🏘️ബോസ്റ്റൻ ബംഗ്ലാവ് 13 [Gladiator]

🔸🔸🔸

“എന്താ മോളേ.. എന്ത് പറ്റി…?” ലിവിങ് റൂമിലെ തറയിൽ എന്തൊക്കെയോ ആലോചിച്ച് വിഷമിച്ചിരിക്കുന്ന ഡെയ്സിയെ കണ്ടു ജൂലി ചോദിച്ചു. തന്റെ മകളെ അപൂർവം ഘട്ടങ്ങളിൽ മാത്രമേ ജൂലി വിഷമിച്ചു കണ്ടിട്ടുള്ളു.

ഡെയ്സിയുടെ കണ്ണുകൾ കലങ്ങിയിരുന്നു, എഴുന്നേൽക്കുമ്പോൾ തന്നെ മേക്കപ്പ് ഇട്ട് നടക്കുന്ന ഡെയ്സി ലിപ്സ്റ്റിക്ക് പോലുമിടാതെയിരിക്കുന്നു.

https://imgur.com/gallery/dT47Wwv

Daisy

https://allthepics.net/image/Snapinsta.app-277822067-4981177811949948-2656233288307081325-n-1080.AGZ5l

“അത്….”അവളുടെ കണ്ണുകൾ നിറഞ്ഞൊഴുകാൻ തുടങ്ങി “അത് അമ്മേ…. ഞാനും ആദവും ബ്രേക്കപ്പ് ആയി.”

“അയ്യോ….”ജൂലി ഡെയ്സിയുടെ അരികിൽ ഇരുന്ന് അവളുടെ തുടയിൽ മെല്ലെ തട്ടികൊണ്ട് അവളെ ആശ്വസിപ്പിക്കാൻ ശ്രമിച്ചു.

ഡെയ്സി ജൂലിയുടെ തോളിൽ തല ചായ്ച്ചു അവളെ ഇറുക്കി കെട്ടിപ്പിടിച്ചു.

“എന്താ…എന്താമോളെ പറ്റിയത്…?” ഡെയ്സിയുടെ മുടിയിൽ തഴുകിക്കൊണ്ട് ജൂലി ചോദിച്ചു.

“അത് അമ്മേ…എല്ലാം ഓക്കേ ആയിപ്പോവുക ആയിരുന്നു…” അവളൊന്നു വിങ്ങി.. “പക്ഷെ ഈയിടെയായി അവന് എന്തൊക്കെയോ പറ്റി…ഭ്രാന്ത്‌ പിടിച്ചത് പോലെ പിച്ചും പേയും ഒക്കെ പറയാൻ തുടങ്ങി.അവസാനം ഡാനിയെ അങ്ങനെ കണ്ടന്ന് കൂടി പറഞ്ഞപ്പോൾ കാര്യങ്ങൾ ഒക്കെ കയ്യീന്ന് പോയി.. അവസാനം ഒന്നും രണ്ടും പറഞ്ഞു നമ്മൾ തെറ്റി”

ജൂലി പെട്ടെന്ന് ഒന്ന് ഞെട്ടി.. “ഡാനിയെക്കക്കുറിച്ച് എന്താ അവൻ പറഞ്ഞത്.. ഡാനിയെ എങ്ങനെ കണ്ടെന്നാ ആദം പറഞ്ഞത്…?” ജൂലി മകളുടെ മുടിയിൽ തലോടുന്നത് നിർത്തി.