Posted by മഞ്ജുസ് ചിരിച്ചുകൊണ്ട് ആദിയുടെ കവിളിൽ തട്ടി .
സംസാരിച്ചു നിക്കുന്ന ഞങ്ങളെ അതോടെ തല മുണ്ഡനം ചെയ്യുന്നവരും ക്ഷണിക്കാൻ തുടങ്ങി .
“വാങ്ക സാർ …വാങ്കോ ..ഉക്കാറുങ്കോ..”
മഞ്ജുസിന്റെ അച്ഛനെ നോക്കി ഞങ്ങളുടെ മുൻപിൽ ഇരുന്ന ഒരു ബാർബർ പറഞ്ഞു . അതോടെ ഞങ്ങൾ അയാളുടെ അടുത്തേക്ക് നീങ്ങി . പുള്ളി സ്വല്പം പൊക്കമുള്ള ഒരു പീഠം പോലത്തെ പലകയിൽ ആണ് ഇരിക്കുന്നത് . പുള്ളിയുടെ മുൻപിൽ ആയി മറ്റൊരു പലക കൂടി ഉണ്ട് . അതിലാണ് മൊട്ട അടിക്കേണ്ട ആൾ ഇരിക്കേണ്ടത് . കൊച്ചു പിള്ളേർ ആകുമ്പോ ഒപ്പമുള്ള ആൾ അവരെ മടിയിൽ വെച്ചുകൊണ്ട് അതിൽ ഇരിക്കാം .
“ധൈര്യമാ വാങ്കോ സാർ …മൊട്ട യാര്ക്കു..കൊളന്തക്കാ ?”
പുള്ളി ഞങ്ങളെ നോക്കി അന്വേഷിച്ചു .
“ആമാ ..ആമാ ..”
അതിനു മഞ്ജുസിന്റെ അച്ഛൻ ഗൗരവത്തിൽ മറുപടി പറഞ്ഞു .പിന്നെ ആദികുട്ടനെയും എടുത്തുകൊണ്ട് അയാളുടെ മുൻപിൽ ചെന്നിരുന്നു .
“ഉങ്ക കൊളന്തയാ?”
മഞ്ജുസിനെ നോക്കി അയാൾ വീണ്ടും തിരക്കി . അതിനു അവള് ചിരിയോടെ തലയാട്ടി .പിന്നെ റോസിമോളെ എടുത്തു നിൽക്കുന്ന എന്നെയും ഒന്ന് ശ്രദ്ധിച്ചു .
“ഇത് യാര് ഉങ്ക തമ്പിയാ?”
എന്നെ നോക്കി അയാൾ മഞ്ജുസിനോട് ചോദിച്ചു . അതുകേട്ടതോടെ ഞാൻ ഒന്ന് പൊട്ടിചിരിച്ചുകൊണ്ട് അവളെ നോക്കി . അതോടെ മഞ്ജുസിനു ദേഷ്യം വന്നു . അവളുടെ അച്ഛനും അതുകേട്ടു ചിരിക്കുന്നുണ്ട് .
“തമ്പിയും തുമ്പിയും ഒന്നുമല്ല ..ഇതിന്റെ അച്ഛനാ”
ആദിയെ തൊട്ട് കാണിച്ചുകൊണ്ട് മഞ്ജുസ് മുടിവെട്ടുകാരനെ നോക്കി ദേഷ്യപ്പെട്ടു .
“അഡ ..അപ്പടിയാ ..പാർത്താ ചിന്ന പയ്യൻ മാതിരി ”
എന്നെ നോക്കി പുള്ളി വിശ്വാസം വരാത്ത മട്ടിൽ ഒന്ന് വാ പൊളിച്ചു . പിന്നെ ആയുധങ്ങൾ എടുത്തു കയ്യിൽ പിടിച്ചു പ്രാർത്ഥിച്ചു .
“കിണിക്കല്ലേ..”
അപ്പോഴും ചിരിച്ചുകൊണ്ടിരുന്ന എന്നെ നോക്കി മഞ്ജുസ് കണ്ണുരുട്ടി .
“ചാ ച്ചാ…ഹ്ഹ്ഹ് ”
ബാർബർ തലവടിക്കുന്ന ഉപകരണം എടുത്തു കയ്യിൽ പിടിച്ചതും റോസിമോള് എന്റെ കഴുത്തിൽ കൈചുറ്റി ബഹളം വെച്ചു .
“ചുമ്മാതിരിക്കെടി …പെണ്ണെ …ഒന്നും ഇല്യ ”
ഞാൻ അവളെ സമാധാനിപ്പിച്ചുകൊണ്ട് ചിരിച്ചു .
“ആഹാ..ഇതിപ്പോ ഇവൾക്കാണോ പേടി ?”
റോസ്‌മോളുടെ ഭാവം കണ്ടു മഞ്ജുസ് ചിരിച്ചു . പിന്നെ അച്ഛന്റെ അടുത്തേക്കായി അവളും മുട്ടുകുത്തി ഇരുന്നുകൊണ്ട് ആദിയെ തൊട്ടുഴിഞ്ഞു .