Posted by
“അതൊക്കെ ഉണ്ട് ചിഞ്ചു കുട്ടി…, ഹോസ്പിറ്റിലേക്ക് തന്നെയാണ്. പക്ഷെ ഞാൻ ഞാൻ പെട്ടന്ന് വരും.”
ഞാൻ അതും പറഞ്ഞുകൊണ്ട് കഴിക്കാൻ ഇരുന്നു.
“അതെന്താ.”
കഴിച്ചു കൊണ്ട് ചിഞ്ചു ചോദിച്ചു.
“അതൊക്കെ വന്നിട്ട് പറയാം. അല്ല രാധിക ചേച്ചി പോയോ.”
“ഹാ, വേഗം വരാന്ന് പറഞ്ഞിട്ട് ഇപ്പം പോയിട്ടേ ഉള്ളൂ ”
“മംമ്മ് ” ഞാൻ മറുപടിയായി ഒന്ന് മൂളി.
കഴിച്ച ശേഷം ഞാനും ചിഞ്ചുവും കൂടെ പത്രവും കഴുകി വെച്ചു സിറ്റൗട്ടിലേക്ക് ഇറങ്ങി.
അപ്പോഴേക്കും ചേച്ചിയും അനിമീഷേട്ടനും കൂടെ കിച്ചുവും വന്നു.
“ഹാ, നീ പോകാൻ ഇറങ്ങിയോ”
രാധിക ചേച്ചി എന്നോട് ചോദിച്ചു.
“ആ ചേച്ചി, അല്ല അനീഷേട്ടൻ വരുന്നുണ്ടോ.”
ഞാൻ മറുപടി പറഞ്ഞുകൊണ്ട് ചോദിച്ചു.
” ആഹ്ടാ, എന്റെ ബൈക്ക് എന്തോ സ്റ്റാർട്ടിങ് കിട്ടുന്നില്ല. നീ എന്നെ ടൗണ് വരെ ആക്കിയ മതി.”
അനീഷേട്ടൻ എന്നോടായി പറഞ്ഞു.
ഞാൻ പോർച്ചിലേക്ക് നടന്നു. അവിടെ എന്റെ ‘റോയൽ എൻഫീൽഡ് ബുള്ളറ്റ് 350’ മറച്ചുവെച്ച ഷീറ്റ് എടുത്ത് മാറ്റി ഞാൻ കയറിയിരുന്നു. താക്കോൽ ഇട്ട് തിരിച്ചു ഒരു കിക്കർ അങ്ങ് അടിച്ചു.
ആദ്യ അടിയിൽ തന്നെ ആഹാ അന്തസ്സ്
‘ഗുഡ്ഫ് 🌬️ ഗുഡ്ഫ്, 🌬️ ഗുഡ്ഫ് 🌬️
ഞാൻ ആക്സിലേറ്റ്റർ കൊടുത്ത് ഒന്ന് എരപ്പിച്ചു.
പതിയെ പോർച്ചിൽ നിന്ന് പുറത്തേക്ക് ഇറക്കി.
“പോയി വരാം കേട്ടോ ”
ഞാൻ ചിഞ്ചുവിനെ നോക്കി പറഞ്ഞു.
“എന്ന പിന്നെ ഞാനും ”
ചിരിച്ചു കൊണ്ട് അവരെ നോക്കി അനീഷേട്ടൻ പറഞ്ഞു കൊണ്ട് എന്റെ പുറകിലായി കയറി.