🏝️ സ്വർഗ്ഗ ദ്വീപ് 7🏝️ [അതുല്യൻ]

“ഇന്നലെ രാത്രി?.” അവൻ തല കുടഞ്ഞ് കൊണ്ട് ഒരു ദീർഘനിശ്വാസം വിട്ട് കൊണ്ട് പറഞ്ഞു. “ഒന്നും സംഭവിച്ചില്ല. പിന്നെ ഞാൻ വിചാരിച്ചു എന്തോ സംഭവിച്ചു എന്ന് പക്ഷെ ഇപ്പോൾ എന്താണ് സംഭവിച്ചത് എന്ന് എനിക്ക് അറിയില്ല.”

“നീ പറഞ്ഞത് നിനക്കല്ലാതെ വേറെ ആർക്കെങ്കിലും മനസ്സിലാകും എന്ന് നീ കരുതുന്നുണ്ടോ?, ആദിത്യ.” ആദിര ചിരിച്ച് കൊണ്ട് ചോദിച്ചു.

“അത് വിട്ട് കള. എനിക്ക് അതിനെ കുറിച്ച് സംസാരിക്കാൻ താല്പര്യം ഇല്ല.”

“നിങ്ങൾ തമ്മിൽ വല്ല വഴക്കും ഉണ്ടായോ?.”

ആദിത്യൻ ഒരു ദീർഘ നിശ്വാസം വിട്ട് കൊണ്ട് സിഗററ്റ് കുത്തിക്കെടുത്തി കൊണ്ട് പറഞ്ഞു. “വാ നമുക്ക് പോകാം.”

അവർ പടിക്കെട്ടിന്റെ താഴെ എത്തിയപ്പോൾ അവിടത്തെ തിരക്ക് കണ്ട് ഒന്ന് നിന്നു. ദ്വീപിലെ സ്റ്റാഫുകൾ മേശകളും കസേരകളും താഴെ ഉള്ള ഭക്ഷണം കഴിക്കുന്ന സ്ഥലത്ത് നിന്ന് ചുമന്ന് കൊണ്ട് പോവുക ആയിരുന്നു. അവിടെ ഉണ്ടായിരുന്ന ആ വലിയ മേശ കുറച്ച് പേർ ചേർന്ന് ചുമന്ന് കൊണ്ട് പോവുകയാണ്. അകത്ത് മേശക്ക് ചുറ്റും ഉണ്ടായിരുന്ന സോഫകൾ കുറച്ച് പേർ നീക്കി ഒരുക്കി വയ്ക്കുക ആണ്.

“എന്താണ് ഇവിടെ നടക്കുന്നത്?.” തിരക്ക് കണ്ട് ആദിര ചോദിച്ചു.

“ശവ സംസ്കാരത്തിന് വേണ്ടി ആയിരിക്കും.” ആദിത്യൻ മറുപടി പറഞ്ഞു. “വാ നമുക്ക് പോകാം.”

അവർ ജിമ്മിലേക്ക് പോകുന്ന വഴിക്ക് ദ്വീപിലെ സ്റ്റാഫുകൾ നടപ്പാത വൃത്തിയാക്കുകയും ഭക്ഷണ സാധനങ്ങൾ കൊണ്ട് പോകുകയും ചെയ്യുന്നത് കണ്ടു. ദ്വീപിൽ ഉള്ള മുഴുവൻ സ്റ്റാഫുകൾ ഓരോ പണികളിൽ മുഴുകി ഇരിക്കുന്നത് അവർ ശ്രേദ്ധിച്ചു .

ജൂഡിന് ആദിത്യന്റെ കൂടെ ആദിരയെ കണ്ടപ്പോൾ സന്തോഷമായി. അവളെ വ്യായാമം ചെയ്യാൻ വിളിച്ചപ്പോൾ അവൾക്ക് അവളുടേതായ ഒരു വ്യായാമ മുറ ഉണ്ടെന്ന് അവൾ പറഞ്ഞു. അത് കേട്ടപ്പോൾ ജൂഡ് അവന്റെ മുഴുവൻ ശ്രദ്ധയും ആദിത്യനിലേക്ക് തന്നെ തിരിച്ചു. നാൽപ്പത് മിനിറ്റോളം ആദിത്യന്റെ പേശികൾക്ക് കൂടുതൽ വ്യായാമം എങ്ങനെ കൊടുക്കാം എന്ന് ജൂഡ് പുതിയ വ്യായാമ മുറകളിലൂടെ കണ്ട് പിടിച്ച് കൊണ്ട് ഇരിക്കുക ആയിരുന്നു.

അവസാനം വ്യായാമം എല്ലാം കഴിഞ്ഞ് ആദിത്യനും ആദിരയും ജിമ്മിൽ നിന്ന് പുറത്തേക്ക് ഇറങ്ങി. ആദിത്യൻ ബുദ്ധിമുട്ടി നടന്ന് അവന്റെ സ്യൂട്ട് റൂമിലേക്ക് കയറി. ആദിര പിന്നെ കാണാം എന്ന് ആദിത്യനോട് പറഞ്ഞ് അവളുടെ സ്യൂട്ട് റൂമിലേക്ക് പോയി.

അവൻ ബെഡ്‌റൂമിൽ എത്തിയപ്പോൾ പ്രിയ അവന്റെ കട്ടിലിൽ രാവിലെ ഇട്ട അതെ ടീഷർട്ട് ഇട്ട് മുട്ട് വശങ്ങളിലേക്ക് മടക്കി വച്ച് ഇരിക്കുക ആയിരുന്നു. അവൾ പ്രസംഗം ലാപ്ടോപ്പിലേക്ക് ടൈപ്പ് ചെയ്ത് കയറ്റുകയാണ്. അവൻ ബുദ്ധിമുട്ടി നടന്ന് വരുന്നത് അവൾ ലാപ്ടോപ്പിൽ നിന്ന് തല ഉയർത്തി നോക്കി.

“വ്യായാമം എങ്ങനെ ഉണ്ടായിരുന്നു?.” പ്രിയ ചോദിച്ചു.

“ഇതിലും നല്ല ദിവസങ്ങൾ എനിക്ക് ഉണ്ടായിരുന്നു.” ആദിത്യൻ മുറുമുറുത്ത് കൊണ്ട് പറഞ്ഞു. അവൻ പതിയെ ബാത്റൂമിലേക്ക് നടന്നു. അവനെ ആശ്ചര്യപ്പെടുത്തി കൊണ്ട് പ്രിയ അവന് വേണ്ടി ബാത്ടബ്ബ്‌ ഒരുക്കി വച്ചിരുന്നു. “ഇത് എനിക്ക് വേണ്ടി ആണോ?.”

“അതെ. ബാത്ടബ്ബിലേക്ക് കയറി ഇരുന്നോ.” പ്രിയ പറഞ്ഞു.