ഞാൻ ചിരിയോടെ എഴുനേറ്റു ഹേമാന്റിയോട് യാത്ര പറഞ്ഞു പിന്നലെ ഇറങ്ങി .ഞങ്ങൾ കഴിച്ച ജ്യൂസ് ഗ്ലാസ് എടുത്തു കയ്യിൽ പിടിച്ചു ഹേമാന്റി അവിടെ തന്നെ നിന്നു .
”അമ്മ…അപ്പൊ ശരി..”
പോകും വഴി മായേച്ചി തിരിഞ്ഞു ടാറ്റ നൽകികൊണ്ട് മഞ്ജുസിനൊപ്പം നടന്നു .പിന്നെ ഡോറുകൾ തുറന്നു രണ്ടാളും പുറകിലെ സീറ്റിലേക്ക് കയറി ഇരുന്നു .
ഞാൻ ഒന്നും മിണ്ടാതെ നേരെ ഫ്രണ്ട് സീറ്റിലേക്ക് ചെന്ന് കയറി കാര് സ്റ്റാർട്ട് ചെയ്തു പയ്യെ മുന്നോട്ടെടുത്തു . അപ്പോഴേക്കും പുറകിൽ മായേച്ചിയും മഞ്ജുവും സംസാരം തുടങ്ങിയിരുന്നു .
“അല്ല മോളെ..കോളേജിൽ സീൻ ഒന്നും ഇല്ലല്ലോ..ഞാൻ നാറുമോ?”
മഞ്ജുസ് സ്വല്പം ഭയത്തോടെ ശബ്ദം താഴ്ത്തി മായേച്ചിയോടായി ചോദിച്ചു .
“ഏയ് ,,അങ്ങനെ സീൻ ഒന്നും ഇല്ല ..പിന്നെ ഇവനിപ്പോ അവിടത്തെ സ്റ്റുഡൻറ് അല്ലല്ലോ , എന്നാലും കോളേജിലൊക്കെ , സ്പെഷ്യലി പിള്ളേരുടെ ഇടയിലൊക്കെ പഴയ സ്റ്റുഡന്റിനെയാണ് മഞ്ജു മിസ് മാരി ചെയ്തതെന്ന് ന്യൂസ് സ്പ്രെഡ് ആയിട്ടുണ്ട്..”
മായേച്ചി ഒഴുക്കൻ മട്ടിൽ പറഞ്ഞു ചിരിച്ചു .
“ശേ ..പിള്ളേരൊക്കെ എന്തേലും ചോദിച്ചാ..ആകെ നാണക്കേടാവും ..എന്റെ കോൺഫിഡൻസ് ഒക്കെ പോയെടി ”
മഞ്ജുസ് തലയ്ക്കു കൈകൊടുത്തിരുന്നു ആരോടെന്നില്ലാതെ പറഞ്ഞു .
“ഹി ഹി….”
അവളുട സംസാരം കേട്ട് മുന്നിലിരുന്ന ഞാൻ പയ്യെ ചിരിച്ചു .
“നീ ചിരിക്കേണ്ട മോനെ ..ഒക്കെ ഒപ്പിച്ചു വെച്ചിട്ട് ”
മായേച്ചി സ്വല്പം ഗൗരവത്തിൽ പറഞ്ഞു .
“ഓഹ്..ഞാൻ ഒറ്റക്കൊന്നും അല്ല ..ആ സാധനവും കട്ടക്ക് കൂടെ ഉണ്ടാരുന്നു ..ഞാൻ ഒരു നമ്പർ ഇട്ടതല്ലേ ..കൂടെ വരുമെന്ന് എനിക്കറിയില്ലല്ലോ ”
ഞങ്ങളുടെ പഴയ പ്രേമ സല്ലാപങ്ങൾ ഓർത്തെന്നോണം പറഞ്ഞു ഞാൻ രണ്ടാളെയും തിരിഞ്ഞു നോക്കി .
“ദേ കവി…”
ഞാൻ പറഞ്ഞത് ഇഷ്ട്പെടാഞ്ഞ മഞ്ജുസ് എന്റെ നേരെ കൈചൂണ്ടി കണ്ണുരുട്ടി .
“നീ എന്തിനാ അവനെ പറയുന്നേ..സ്വല്പം കാര്യം ഒക്കെ ഇല്ലേ ..കീരീം പാമ്പും ആയി അഭിനയിച്ചു തകർക്കുവല്ലായിരുന്നോ ..അതിന്റെ ഇടയിൽ കൂടി ലോകത്തില്ലാത്ത ഒരു പ്രേമം ”
മായേച്ചി മഞ്ജുസിന്റെ കയ്യിൽ നുള്ളി പയ്യെ പറഞ്ഞു ..
ഞാൻ അതുകേട്ടു ചിരിയോടെ വണ്ടി വേഗത്തിൽ വിട്ടു .
“അതുപിന്നെ പറ്റിപ്പോയി ..ഇനിയിപ്പോ പറഞ്ഞിട്ടെന്താ …പ്രേമത്തിന് കണ്ണും മൂക്കും ഒന്നുമില്ലെന്നല്ലേ ”
മഞ്ജുസ് സ്വയം ആശ്വസിപ്പിക്കാൻ എന്നോണം പറഞ്ഞു .
“മ്മ്..പക്ഷെ കുറച്ചു വകതിരിവ് വേണം ..”
മായേച്ചി ഗൗരവത്തിൽ പറഞ്ഞപ്പോൾ എനിക്ക് ചെറുതായി ചിരിപൊട്ടി .
“നീ എന്ത് തേങ്ങയാടി പറയുന്നേ ..പ്രേമത്തിന്റെ ജീവിച്ചിരിക്കുന്ന സ്മാരകം തന്നെ ഇത് പറയണം ”
മഞ്ജുസ് മായേച്ചിക്കിട്ടൊന്നു താങ്ങിക്കൊണ്ട് പറഞ്ഞു . അത് കേട്ടതും മായേച്ചിക്ക് ദേഷ്യം വന്നു ..പിന്നെ ചാടിക്കടി മൊത്തം എന്നോടായി…
“ഡാ….നീ ഒക്കെ ഇവളോട് പറഞ്ഞല്ലേ നാറി…”