ഞാൻ ഭർത്താവു ചമഞ്ഞു ഗൗരവത്തിൽ പറഞ്ഞു .
“മ്മ്..പോരാ ..കുറച്ചൂടെ ചൊറി ആവാം..”
എന്റെ ഉദ്ദേശം മനസിലായ മഞ്ജു ചിരിയോടെ പറഞ്ഞു എന്റെ അടുത്തേക്ക് വന്നു . പിന്നെ ബെഡിലേക്കിരുന്നു എന്നെ നോക്കി .ഉള്ള പെർഫ്യൂമും ലോഷനുമൊക്കെ പൂശി നല്ല മണം ഉണ്ട് അവൾ അടുത്തുവന്നപ്പോ!
“വേഗം റെഡി ആയിക്കെ ..ഇന്ന് നീ തന്നെ എന്റെ കൊണ്ടുവിടണം ”
മഞ്ജു ഗൗരവത്തിൽ പറഞ്ഞു എന്റെ കയ്യിൽ പിടിച്ചു . മുണ്ടു മാത്രം ഉടുത്തു ഇരിക്കുന്ന ഞാൻ അവളെ നോക്കി ഇടം കൈകൊണ്ട് നെഞ്ചോക്കെ ഒന്നുഴിഞ്ഞു .
“അയ്യേ എനിക്ക് നാണക്കേടാ ..പഴേ സാറമ്മാരൊക്കെ കാണും ”
ഞാൻ നാണത്തോടെ പറഞ്ഞു അവളെ നോക്കി..
“അയ്യടാ ..അപ്പൊ എനിക്കോ..പിള്ളേര് വല്ലോം കളിയാക്കുമോ എന്ന എന്റെ പേടി ..ടീച്ചേർസ് വല്യ കുഴപ്പമില്ല ..ഈശ്വര കാത്തോളണേ ”
മഞ്ജുസ് ആരോടെന്നില്ലാതെ പറഞ്ഞു മുകളിലേക്ക് നോക്കി .
“ഹി ഹി…റിസപ്ഷനു ചില ടീച്ചേർസ് വന്നിട്ടുണ്ടാരുന്നു, അന്ന് പിന്നെ സംസാരിക്കേണ്ടിയൊന്നും വന്നില്ല…അതുകൊണ്ട് കഴിച്ചിലായി ”
ഞാൻ അവളോടായി പറഞ്ഞു .
“മ്മ്…നിന്റെ മായേച്ചി ആണ് ഒക്കെ ഫ്ലാഷ് ആക്കിയത് തെണ്ടി ”
മഞ്ജു ആരോടെന്നില്ലാതെ പറഞ്ഞു .
“പറയുന്ന പോലെ കക്ഷി ഒരീസം നമ്മളോട് വീട്ടിൽ ചെല്ലാൻ പറഞ്ഞിട്ടുണ്ടാരുന്നു ..ഞാനത് മറന്നു ”
ഞാൻ മായേച്ചിയുടെ കാര്യം ഓര്മിച്ചുകൊണ്ട് പറഞ്ഞു .
“മ്മ്…അതൊക്കെ പോകാം ..വേണേൽ പോണവഴി അവളെ കൂടി പിക് ചെയ്യാം ..”
മഞ്ജുസ് ഗൗരവത്തിൽ പറഞ്ഞു .
“ആഹ്..നോക്കാം….”
ഞാൻ ഒഴുക്കൻ മട്ടിൽ പറഞ്ഞു .
“അങ്ങനെ നോക്കിയാ പോരാ ..ചെന്ന് വേഗം റെഡി ആവ്”
അവൾ ദേഷ്യത്തോടെ പറഞ്ഞു എന്റെ കൈപിടിച്ച് എഴുന്നേൽപ്പിച്ചു . പിന്നെ ടവ്വലും എടുത്തുതന്നു ബാത്റൂമിലേക്ക് ഉന്തിത്തള്ളി വിട്ടു .
“ഡാ , കഴിഞ്ഞിട്ട് വാട്ടോ..ഞാൻ താഴെ ഉണ്ടാവും ”
മഞ്ജു വാതിൽ ചാരൻ നേരം എന്നോടായി പറഞ്ഞു തിരിഞ്ഞു നടന്നു . കുളിയും പല്ലുതേപ്പും ഒക്കെ കഴിഞ്ഞു ഒരു ഷർട്ടും പാന്റും എടുത്തിട്ട് ഞാൻ താഴേക്കിറങ്ങി .
ഞാൻ ചെല്ലുമ്പോൾ അഞ്ജു കോളേജിലേക്ക് പോകാനുള്ള തയ്യാറെടുപ്പിൽ ആണ് .ബാഗ് എടുത്തു ഇടം തോളിലിട്ട് അവൾ മഞ്ജുവിനോടും അമ്മയോടും യാത്ര പറഞ്ഞു ഇറങ്ങുവാണു . സാമാന്യം നല്ല സ്പീഡിൽ അവൾ എന്റെ മുന്നിലൂടെ പാസ് ചെയ്തു ..
“ഇന്നെന്താടി നേരത്തെ ?”
ഞാനവളെ സംശയത്തോടെ നോക്കി .
“സ്പെഷ്യൽ ക്ളാസ് ഉണ്ട് “