അവിടെ നിന്നു കൃത്യം നാല് മാസം കഴിഞ്ഞതോടെ കല്യാണം ! ഇത് അത്യാവശ്യം ഗ്രാൻഡ് ആയിരുന്നു. ഞങ്ങളുടെ പ്രായക്കുറവ് ചിലർക്കൊക്കെ സംസാര വിഷയം ആയെങ്കിലും മഞ്ജുസിന്റെ അച്ഛൻ പരിപാടി ഗ്രാൻഡ് ആകണമെന്ന വാശിയിൽ ആയിരുന്നു . മഞ്ജുസിന്റെ വാടക വീട്ടിനടുത്തുള്ള കുശുമ്പി തള്ളയെ ഞങ്ങൾ രണ്ടാളും കൂടിയാണ് കല്യാണം വിളിക്കാൻ പോയത്..
ഞങ്ങളെ രണ്ടാളെ കണ്ടതും അവർ ചിരിയോടെ സംസാരിച്ചു തുടങ്ങി .
“അല്ല ..അനിയൻ കുട്ടനെ ഇപ്പൊ കാണാറില്ലലോ “
അവർ ചിരിയോടെ തിരക്കി..
“ഞാനിപ്പോ കോയമ്പത്തൂർ ആണ് ചേച്ചി..അതാണ് കാണാത്തതു”
ഞാൻ അവരോടു ചിരിയോടെ പറഞ്ഞു .
“ആഹ്..പിന്നെന്തൊകെ ഉണ്ട് വിശേഷം..?”
അവർ കൗതുകത്തോടെ ചോദിച്ചതും മഞ്ജുസ് ചാടി വീണു . നല്ല തിളക്കമുള്ള സാരി ഒകെ ചുറ്റി നല്ല ഫോമിൽ ആയിരുന്നു മഞ്ജുസ്..
“വിശേഷം പറയാനാ ചേച്ചി വന്നത്..”
മഞ്ജുസ് അവരെ നോക്കി ചിരിയോടെ പറഞ്ഞു ഞങ്ങളുടെ വെഡിങ് കാർഡ് അവർക്കു നേരെ നീട്ടി..
അവരതു സംശയത്തോടെ വാങ്ങി തിരിച്ചും മറിച്ചും നോക്കി .
“എന്റെ കല്യാണം ആണ് ചേച്ചി…”
മഞ്ജുസ് ചെറു ചിരിയോടെ പറഞ്ഞപ്പോൾ അവർ മഞ്ജുവിനെ സംശയത്തോടെ നോക്കി .
“അപ്പൊ മറ്റേത് ?”
മഞ്ജുസിന്റെ ആദ്യ ഭർത്താവ് അവിടെ വന്നു അടിയുണ്ടാക്കിയ കാര്യം ഒകെ അറിയാവുന്നതുകൊണ്ട് ആ തള്ള ചോദിച്ചു .
“അത് അലസി ..ഇത് പുതീതാ…”
മഞ്ജു കള്ളച്ചിരിയോടെ പറഞ്ഞു..
“മ്മ്…എന്തായാലും നന്നാവട്ടെ..അല്ല ചെക്കൻ എവിടന്നാ?”
അവർ കുശലാന്വേഷണത്തിനിടെ തിരക്കി..
“ഇവിടന്നു തന്നെ..ദേ ഈ നിക്കുന്നവൻ ആണ് ചെറുക്കൻ ”
മഞ്ജു എന്നെ പിടിച്ചു അവരുടെ മുൻപിലേക്ക് നീക്കിയതും തള്ളയുടെ കിളിപോയി.. മഞ്ജുസ് അവരെ ആസ് ആക്കുകയാണെന്നാണ് തള്ളയുടെ വിചാരം…