റെ ഒപ്പം ഉണ്ടാവും ഏട്ടാ… എന്റെ ചങ്കിലെ അവസാന ശ്വാസം വരെ

അവള് അവനെ ചേർത്ത് പിടിച്ച് കരഞ്ഞു. അവൻ അവളെ അവനോട് ചേർത്ത് പിടിച്ചു ഇനി ഒരിക്കലും ഇൗ കരം വിട്ട് പിരിയല്ല എന്ന ഉറപ്പോടെ.അവന്റെ കണ്ണും കലങ്ങിയിരുന്നു.

പെട്ടെന്ന് റൂമിന്റെ വാതിൽ തുറന്ന് രാജീവും രൂപയും കേറി വന്ന്.

രാജീവ്: ആ… നല്ല ബെസ്റ്റ് സ്ഥലത്ത് ആണ് റൊമാൻസ്.

അഞ്ചു വേഗം അവനെ വിട്ട് മാറി കണ്ണ് തുടച്ച് നാണം കൊണ്ട് തല കുനിച്ചിരുന്നു.

രൂപ : അയ്യോ… അവളുടെ നാണം കണ്ടോ. മനു ഏട്ടന്റെ വായിൽ നിന്ന് ഇഷ്ട്ടം ആണെന്ന് കേട്ടാലേ തിരിച്ച് പറയൂ എന്നൊക്കെ പറഞ്ഞ പെണ്ണ. ഇപ്പൊ കണ്ടോ…

അഞ്ചു: ഞാൻ അല്ല. മനു ഏട്ടൻ തന്നെ ആണ് പറഞ്ഞത്.

അവള് തല പൊക്കതെ നാണം നിറഞ്ഞ സ്വരത്തോടെ മൊഴിഞ്ഞു.

രാജീവ്: എന്റെ അളിയാ…. നീ പ്രപോസ് ചെയ്തോ.

മനു നാണം കലർത്തിയ ഒരു ചിരി കാണിച്ചു.

രാജീവ്: ഒ… അവന്റെ ഒരു നാണം.അല്ലെങ്കിലും എനിക്ക് അറിയായിരുന്നു നിനക്ക് രണ്ട് തല്ലിന്റെ കുറവ് ഉണ്ടെന്ന്.കിട്ടേണ്ടത് കിട്ടിയപ്പോൾ തിരിച്ച് കൊടുക്കാനും പഠിച്ചു നന്നാവുകയും ചെയ്തു.