Posted by : അത് പിന്നെ…
: പറയെടോ… ഇപ്പൊ ഞാൻ ബോസോന്നും അല്ല കേട്ടോ.. അതൊക്കെ ഓഫീസിൽ അല്ലെ
: സാറിന്റെ കാറിൽ വരുന്നത് കണ്ടാൽ ഓഫീസിൽ ഉള്ളവരൊക്കെ ഓരോന്ന് പറഞ്ഞുണ്ടാക്കും… അത് മോശമല്ലേ
: ആർക്ക് സ്വപ്നയ്ക്കോ…
: അല്ല.. സാറിന്
: അങ്ങനെ ആരെങ്കിലും പറയുമോ
: ഇപ്പൊത്തന്നെ ചിലരൊക്കെ പറഞ്ഞുതുടങ്ങി…
: ആഹാ… എന്നിട്ട് സ്വപ്ന എന്തുപറഞ്ഞു
: ഞാൻ എന്ത് പറയാൻ… അവരൊക്കെ ചുമ്മാ കളിയാക്കുന്നതാ
: ഇനി ആരെങ്കിലും കളിയാക്കിയാൽ പറഞ്ഞോ നമ്മൾ തമ്മിൽ ഭയങ്കര പ്രേമത്തിലാണെന്ന്
: അയ്യേ…സാറിന് മോശംവരുന്നത് ഒന്നും ഞാൻ പറയില്ല…
: ഒരാളെ പ്രേമിക്കുന്നത് മോശമാണോ… ദുരുദ്ദേശം ഒന്നുമില്ലെങ്കിൽ പ്രേമം നല്ലതല്ലേ…
: അത് നല്ലതാ….
: എന്ന ഇനി ചോദിക്കുന്ന ആളോട് പറഞ്ഞോ ഞങ്ങൾ തമ്മിൽ ഭയങ്കര ഇഷ്ടത്തിലാണെന്ന്..
: അയ്യോ.. എന്നിട്ട് വേണം സാറിന്റെ വൈഫ് എന്നെ തല്ലിക്കൊല്ലാൻ
ഇത് കേട്ടയുടനെ ഹരിയുടെ നിർത്താതെയുള്ള ചിരി കണ്ടിട്ട് സ്വപ്നയ്ക് ഒന്നും മനസിലായില്ല. ഇതിലെന്താ ഇത്ര ചിരിക്കാനെന്ന് ചിന്തിക്കുകയായിരുന്നു അവൾ.
: എടോ… എനിക്ക് ഭാര്യയുണ്ടെന്ന് കരുതി പ്രേമിക്കാതിരിക്കണ്ട കേട്ടോ… ഇഷ്ടം തോന്നിയാൽ ബോസാണെന്നൊന്നും നോക്കരുത് തുറന്ന് പറഞ്ഞേക്കണം… എനിക്ക് സമ്മതമാണ് കേട്ടോ..
: സാറിന് ഇങ്ങനൊരു ഉദ്ദേശമുണ്ടായിരുന്നോ മനസ്സിൽ… എന്തായാലും മോശമായിപ്പോയി. സ്വന്തം ഭാര്യയെ എങ്ങനെ ചതിക്കാൻ തോനുന്നു… കുറേ കാശുള്ളവർക്കൊക്കെ ഇതുപോലെ ഓരോ ശീലങ്ങൾ ഉണ്ടാവുമെന്ന് കേട്ടിട്ടുണ്ട്. എന്നാലും സാറ്….
: ഈ പെണ്ണിതെന്താ ഈ പറയുന്നേ… എടി സുന്ദരിക്കോതെ ഞാൻ കാര്യത്തിൽ പറഞ്ഞതാ… തന്നെ കണ്ടതുമുതൽ മനസ്സിൽ കേറിയതാ ഈ രൂപം. തുറന്നു പറഞ്ഞാൽ നീ ഇപ്പൊ പറഞ്ഞതുപോലെ മോശമായ ഏതെങ്കിലും ശീലമാണെന്ന് കരുതുമോ എന്ന് പേടിച്ചിട്ടാണ് ഇഷ്ടം പുറത്തുകാണിക്കാതിരുന്നത്..
: സാർ വണ്ടി നിർത്തിയേ… ഞാൻ കാരണം സാറിന്റെ ഭാര്യയും കുഞ്ഞും കണ്ണ് നിറയ്‌ക്കേണ്ടി വരരുത്. സോറി. സാർ ഉദ്ദേശിച്ചപോലൊരു പെണ്ണല്ല ഞാൻ
: എടി പൊട്ടീ… നിന്നോട് ആരാ പറഞ്ഞത് എനിക്ക് ഭാര്യയും കുഞ്ഞുമൊക്കെ ഉണ്ടെന്ന്…