🏘️ബോസ്റ്റൻ ബംഗ്ലാവ് 14 [Gladiator]

ഡാനിയേൽ മെല്ലെ കണ്ണുകൾ തുറന്നു. “ഇഹ്…വാട്ട്‌.. എന്താ ഇത്….?” ചുറ്റും നോക്കിയ ഡാനിക്ക് ഉള്ളിലെ ഭയം ഇരട്ടിച്ചു. ആദ്യമായി ആ സീക്രെട് റൂമിൽ കയറിയ ഡാനിക്ക് താൻ എവിടെയാണെന്ന് പോലും മനസിലായില്ല “ഏയ്.. ഞാൻ.. ഞാനെവിടെയാ…???” അവൻ പിറകിൽ കെട്ടിയിരുന്ന കൈകെട്ട് അഴിക്കാൻ നോക്കി, എന്നാൽ അവന്റെ ആ ശ്രമത്തിലൂടെ കയർ കൂടുതൽ മുറുകി.കത്രീനയുടെ സമ്മാനമായി അവനിപ്പോൾ ശക്തി ലഭിചെങ്കിലും ആ കയർകെട്ട് അഴിക്കാൻ ആ ബലം മതിയല്ലായിരുന്നു.

ആന്റണി ഉപ്പ് കൊണ്ട് കളം വരയ്ക്കുന്നത് കണ്ട ഡാനിക്ക് അവർ exorcism ചെയ്ത് കത്രീനയെ തളയ്ക്കാൻ പോവുകയാണെന്ന് മനസിലായി.

“ഏയ്.. ഏയ്.. നോ…നിങ്ങൾ ഇപ്പോൾ തന്നെ എന്റെ കെട്ടഴിച്ചു വിട്.നിനങ്ങളിത് ചെയ്യരുത്.ചെയ്താൽ അവൾക്ക് ഭ്രാന്ത് പിടിക്കും.പിന്നെ അവൾ എന്തൊക്കെ ചെയ്യുമെന്ന് നിങ്ങൾക്ക് ഊഹിക്കാൻ പോലും പറ്റില്ല.” ഡാനിയേൽ കത്രീനയെ പരാമർശിച്ചു കൊണ്ട് പറഞ്ഞു.

“നീയിത് ഏതവളെ പറ്റിയാ പറയുന്നത്…?” ഉപ്പ് കൊണ്ട് വൃത്തം വരക്കുന്നത് ആന്റണി വേഗത്തിലാക്കി. അവൻ പകുതിയോളം വരച്ചു കഴിഞ്ഞിരുന്നു.

“കത്രീന…”അവൻ മെല്ലെ പറഞ്ഞു. മെല്ലെ അവൻ ശബ്ദം ഉയർത്തി സഹായത്തിനായി കത്രീനയുടെ പേര് അലറി.. “കത്രീന…. കത്രീന…. ഹെല്പ്…..”

“സോറി മോനെ.. നിന്റെ കരച്ചിൽ ആരും കേൾക്കില്ല.. പിന്നെ നിന്നെയും നിന്റെ കുടുംബത്തെയും രക്ഷിക്കാൻ വേണ്ടിയാ ഞങ്ങളിത് ചെയ്യുന്നേ…”അവൻ കളത്തിന്റ നാലിൽ മൂന്ന് ഭാഗവും വരച്ചു കഴിഞ്ഞിരുന്നു. “റൂം ലോക്ക് ആണ് മോനേ.. ആരും നിന്റെ ശബ്ദം…..” ആന്റണി പറഞ്ഞു പൂർത്തിയാക്കിയില്ല..നല്ല ഭാരമുള്ള എന്തോ ഒന്ന് തന്റെ തോളിൽ പതിച്ചത് ആന്റണി അറിഞ്ഞു.