🔥ഏദൻ തോട്ടത്തിന്റെ കാവൽക്കാരൻ 14🔥[സഞ്ജു സേന]

” ഡ്യൂട്ടി കഴിഞ്ഞു വന്നു ഉറക്കവും മറ്റും കഴിഞ്ഞാൽ ഒന്നിനും സമയം കിട്ടില്ല,, ”

നോക്കുമ്പോൾ ഷൈനി തോർത്ത്‌ കൊണ്ട് മുഖം തുടച്ചു വാതിൽക്കൽ നിൽക്കുന്നു . ഞാൻ ബാഗിൽ കാലുകൊണ്ട് തട്ടുന്നത് കണ്ടോന്നറിയില്ല ..ആ സംശയത്തിൽ ഞാനവരെ നോക്കി ചിരിച്ചെന്നു വരുത്തി..

”വാ, ബെഡ്‌റൂമിലിരിക്കാം , ഇവിടെ മൊത്തം പൊടിയാ ..”

അവർ അകത്തേക്ക് ക്ഷണിച്ചപ്പോൾ ഉള്ളിലൊരു സംശയം തോന്നാതിരുന്നില്ല ,,എങ്കിലും എഴുന്നേറ്റു , രാവിലത്തെ തിരക്കിൽ തോക്കെടുക്കാൻ മറന്നു ,, അത് കൊണ്ട് അവളെ പിന്തുടരുമ്പോൾ എന്തെങ്കിലും ചതി നടന്നാൽ പെട്ടെന്നുപയോഗിക്കാൻ പറ്റുന്ന എന്തെങ്കിലും നിലത്തു കിടപ്പുണ്ടോന്നു ശ്രദ്ധിച്ചു ..പഴയൊരു മണ്ണെണ്ണ സ്റ്റോ ഇരിക്കുന്നുണ്ട് , അതെങ്കിൽ അത്,…. ആവശ്യം വന്നാൽ കടന്നെടുത്തു പ്രയോഗിക്കുക തന്നെ..

” അർജുൻ എന്നല്ലേ പേര് ?, , ”

”അതെ…”

”ചെറുപ്പത്തിൽ കണ്ടിട്ടുണ്ട് ,

”എന്നെയോ ?”

ഉം ,എന്റെ ‘അമ്മ കുറച്ചു കാലം നിങ്ങളുടെ പറമ്പിൽ പണിക്കു വന്നിരുന്നു , …”

”അത് ….?”

”ഓർക്കാൻ നോക്കേണ്ട ,അന്ന് നീ കൈക്കുഞ്ഞാ …..വാ , ഇവിടെയിരുന്ന് സംസാരിക്കാം ,ആകെ അടിച്ചും തുടച്ചുമിടുന്ന സ്ഥലം ഇതാണ് ..”