🏘️ബോസ്റ്റൻ ബംഗ്ലാവ് 13 [Gladiator]

അവൻ്റെ മുമ്പിൽ നീണ്ടുകിടക്കുന്ന കടൽത്തീരം.ചുറ്റും മണൽ.ഡാനിക്ക് മുന്നിൽ മണലിൽ തടി കൊണ്ട് തീർത്ത ഒരു ബെഞ്ച്.താറാവുകളുടെ കൂട്ടം ആ ബെഞ്ചിന് ചുറ്റും അലഞ്ഞുനടന്നു. മുകളിൽ കത്തി ജ്വലിക്കുന്ന സൂര്യൻ.ഒരാൾ ആ ബെഞ്ചിലിരുന്ന് താറാവുകൾക്ക് തിന്നാൻ റൊട്ടി വലിച്ചെറിഞ്ഞു കൊടുക്കുന്നു. ഡാനിയേലിന് ആ മനുഷ്യൻ്റെ മുഖം കാണാൻ കഴിഞ്ഞില്ല.

“എസ്ക്യൂസ്‌ മീ.. ഞാൻ എവിടെയാണ്…?” ബെഞ്ചിനു അടുത്തേക്ക് ചെന്ന് അയാളോട് ഡാനിയേൽ ചോദിച്ചു.

“ഇതോ.. ഇത് നിന്റെ വീട് അല്ലേ….” അയാൾ ഡാനിയെ നോക്കി ചിരിച്ചു. അയാൾ നീളൻ മുടി വശങ്ങളിലേക്ക് ഒതുക്കി വെച്ചിരുന്നു. ചാര കണ്ണുകൾ ആയിരുന്നു അയാൾക്ക്. “യാദൃശ്ചികമെന്ന് പറയട്ടെ.. ഇത് എന്റെയും വീടാണ്…ഹ ഹ” അയാൾ പറഞ്ഞു.

“നിങ്ങൾ ആരാണ്…?!” ഒന്നും മനസിൽ ആകാതെ അവൻ ചോദിച്ചു.

“എന്റെ പേര് Day Star.ചിലർ എന്നെ Son of the Morning എന്ന് വിളിക്കും” day star കയ്യിലെ റൊട്ടി താറാവുകൾക്ക് പൊടിച്ചു ഇട്ടു കൊടുത്തു.

“Day star…ഇതെന്ത് പേര് എന്ന് ഡാനിയേൽ മനസിൽ ഓർത്തു.

അവനയാളെ അടിമുടിയൊന്നു നോക്കി. സാൾട് ആൻഡ് പെപ്പെർ ലുക്കിലുള്ള നീളൻ മുടിയും താടിയും, കരുത്തുറ്റ കരങ്ങൾ, ഗ്രേ കളർ സൂട്ടാണ് വേഷം.

https://imgur.com/gallery/O46tJNf

???

ഇയാളിത് എവിടുന്ന് വന്നു..? അല്ല.. ഇതേതാ സ്ഥലം..? ഇനി ചിലപ്പോൾ കത്രീനയുടെ മാജിക്‌ ആണോ…? പല ചോദ്യങ്ങൾ ഡാനിയുടെ മനസ്സിലുയർന്നു.

“അതേ.. താറാവിന് റൊട്ടി കൊടുക്കരുത്. അതിന്റെ വയറു കേടാവും.” ഡാനിയേൽ പറഞ്ഞു.