🏘️ബോസ്റ്റൻ ബംഗ്ലാവ് 14 [Gladiator]

“ആന്റണി….. മാറിക്കോ….”എന്നാൽ ലൈലയുടെ മുന്നറിയിപ്പ് അല്പം വൈകിപ്പോയി.ആന്റണിയുടെ പിന്നിലായി വെച്ചിരുന്ന കൂറ്റൻ കരടിയുടെ രൂപത്തിന് ജീവൻ വെച്ചു. നിസ്സാരമായി ആ കരടി ആന്റണിയെ കാലിൽ തൂക്കി വായുവിലേക്ക് ഉയർത്തി.ആന്റണി കരടിയെ ചവിട്ടി അകറ്റാൻ നോക്കിയെങ്കിലും കരടി ആന്റണിയുടെ മുഖം റൂമിന് നേരെ വെച്ച ശേഷം രണ്ട് കൈ കൊണ്ടും ആന്റണിയെ മുറുകെ പിടിച്ചു.

“ഏയ്.. വിട്.. വിടാൻ..”ആന്റണി കാലുകൾ കൊണ്ടതിനെ തട്ടി അകറ്റാൻ ശ്രമിച്ചു. പക്ഷെ ആ കരടിയുടെ ശക്തിക്ക് മുൻപിൽ ആന്റണി ഒന്നുമല്ലായിരുന്നു. “നോക്കി നിൽക്കാതെ വന്നെന്നെ സഹായിക്കടി പുല്ലേ….” കരടിയുടെ കൈകളിൽ കിടന്നു പിടച്ചുകൊണ്ട് ആന്റണി ഭാര്യയോടെ പറഞ്ഞു.

വിറയ്ക്കുന്ന ശരീരവുമായി ലൈല കരടിയുടെ അടുത്തേക്ക് നടന്നു .പെട്ടെന്ന് ലൈലയെ ആ കരടി രൂപം തല ചരിച്ചു ക്രൂരമായ കണ്ണുകൾ കൊണ്ട് ഒരു നോട്ടം നോക്കി. അതോടെ ഭയന്ന ലൈല നിശ്ചലമായി അവിടെ നിന്നു.

https://imgur.com/gallery/iaUV9yD

Bear

ഡാനിയേൽ ചുറ്റും നോക്കി. മുന്നിൽ കണ്ട കാഴ്ചകൾ കണ്ടു അവനും ഭയന്നിരുന്നു. എന്നാൽ ഇതുപോലുള്ള അത്ഭുതകാഴ്ചകൾ പതിവായ ഡാനിയലിന്റ മനസ്സ് അധികം വൈകാതെ തന്നെ കൂൾ ആയി.

“ഞാൻ പറഞ്ഞതല്ലേ എന്നെ ഒന്നും ചെയ്യരുത്, അവൾക് ഇഷ്ടം ആകില്ല എന്ന്” ഡാനിയേൽ ആന്റണിയെയും ഉയർത്തി നിന്ന ഭീമൻ കരടിയെ നോക്കി “കത്രീന….പ്ലീസ്.. അയാളെ ഒന്നും ചെയ്യരുത്….” ഡാനിയേൽ പറഞ്ഞു. അവൻ പിന്നിൽ തന്റെ കൈകളിൽ കെട്ടിയ കയർ അഴിക്കാൻ നോക്കിയെങ്കിലും അത് നടന്നില്ല.