Posted by
ആ ‘ചുവന്ന ഹൃദയം’ വിജയത്തിന്റെ ചൂടോടെ തിളങ്ങിയതുപോലെ തോന്നി..
ആ ‘പുഞ്ചിരി’ എന്റെ സമ്മതത്തെ ഉറപ്പാക്കിയൊരു മുദ്രപോലെ!!
അവൾക്കറിയാം,, ഞാൻ മുഴുവൻ മനസ്സോടെ അല്ല… പക്ഷേ അവൾക്കാവശ്യമായത് എന്റെ ഹൃദയം അല്ലായിരുന്നു…എന്റെ സമ്മതം മാത്രം!
ആ നിമിഷം എനിക്ക് മനസ്സിലായത് ഒന്നു മാത്രം… ഞാൻ ഇതുവരെ ഒഴിഞ്ഞുമാറിയതൊന്നും ഒരു രക്ഷപ്പെടൽ ആയിരുന്നില്ല… അത്
എന്റെ തന്നെ ഭയം മറ്റൊരാളുടെ ആഗ്രഹത്തിന് മുന്നിൽ നിശ്ശബ്ദമായി മുട്ടുകുത്തിയ നിമിഷങ്ങൾ മാത്രമായിരുന്നു!!
***********
ജോലി കഴിഞ്ഞു വീട്ടിലേക്ക് ഡ്രൈവ് ചെയ്യുമ്പോൾ സ്റ്റിയറിംഗിൽ പിടിച്ച കൈകൾക്ക് പോലും ഭാരം തോന്നി…
ശരീരം മാത്രം അല്ല… മനസും ക്ഷീണിച്ചിരിക്കുന്നു!
കഴിഞ്ഞ കുറച്ചു ദിവസങ്ങളായി
ഞാൻ ഒഴിവാക്കാൻ ശ്രമിച്ച,,, ഞാൻ പേടിച്ചു കാത്തിരുന്ന ആ ദിവസം
ഇന്ന് എന്റെ മുന്നിലേക്ക് വന്ന് നിൽക്കുകയായിരുന്നു…
ഡോക്ടർ വീണ്ടും ഞങ്ങളുടെ വീട്ടിലേക്ക്… ഞങ്ങളുടെ ജീവിതത്തിലേക്ക്!!
എന്റെ അർദ്ധസമ്മതം ചുമന്നുകൊണ്ട്…
ഷെബീനയുടെ അക്ഷമയുള്ള കൊതിയുടെ ചൂടോടെ…
റോഡുകൾ എല്ലാം പതിവുപോലെ തന്നെയായിരുന്നു,,, പക്ഷേ എനിക്ക് ഓരോ സിഗ്നലും നീളുകയായിരുന്നു…
ഓരോ നിമിഷവും എന്റെ നെഞ്ചിൽ ഒരു ഭാരമായി കൂടിക്കൂടി വരികയായിരുന്നു…
വീട്ടിലെ പാർക്കിങ്ങിലേക്ക് കാർ തിരിച്ചതും എന്റെ ഹൃദയം ഒന്ന് മുട്ടി നിന്നുപോയ പോലെ തോന്നി…
അവിടെ എനിക്ക് മുന്നേ തന്നെ
ഡോക്ടറുടെ കാർ സ്ഥാനം പിടിച്ചു നിൽക്കുന്നു…