Posted by “വാതിൽ അടച്ചില്ലെന്ന് ഓർമ്മ വന്നപ്പോ വെറുതെ വിട്ടതാ. അല്ലായിരുന്നെങ്കിൽ ഞാനത് കടിച്ചു തിന്നേനെ.” അവൾ തലയിൽ തടവുന്ന സുഖത്തിൽ കണ്ണടച്ചു കിടന്ന് അവൻ പറഞ്ഞു.
“അതിനിപ്പോ ഈ മുറിയിൽ ആര് വന്ന് ഒളിഞ്ഞു നോക്കാനാ. ഇതേ.. എന്റെ റൂമാണ്. ഒരാളും വന്നു സീൻ പിടിക്കില്ല. മണ്ടൻ കോണാപ്പീ.” അവൾ അവന്റെ ചെവിയിൽ പിടിച്ചു തിരുമ്മി.
“ഹാഹാഹ്.. എടീ പിശാചെ നിന്നെ ഞാൻ കൊല്ലും.” അവൻ തലപൊക്കി അവളുടെ മുതുകിൽ കടിച്ചു.
“ആഹ്.. വിട് വിട്.. ഞാനിപ്പോ കൂവും.. അയ്യോ.. സോറി സോറി..” അവൾ വേദന കൊണ്ട് അവന്റെ തല പിടിച്ചു മാറ്റാൻ ശ്രമിച്ചു. അവൻ കടി വിട്ട് അവിടെ ഉമ്മ കൊടുത്തു.
“ഞാനൊന്ന് പോയി വരട്ടെ. പ്ലീസ്. ഇക്കാന്റെ കുഞ്ഞാവയല്ലേ.. പോയിട്ട് വേഗം വരാം.” അവൻ അവളോട് യാചിച്ചു.
“ഇല്ല. എങ്ങോട്ടും വിടില്ല. ഈ റൂമിൽ നിന്നെന്നല്ല, എന്റെ നെഞ്ചിൽ നിന്ന് ഇറങ്ങാൻ പോലും വിടില്ല.” അവൾ പെട്ടന്ന് അവനെ പുണർന്നു. അവനെ തന്റെ തടവിലാക്കിലാക്കുന്നത് പോലെ.
“അത്രക്ക് വിശ്വാസം ഇല്ലേ എന്നെ. ഞാൻ ന്താ പെണ്ണ് പിടിക്കാൻ പോകുവാ ന്നാ കരുതുന്നെ അല്ലേ.” അവൻ പരിഭവം പറഞ്ഞു. അടുത്ത ക്ഷണം അധികം ശക്തമല്ലാതെ അവളുടെ കൈ അവന്റെ മുഖത്ത് പതിച്ചു. പെട്ടന്ന് കിട്ടിയ അടിയുടെ അമ്പരപ്പിൽ അവനൊന്നു ഞെട്ടിപ്പോയി.
“അനാവശ്യം പറയരുത്. ഞാൻ എത്ര വിരൂപയായ പെണ്ണ് ആയാൽ പോലും ഇക്ക എന്നെ ചതിച്ചു വേറെ പെണ്ണിനെ തേടി പോകില്ല എന്ന് എനിക്ക് ഉറപ്പുണ്ട്.വേറെ പെണ്ണ് വേറെ പെണ്ണ്. ഇതിപ്പോ മിണ്ടിയാൽ വേറെ പെണ്ണ് ആണല്ലോ. എന്നെ മടുത്തോ ന്റെ ഇക്കാ. ഞാൻ ചത്തുകളയും പറഞ്ഞേക്കാം. തലയിലൂടെ തീയിട്ടു കത്തിക്കറിഞ്ഞു വെന്തു ചാവും.. ” അവൾ പെട്ടന്ന് കരയാൻ തുടങ്ങി. കുറച്ച് ഉറക്കെ തന്നെ വാവിട്ട് കരഞ്ഞു തന്റെ പുതുമ നഷ്ട്ടപ്പെട്ടു തുടങ്ങിയപ്പോൾ വാഹിദിന് സ്നേഹക്കുറവ് തോന്നിത്തുടങ്ങിയോ എന്ന സ്ത്രൈണവേദന അവളെ വല്ലാതെ അലട്ടുന്നുണ്ടായിരുന്നു.