Posted by ഹേമാന്റി പോയതും ഞാൻ ഉമ്മറത്ത് കിടന്ന കസേരയിലേക്കിരുന്നു .
“നീ എന്താടി ഇവിടെ തന്നെ നിന്നെ ..വാ അകത്തോട്ടിരിക്ക്..”
മായേച്ചി കാതിലെ കമ്മൽ ടൈറ്റ് ചെയ്തുകൊണ്ട് മഞ്ജുവിനോടായി പറഞ്ഞു .
“ഏയ് അതിന്റെ ഒന്നും ആവശ്യം ഇല്ല..നീ ഒന്ന് വേഗം റെഡി ആയിക്കെ ..സമയം ഒൻപത് ആകാറായി ”
മഞ്ജുസ് വാച്ചിൽ നോക്കി തിരക്ക് കൂട്ടി .
“ഓഹ് പിന്നെ.. ബസ്സിലൊന്നും അല്ലാലോ കാറിൽ അല്ലെ..അങ്ങെത്തിക്കോളും..”
മായേച്ചി ഒഴുക്കൻ മട്ടിൽ പറഞ്ഞു ടീപ്പോയിൽ കിടക്കുന്ന പേപ്പർ എടുത്തു നോക്കുന്ന എന്നെ നോക്കി .
“നീ പേപ്പറൊക്കെ വായിക്കാൻ തുടങ്ങിയോ മോനെ?”
ഒരു പുച്ഛ ഭാവത്തിൽ മായേച്ചി എന്നോടായി തിരക്കി .
“ഏയ് ഞാൻ ഡീസെന്റ് ആണ് ..ഇതു ചുമ്മാ ചരമ കോളം നോക്കിയതാ..നിന്റെ പഴേ കാമുകനെങ്ങാനും ചിരിച്ചു ഇരിക്കുന്നുണ്ടെങ്കിലോ “
ഞാൻ പയ്യെ പറഞ്ഞതും അവൾ കയ്യിലുണ്ടായിരുന്ന ചീപ്പ് എന്റെ നേരെ എറിഞ്ഞു .ചീപ്പ് നേരെ വന്ന് എന്റെ മടിയിൽ ആണ് വീണത് .
“ഈ തെണ്ടിയെ ഞാൻ…”
അവളാരോടെന്നില്ലാതെ പറഞ്ഞു നിലത്തൊരു ചവിട്ടു കൊടുത്തു പിന്നെ മഞ്ജുവിനെ നോക്കി.അവൾക്കു മായേച്ചി എന്റെ അടുത്ത് അത്ര ക്ളോസ് ആയി ഇടപെടുന്നത് ഇഷ്ടമാകുന്നില്ലെന്നു ആ മുഖഭാവം കണ്ടപ്പോൾ എനിക്ക് തോന്നി .
“നിങ്ങളെന്തിനാ ഇങ്ങനെ തല്ലു കൂടുന്നെ ..ഒന്നുമില്ലേലും ഇത്ര പ്രായം ആയില്ലേ ”
മഞ്ജുസ് പെട്ടെന്ന് സ്വല്പം ഗൗരവം നടിച്ചു ഞങ്ങളെ മാറിമാറിനോക്കി .
“മ്മ്..ബെസ്റ്റ് ! നല്ല ആളാ പറയുന്നേ ‘
ഞാൻ മനസ്സിലോർത്തു പയ്യെ ചിരിച്ചു .
“ആഹ്..നീ ഇതു കാര്യം ആക്കണ്ടേ ..ഇവനും ഞാനും അത്ര ക്ളോസ് ആണ് ..ചേട്ടൻ പുറത്തു ആയതിന്റെ വിഷമം പോലും അമ്മയ്ക്കും എനിക്കും ഇല്ലാത്തതു ഈ പൊട്ടൻ ഇവിടുള്ളതുകൊണ്ടാ ..എന്താവശ്യത്തിനു വിളിച്ചാലും ഇങ്ങു പോന്നോളും “
മായേച്ചി ആദ്യമായി എന്നെ പൊക്കി പറഞ്ഞത് കേട്ടപ്പോൾ എനിക്കൊരു ഗമ തോന്നി . ഞാൻ ഇതൊക്കെ എന്ത് എന്ന ഭാവത്തിൽ മഞ്ജുസിനെ നോക്കി .
“അതെ..ഇനി അങ്ങനെ പോരാൻ പറ്റില്ല ..മഞ്ജുസ് സമ്മതിക്കണം ”
ഞാൻ മഞ്ജുവിനെ ഒന്ന് സോപ്പിടാൻ വേണ്ടി പറഞ്ഞു മായേച്ചിയെ നോക്കി .
“ഓഹ്..അവൾക്കൊന്നും എതിർപ്പില്ല..അല്ലെടി മഞ്ജു ?”
മായേച്ചി ഗൗരവത്തിൽ മഞ്ജുവിനെ നോക്കി . ഉള്ളിൽ വല്യ താല്പര്യമില്ലേലും മഞ്ജു എതിർപ്പില്ലെന്ന് തലയാട്ടി …മായേച്ചിയെ പിണക്കാൻ പറ്റില്ലല്ലോ.
“ആഹ്..അപ്പൊ പ്രെശ്നം തീർന്നു കണ്ണാ….ഇനി വാ..അകത്തേക്കിരിക്കാം..”
മായേച്ചി ഞങ്ങളെ ക്ഷണിച്ചുകൊണ്ട് പറഞ്ഞു .
“ഓഹ്..അതൊക്കെ പിന്നെ ആവാം മായേ..നീ ഒന്ന് വേഗം ഇറങ്ങു..’
മഞ്ജുസ് വീണ്ടും തിരക്ക് കൂട്ടി .
“ഓഹ്…ഇവളുടെ ഒരു കാര്യം..”
മായേച്ചി ആരോടെന്നില്ലാതെ പറഞ്ഞു മഞ്ജുസിനെ നോക്കി തൊഴുത് അകത്തേക്ക് പോയി . ആ സമയം കൊണ്ട് ഹേമാന്റി ജ്യൂസുമായി ഉമ്മറത്തേക്കെത്തി .