Posted by
“അത് ഇവിടെ എവിടെയോ വീണു പോയി. ” ഫരീ പറഞ്ഞു.
“കേട്ടില്ലേ ഇവൾ പറയുന്നത്. ഇവൾ പറയുന്നത് മുഴുവനും കള്ളം ആണ്. ഇവൾ മോഷ്ടിക്കാൻ തന്നെ കയറിയതാ. ആ സ്ത്രീ വീണ്ടും പറഞ്ഞു.”
“ആണോ..? എന്നാ ഞാൻ സ്റ്റേഷനിലേക്ക് വിളിക്കാം.. നമുക്ക് സ്റ്റേഷനിൽ പോയിട്ട് ബാക്കി തീരുമാനിക്കാം. ആരാ മോഷ്ടിക്കാൻ വന്നത് എന്ന്.”
“അത് പറയാൻ നീയാരാ.” ആ സ്ത്രീയുടെ അടുത്ത് നിന്ന മറ്റൊരാൾ ചോദിച്ചു.
“ഞാൻ ആരാണെന്ന് സ്റ്റേഷനിൽ എത്തിയിട്ട് ഞാൻ കാണിച്ചു തരാം. എന്താ അത് മതിയോ..? അവിടെ എത്തിയിട്ട് ഇവിടെ കൂടി നിൽക്കുന്നവരെ എല്ലാവരേയും പരിശോധിക്കുമ്പോൾ അറിയാമല്ലോ ആരാ എടുത്തത് എന്ന്. എന്നിട്ട് ഞാൻ ബാക്കി പറയാം.”
അങ്ങനെ പറഞ്ഞു കൊണ്ട് ഞാൻ പോക്കറ്റിൽ നിന്ന് ഫോൺ എടുത്തിട്ട് പോലീസിലേക്ക് വിളിക്കുന്ന പോലെ കാണിച്ചു.
അപ്പോൾ ഇത്ര നേരം സംസാരിച്ച ആ സ്ത്രീയും മറ്റേ ആളും ഓടി രക്ഷപെടാൻ നോക്കി.
“പിടിക്ക് അവരെ. അവരെ വെറുതെ വിടരുത്. അവരാണ് മോഷ്ട്ടിച്ചത്.” ഞാൻ പറഞ്ഞു.
ആളുകൾ അവർക്ക് നേരെ ഓടി. ആളുകൾ ഓടിയപ്പോൾ ഞാൻ അവിടെ മുഴുവനും നോക്കി. അപ്പോൾ നിലത്ത് ഒരു കുഞ്ഞു സ്വർണ്ണ മോതിരം ഞാൻ കണ്ടു. ഞാൻ അത് എടുത്തു. അപ്പോഴേക്കും ആളുകൾ അയാളെയും ആ സ്ത്രീയേയും പിടിച്ചു കൊണ്ട് . എന്റെ മുന്നിൽ വന്നു. ഞാൻ അവരോട് ചോദിച്ചു.
“അപ്പോൾ എങ്ങനെയാ. പോലീസ് സ്റ്റേഷനിൽ പോകാലോ ആല്ലേ..? എന്നിട്ട് അറിഞ്ഞാൽ പോരെ ഞാൻ ആരാണെന്ന്. അതോ ഇപ്പോൾ തന്നെ അറിയണോ..? “