ആലീസ് പറഞ്ഞു തീര്ത്തിട്ടു ഫോണ് എടുത്തപ്പോള് ജോജിയും അച്ചുവും കൂടി പുറത്തേക്കിറങ്ങി . അച്ചുവിനാകെ വീര്പ്പു മുട്ടല് ആയിരുന്നെങ്കില് ജോജിക്ക് സമ്മിശ്ര വികാരം ആയിരുന്നു
പിറ്റേന്ന് ജോജി ഓഫീസില് എത്തിയപ്പോള് മേരിയുടെ പരിഷ്കരണം കണ്ടു . ജോജിയുടെ മുറിയില് നിന്ന് പാര്ട്ടീഷന് കട്ട് ചെയ്തു അടുത്ത മുറിയിലേക്ക് ഡോര് പിടിപ്പിച്ചിരിക്കുന്നു . അതില് എല്ലാം സെറ്റ് ചെയ്തിട്ടും ഉണ്ട് … അവനെ ആകെ അമ്പരപ്പിച്ചത് ഉണ്ടായിരുന്ന ലേഡീസ് സ്റാഫ് ഒക്കെ മുട്ടൊപ്പം ഇറക്കമുള്ള സ്കര്ട്ട് ആന്ഡ് കോട്ട് ഇട്ടതായിരുന്നു .. ജോജിക്കും ഉണ്ടായിരുന്നു ഡ്രെസ് കോഡ് വൈറ്റ് കോട്ട് …ചേച്ചിയമ്മ ഇതിടുമോ ? അവര്ക്കുമുണ്ടോ ഈ ഡ്രെസ് കോഡ് എന്നറിയാന് അവന്റെ ഉള്ളം തുടിച്ചു .’
ജോജി തിരികെ വീട്ടില് വന്നപ്പോഴും മാറ്റങ്ങള് കണ്ടു . വീടൊക്കെ ഭംഗിയായി അടുക്കി വെച്ചിരിക്കുന്നു . ഇടക്ക് വന്നു കൊണ്ടിരുന്ന ജോര്ജുട്ടിയുടെ, ചുരുക്കം ചില സാധനങ്ങള് ഒഴികെ ഒന്നും അവിടെ കണ്ടില്ല . ജോജിയുടെ അടുത്ത ബെഡ് റൂമില് മാസ്റര് ബെഡ് കൂടാതെ ഒരു ഡബിള്ഡക്ക് ചൈല്ഡ് ബെഡ് , അത് കര്ട്ടന് ഇട്ടു മറച്ചിരിക്കുന്നു . അവന്റെ ബെഡ് മാറ്റി വലിയ ഫാമിലി കോട്ട് ബെഡ് . ..എല്ലാം മേരിയുടെ പണി തന്നെ എന്നവന് ഉറപ്പിച്ചു.. ഇനിയും മൂന്നാല് ദിവസം കൂടിയുണ്ട് സണ്ഡേ ആകാന്
എന്നാല് ജോജി വെള്ളിയാഴ്ച ഓഫീസില് നിന്ന് വീട്ടിലെത്തി അല്പം കഴിഞ്ഞപ്പോള് അലീസും മാത്തച്ചനും എത്തി . കൂടെ അച്ചുവും പിള്ളേരും … അച്ചുവിന്റെ മുഖം കടന്നല് കുത്തിയത് പോലെ വീര്ത്തിരിപ്പുണ്ട്.. അവനെ ഒന്ന് നോക്കുക പോലും ചെയ്യാതെയവള് ടിവിയിലേക്ക് കണ്ണ് നട്ടു ..പിള്ളേര് ഓടി വന്നു ജോജിയെ വട്ടം പിടിച്ചു
‘ ഡാ … ജോക്കുട്ടാ …ഞങ്ങള് നാലും കൂടി ടെക്സാസ് വരെ പോകുവാ … ഒരു മീറ്റിംഗ് … അപ്പൊ പിള്ളേരെയും കൂടി കൊണ്ടോകാന്നു തീരുമാനിച്ചു … അച്ചൂനെ ഓഫീസില് നിന്നും പിള്ളേരെ സ്കൂളില് നിന്നും കൂട്ടി … ജോര്ജുട്ടിയും കൊച്ചും ഇപ്പൊ ഓഫീസില് എത്തി കാണും .”
ആലീസ് അച്ചുവിന്റെ നേരെ തിരിഞ്ഞു