🏝️ സ്വർഗ്ഗ ദ്വീപ് 7🏝️ [അതുല്യൻ]

അഥിതികൾ എല്ലാവരും അവരുടെ ചുറ്റും കൂടി. ശവക്കല്ലറയുടെ അകത്ത് നിരത്തിയിരുന്ന പൂവുകളുടെ മുകളിലേക്ക് ആ ശവപ്പെട്ടി സൂക്ഷിച്ച് ഇറക്കി വച്ചു. എല്ലാവരും അതിലേക്ക് പൂക്കൾ വിതറി. കരിങ്കൽ പാളി കൊണ്ട് ആ ശവക്കല്ലറ അടച്ചതിന് ശേഷം അവർ അതിന്റെ മുകളിലും പൂവുകൾ വിതറി.

എൽദോ എല്ലാവരോടും നന്ദി പറഞ്ഞതിന് ശേഷം പ്രദാന കെട്ടിടത്തിലേക്ക് പാനീയങ്ങൾ കുടിക്കുന്നതിന് വേണ്ടി ക്ഷേണിച്ചു. ആദിത്യൻ ആവശ്യപ്പെട്ടത് പോലെ എല്ലാവർക്കും അവിടെ വച്ച് മനു വർമ്മയുടെ നല്ലതും മോശവും ആയ കഥകൾ പറയാം എന്നും പറഞ്ഞു.

ദ്വീപിലെ സ്റ്റാഫുകൾ ആണ് ആദ്യം അവിടെ നിന്ന് പോയത്. അവരുടെ പുറകെ അതിഥികൾ ഓരോരുത്തരായി അവിടെ നിന്ന് പോയി. ആദിയയും ആദിരയും പോകാൻ വേണ്ടി എഴുനേറ്റു പക്ഷെ ആദിത്യൻ കുറച്ച് സമയം കൂടി അവന് അവിടെ ഇരിക്കണം എന്ന് പറഞ്ഞു. അതിഥികളെ കൂടുതൽ സമയം കാത്തിരിപ്പിക്കുന്നത് ശെരിയല്ല എന്ന് പറഞ്ഞ് കൊണ്ട് അവർ ആദിത്യനെയും അവരുടെ കൂടെ കൂട്ടി.

തിരിച്ച് പ്രധാന കെട്ടിടത്തിലേക്ക് പോകുമ്പോൾ ദ്വീപിലെ സ്റ്റാഫുകൾ ആദിത്യന്റെ പ്രസംഗത്തെ പ്രശംസിച്ചു. അത്രയും പേരുടെ മുൻപിൽ നിന്ന് പ്രസംഗിച്ച ആദിത്യന്റെ ധൈര്യത്തെ അവർ പ്രശംസിച്ചു. ആദിത്യൻ പ്രസംഗിക്കുമ്പോൾ അവർക്ക് അവനിൽ മനു വർമ്മയെ കാണാൻ കഴിഞ്ഞു എന്നും പറഞ്ഞു. അവർ അങ്ങനെ പറഞ്ഞത് ആദിത്യനെ ശെരിക്കും അതിശയിപ്പിച്ചു.

പ്രധാന കെട്ടിടത്തിൽ ഏത്തിയപ്പോൾ അവിടെ ഉള്ള മിക്കവരും ആദിത്യന്റെ പ്രസംഗത്തെ പ്രശംസിച്ചു. നല്ല പ്രസംഗം, വികാരാധീനമായിരുന്നു, മനു വർമ്മയെ ഓർമിപ്പിച്ചു എങ്ങനെ എല്ലാം ഓരോരുത്തരായി അവനോട് പറയാൻ തുടങ്ങി. പിന്നെ അഥിതികൾ അവരോടെല്ലാം യാത്ര പറഞ്ഞ് അവിടെ നിന്ന് തിരിച്ച് ബോട്ടിലും ഹെലികോപ്റ്ററിലും കയറി അവരവരുടെ വീടുകളിലേക്ക് പോയി.

അവരെ എല്ലാം യാത്ര അയച്ച് തിരിച്ച് വന്നപ്പോഴേക്കും ആദിത്യൻ ശെരിക്കും അവശൻ ആയിരുന്നു. അവൻ സ്യൂട്ടിലേക്ക് തിരിച്ച് പോയി ജാക്കറ്റ് അഴിച്ച് വച്ച് ബാൽക്കണിയിലേക്ക് പോയി ഇരുന്ന് ഒരു സിഗററ്റ് കത്തിച്ച് സമാധാനത്തോടെ വലിച്ച് കൊണ്ട് ഇരുന്നു.

അവനെ തിരഞ്ഞ് കുറച്ച് സമയത്തിന് ശേഷം പ്രിയ അവിടേക്ക് വന്നു.

“നീ ഓക്കേ അല്ലെ?.” ആദിത്യൻ അവളോട് ചോദിച്ചു. അവൻ അഥിതികളെ സൽകരിക്കുന്നതിന്റെ തിരക്കിലായത് കാരണം അവളോട് കൂടുതൽ സംസാരിക്കാൻ പറ്റിയിരുന്നില്ല.

“നിന്റെ പ്രസംഗം വളരെ നല്ലതായിരുന്നു.” അവൾ പറഞ്ഞു. പുറകിൽ നിന്ന് കസേരയിൽ ഇരിക്കുന്ന അവന്റെ തോളിലേക്ക് താടി ചാരി അവന്റെ കഴുത്തിലൂടെ കെട്ടിപ്പിടിച്ച് അവന്റെ കവിളിൽ വീണ്ടും ഒരു ചുംബനം അവൾ നൽകി.

“ഇന്ന് രാവിലെ താടി ശെരിയാക്കി കൊണ്ട് ഇരുന്നപ്പോൾ ആണ് പ്രസംഗത്തെ കുറിച്ച് ഇങ്ങനെ ഒരു ആശയം തോന്നിയത്. അതിന്റെ ഭൂരിഭാഗവും നിന്റെ ആശയം തന്നെ ആയിരുന്നു.”

അവൾ അവന്റെ തലയിൽ ഒരു കൊട്ട് കൊടുത്ത് കൊണ്ട് പറഞ്ഞു. “നീ എന്റെ ആശയങ്ങൾ മുഴുവൻ മാറ്റി എഴുതി അത് കൊണ്ട് എന്നെ വെറുതെ പൊക്കി പറയണ്ട.”

“ഇനി ആരൊക്കെ പോകാൻ ബാക്കി ഉണ്ട്?.” ആദിത്യൻ ചിരിച്ച് കൊണ്ട് ചോദിച്ചു.

“അധികം പേരൊന്നും ബാക്കിയില്ല.” പ്രിയ നീരസത്തോടെ പറഞ്ഞു. “സ്റ്റിങ്ങും നീൽ ഫിന്നും ഇവിടെ തന്നെ ഇപ്പോഴും ഉണ്ട്. കുറച്ച് കഴിഞ്ഞ് പാടുന്നത്തിനെ കുറിച്ച് അവർ സംസാരിച്ച് കൊണ്ട് ഇരിക്കുകയാണ്. ജോണി ഡെപ്പ് രാത്രി ഇവിടെ തങ്ങുന്നുണ്ട്. ചാർലീസ് തെറോണും ക്രിസ്‌റ്റി ടർലിംഗ്ടണും ഇവിടെ ആണ് ഇന്ന് ചിലവഴിക്കുന്നത്. ബാക്കിയുള്ളവൾ കുറച്ച് മണിക്കൂറുകൾക് ഉള്ളിൽ തിരിച്ച് പോകും. കുറെ ഫോൺ കോളുകൾക്ക് മറുപടി നൽകാൻ ഉണ്ട്.”