🏝️ സ്വർഗ്ഗ ദ്വീപ് 7🏝️ [അതുല്യൻ]

അകിരോ താടി ശെരിയാക്കി കൊണ്ട് ഇരിക്കുമ്പോൾ ആദിത്യൻ പ്രസംഗത്തെ കുറിച്ച് ആലോജിച്ചു. അവന് പെട്ടെന്ന് ഒരു ആശയം തോന്നി. തിരിച്ച് മുറിയിൽ വന്നതിന് ശേഷം അവൻ നാൽപ്പത് മിനിറ്റ് എടുത്ത് ആ പ്രസംഗം മുഴുവൻ മാറ്റി എഴുതി. അവൻ പ്രധാന ആശയങ്ങൾ കുറച്ച് പേപ്പർ കഷണങ്ങളിലേക്ക് കുറിച്ച് വച്ചു.

പ്രിയക്ക് അവൻ എന്താണ് പ്രസംഗിക്കാൻ പോകുന്നത് എന്ന് അറിയാൻ ആഗ്രഹം ഉണ്ടായിരുന്നു പക്ഷെ അവൻ ഒന്നും വിട്ട് പറയാതെ ഈ കാര്യത്തിൽ അവനെ വിശ്വസിക്കാൻ പറഞ്ഞു. അവൾക്ക് അതിനോട് യോജിപ്പ് ഇല്ലെങ്കിൽ പോലും അവൻ പറഞ്ഞത് അംഗീകരിച്ച് അവൾ പിന്നെ അതിനെ കുറിച്ച് സംസാരിച്ചില്ല.

ചൈത്ര മനു വർമ്മ ഉപയോഗിച്ചിരുന്ന ഒരു പോക്കറ്റ് വാച്ചുമായി ആദിത്യന്റെ അടുത്തേക്ക് ചെന്നു. അത് ഇന്ന് ധരിക്കുന്ന കോട്ടിന്റെ പോക്കറ്റിൽ വയ്ക്കണം എന്ന് പറഞ്ഞു. ഷർട്ട് ചുളിച്ചതിന് കോപിച്ച് കൊണ്ട് അവന് പുതിയ ഒരു ഷർട്ട് ഇടാൻ എടുത്ത് കൊടുത്തു. ആ ഷർട്ടും ഇട്ട് കൊണ്ട് അഥിതികളെ വരവേൽക്കാനായി ആദിത്യൻ പുറത്തേക്ക് പോയി.

ആദ്യത്തെ അഥിതികളുടെ വരവ് അറിയിച്ച് കൊണ്ട് ഹെലികോപ്റ്ററിന്റെ ഘടഘടാരവം ദ്വീപിൽ മുഴങ്ങി.

ആദിത്യനും, ആദിയയും, ആദിരയും ഹെലിപാഡിന്റെ അടുത്ത് അതിഥികളെ വരവേൽക്കാൻ വേണ്ടി കാത്ത് നിന്നു. അവർ സ്‌റ്റിംഗിനും അയാളുടെ കൂടെ വന്ന സഹായികൾക്കും കൈ കൊടുത്തു. അവരുടെ കൂടെ ഹെലികോപ്ടറിൽ കമ്പനികളുടെ കുറച്ച് CEO മാരും ഉണ്ടായിരുന്നു ആദിത്യൻ അവരെയും കൈ കൊടുത്ത് സ്വീകരിച്ചു. ആദിയ സ്റ്റിംഗിനെയും സഹായികളെയും പ്രധാന കെടിടത്തിൽ ഉള്ള ഒരു ഗസ്റ്റ് സ്യൂട്ട് റൂമിലേക്ക് കൊണ്ട് പോയി. ആദിരയും ആദിത്യനും ബോട്ട് ജെട്ടിയിലേക്ക് ബോട്ടിൽ വരുന്ന അഥിതികളെ വരവേൽക്കാൻ പോയി.

പിന്നീട് ഉള്ള കുറച്ച് നേരത്തേക്ക് ആദിത്യനും പെങ്ങമ്മാരും ടീവിയിലും പത്രങ്ങളിലും മാത്രം കണ്ട് പരിചയം ഉള്ള പ്രേമുഖരായ വ്യക്ത്തികളെ വരവേൽക്കുന്നതിന്റെ തിരക്കിൽ ആയിരുന്നു. ചില പ്രേമുഖർ അവരോട് പരിചയക്കാരെ പോലെ പെരുമാറി, മാറ്റ് ചിലർ കുറെ കാലമായി കണ്ട് പരിജയം ഉള്ള കൂട്ട്കാരെ പോലെ പെരുമാറി. ആദിത്യൻ ചാർലീസ് തെറോന്റെയും സൽ‍മ ഹയിക്കിന്റെയും ശാലീന സൗന്ദര്യം കണ്ട് നോക്കി നിന്നു. സൽ‍മ ഹയിക്ക് ഭർത്താവിന്റെയും കുട്ടിയുടെയും മാതാപിതാക്കളുടെയും കൂടെ ആണ് വന്നത്.

കെവിൻ സ്മിത്ത് വരാൻ പറ്റില്ല എന്ന് അറിയിച്ചു, അത് ആദിത്യനെ നിരാശപ്പെടുത്തി. കെവിൻ സ്മിത്തിനെ എയർപോർട്ടിൽ വച്ച് പത്രക്കാർ കണ്ടിരുന്നു പക്ഷെ അദ്ദേഹത്തിന് പറക്കാൻ കുറച്ച് ഭയം ഉള്ള കൂട്ടത്തിൽ ആയത് കൊണ്ട് യാത്ര വേണ്ടാ എന്ന് വച്ച് വീട്ടിലേക്ക് തിരിച്ച് പോയി.

രണ്ട് മണിയായപ്പോൾ ആദിത്യന് ഭക്ഷണം കഴിക്കാൻ കുറച്ച് സമയം കിട്ടി പക്ഷെ അപ്പോഴേക്കും അവൻ ഓടി നടന്ന് തികച്ചും അവശൻ ആയിരുന്നു. ഇന്നത്തെ ദിവസത്തെ തിരക്ക് കാരണം അവന്റെ വ്യായാമത്തിന് പ്രിയ ഒരു അവധി കൊടുത്തിരുന്നു. വ്യായാമം സമയത്ത് ചെയ്യാത്തത് കൊണ്ട് ആദിത്യന് അസ്വസ്ഥത തോന്നി. സ്യൂട്ട് ഇടാൻ വേണ്ടി മുറിയിലേക്ക് പോയപ്പോൾ അവൻ കുറച്ച് പുഷപ്പും ക്രെഞ്ചെസും ചെയ്തതിന് ശേഷം ഷവറിൽ കയറി കുളിച്ചു.

അവൻ സ്യൂട്ട് അണിഞ്ഞ് പോക്കറ്റ് വാച്ച് അതിന്റെ അകത്ത് വച്ച് തയ്യാറായി ബാൽക്കണിയിലേക്ക് പോയി. അവന് ആ സ്യൂട്ടിൽ സമർദ്ധനായും ആത്മവിശ്വാസം കൂടിയത് പോലെയും ശരീരം ഒന്ന് കൂടി വടിവോത്തതായും തോന്നി. അവൻ പോക്കറ്റിൽ ഒന്ന് തട്ടി നോക്കി നേരത്തെ എഴുതി വച്ചിരുന്ന പ്രസംഗത്തിന്റെ പേപ്പർ അവിടെ തന്നെ ഇല്ലേ എന്ന് ഉറപ്പ് വരുത്തി. അതിന് ശേഷം അവൻ തിരിഞ്ഞപ്പോൾ പ്രിയ അവിടെ അവനെ തന്നെ നോക്കി നിൽക്കുന്നത് കണ്ടു.