ഞാൻ ജോർജേട്ടാ എന്നെ വിളിക്കു കാരണം പുള്ളിക്ക് വയസ്സ് നാല്പത്തി അഞ്ചണ് പ്രായം . ജെസ്സിക്ക് മുപ്പത്തി എട്ടും . ഞാനും ജെസിയും സമപ്രായക്കാരായത് കൊണ്ട് തന്നെ ജെസ്സി എന്നാണ് ഞാൻ അവരെ വിളിക്കാറ് . സാബിറക്കു മുപ്പത്തി മൂന്നു വയസ്സ് കഴിഞ്ഞിരിക്കുന്നു. ജെസ്സിയും സാബിറയും നല്ല കൂട്ടുകാരാണ് . ഞാനും ജോർജേട്ടനും പോലെ .
ഇനി കഥയിലേക്ക് വരാം ……..
ഇന്നോവ ക്രിസ്റ്റ എന്ന എന്റെ പ്രിയ വാഹനം മഴ വകവയ്ക്കാതെ ലക്ഷ്യത്തിലേക്ക് പോയികൊണ്ടിരിക്കുകയാണ് . മഴ അല്പം കുറഞ്ഞിട്ടുണ്ട് നേരം ഇരുട്ടി തുടങ്ങുന്നു . റോഡരികിലുള്ള തട്ടുകടയുടെ ഓരം ചേർത്ത് ഞാൻ വണ്ടി നിർത്തി . മൊബൈലിൽ കുത്തി തോണ്ടി രണ്ടു ഫ്രീക്കന്മാർ ഇരിക്കുന്നു . ഡ്യൂക്ക് എന്ന പേരുള്ള ബൈക്ക് അവിടെ കണ്ടു . ഒരു പുതു പുലരിയിലേക്കു ചുവടു വെക്കുന്ന തുടക്കക്കാരുടെ ജീവിത രസച്ചരടുകളെ പൊട്ടിച്ചു കളയാൻ മാത്രം കെൽപ്പുള്ള ഡ്യൂക്ക് എന്നെ നോക്കി പല്ലിളിച്ചു. പഴമയുടെ കരുത്തും പുതുമയുടെ ലോകത്തും ഉള്ള ഒരു എഴുപത്തഞ്ചു കാരൻ ചുടു ചായ ഒരു കവിൾ കുടിച്ചു പകുതി കത്തിതീർന്ന ബീഡി അയാളുടെ ചുണ്ടിൽ തിരുകി ഉള്ളിലേക്ക് ആഞ്ഞു വലിച്ചു . ഒരു കട്ടനും രണ്ടു പൊരിക്കടിയും വാങ്ങി ഞാൻ വണ്ടിയിൽ ഇരുന്നു .തണുപ്പിനെ വഴഞ്ഞു മാറ്റിക്കൊണ്ട് ചൂടുള്ള ചായ അണ്ണാക്കിലൂടെ താഴോട്ട് പോയി ….എന്റെ ചിന്തകൾ ഇന്നെലെയിലേക്കു തിരിഞ്ഞു നോക്കി …
ഇന്നലെ രാവിലെ വീട്ടിൽ നിന്നിറങ്ങിയതാണ് . തോട്ടത്തിൽ പോണം എന്നും പറഞ്ഞു . അല്പം കഴിക്കുന്ന കൂട്ടത്തിലാണ് ഞാൻ . ബാറിലും ബീവറേജ് ക്യു വിലും എന്നെ കാണില്ല . കാരണം നാട്ടിലെ മാന്യൻ .