Posted by
ഞാൻ മറുപടിയൊന്നും കൊടുക്കാതെ വെറുതെ ഒന്ന് തല കുലുക്കി സമ്മതം മൂളി…
അയാൾ പോകാനായി വാതിലിനടുത്തേക്ക് നീങ്ങിയപ്പോഴും ഞാൻ ആ സോഫയുടെ അരികിൽ തന്നെ നിന്നു,, പക്ഷേ ഷബീന അയാളെ അനുഗമിച്ചു…
അവൾ അയാൾക്ക് വേണ്ടി വാതിൽ തുറന്നുപിടിച്ചു,, അവളുടെ മുഖത്ത് ഒരു ചിണുങ്ങലായിരുന്നു; കണ്ണുകളിൽ പരാതിയും മുഖത്ത് സങ്കടവും നിഴലിച്ചു…
അദ്ദേഹം മുട്ടയും ബ്രഡും കഴിക്കാതെ പോകുന്നത് കൊണ്ടല്ല അവൾക്ക് ഇത്ര സങ്കടമെന്ന് എനിക്ക് തീർച്ചയായിരുന്നു!
അവളുടെ ആ മുഖം കണ്ടപ്പോൾ ഡോക്ടർ സ്നേഹപൂർവ്വം അവളുടെ കവിളിൽ പതിയെ ഒന്ന് പിച്ചി വിട്ടു,, എന്നിട്ടും ഷബീനയുടെ ഭാവം മാറിയില്ല..
ഒടുവിൽ പാതിമനസ്സോടെ ഡോക്ടർ പുറത്തേക്കിറങ്ങി,, അയാളുടെ രൂപം എന്റെ കാഴ്ചയിൽ നിന്നും മറഞ്ഞെങ്കിലും, ഷബീന അപ്പോഴും തുറന്ന വാതിലും പിടിച്ചു പുറത്തേക്ക് തന്നെ നോക്കി നിൽക്കുകയായിരുന്നു..
ആ നിമിഷം അവളുടെ മുഖത്ത് കണ്ടത് ഒരു കാമുകിയേക്കാൾ ഉപരി ഒരു ഭാര്യയുടെ അധികാരമായിരുന്നു!!
അല്പം കഴിഞ്ഞതും പെട്ടെന്ന് ഷബീനയുടെ മുഖത്ത് ചെറിയൊരു പുഞ്ചിരി വിരിയുന്നത് ഞാൻ കണ്ടു… തൊട്ടുപിന്നാലെ ഡോക്ടർ വീണ്ടും വീട്ടിനകത്തേക്ക് കയറിവരികയും ചെയ്തു,, അവളുടെ ആ സങ്കടം കണ്ടിട്ട് പോകാൻ അയാൾക്ക് ഒട്ടും താല്പര്യമില്ലാത്തത് പോലെ…
അയാൾ അവളെ ആശ്വസിപ്പിക്കാനെന്നോണം ഒന്ന് കെട്ടിപ്പിടിച്ചു; അവൾ അയാളിലേക്ക് അലിഞ്ഞുചേരുകയായിരുന്നു…
അല്പനേരം കഴിഞ്ഞ് അയാൾ അവളെ തന്റെ ശരീരത്തിൽ നിന്നും അടർത്തി മാറ്റി. “ഞാൻ ചെന്നിട്ട് വിളിക്കാം, എന്തായാലും അടുത്ത ആഴ്ച വരാം” എന്ന് പറഞ്ഞപ്പോൾ അവൾ വീണ്ടും ഒന്ന് മുഖം കൊട്ടി. പക്ഷേ ഇപ്രാവശ്യം അത് തീർത്തും ഒരു കപടമായിരുന്നു…