Posted by മഞ്ജുസിന്റെ ചോദ്യം കേട്ട മായേച്ചി എന്നോട് കയർക്കാൻ തുടങ്ങി
“ചെറുതായിട്ട്…”
ഞാൻ ചിരിയോടെ പറഞ്ഞു .
“മ്മ്..നിനക്ക് ഞാൻ തരാടാ…നീ ഇനി വീട്ടിലോട്ടു വാ…”
മായേച്ചി പല്ലിറുമ്മിക്കൊണ്ട് പറഞ്ഞു..
“ഏയ് ഇനി വരില്ല ട്ടോ ..എന്റെ ഭാര്യക്ക് എന്നെ വല്യ സംശയമാ ”
ഞാൻ മഞ്ജുസിന്റെ ഉള്ളിലിരുപ്പ് വായിച്ചെന്ന പോലെ പറഞ്ഞപ്പോൾ അവൾക്കും ചെറിയ ജാള്യത തോന്നി .
“ഏയ് ആണോടി?”
മായേച്ചി അമ്പരപ്പോടെ മഞ്ജുസിനെ നോക്കി .
“ഏയ്..ഈ പൊട്ടൻ ചുമ്മാ പാറയുവാ..എനിക്കെന്ത് പ്രെശ്നം ”
മഞ്ജുസ് പരിഭ്രമം മറച്ചുവെച്ചുകൊണ്ട് ചിരിയോടെ പറഞ്ഞു..
“ഹി ഹി ..ചുമ്മാ പറയുവാ മായേച്ചി..ഞാൻ ഏതു പെണ്ണിനെ നോക്കിയാലും അവൾക്ക് ദേഷ്യമാ ..പിച്ചലും മാന്തലും കൂടി എന്റെ ദേഹത്തൊക്കെ തോലില്ലാതായി”
ഞാൻ ചിരിയോടെ പറഞ്ഞു വണ്ടി പറത്തിവിട്ടു .
“കവി…ചുമ്മാ ഓരോന്ന് പറഞ്ഞു ഉണ്ടാക്കല്ലേ ”
മഞ്ജുസ് എന്റെ സംസാരമത്ര ഇഷ്ടമാകാത്ത പോലെ കടുപ്പിച്ചു പറഞ്ഞു .
“ഓഹ്‌..ഒരു തമാശ പറഞ്ഞതാ പൊന്നെ ..ഹോ…”
ഞാൻ തലയ്ക്കു കൈകൊടുത്തു ഒരു കൈകൊണ്ട് സ്റ്റിയറിങ് കറക്കികൊണ്ട് പറഞ്ഞു . മായേച്ചി എന്റെ റിയാക്ഷൻ കണ്ടു പയ്യെ ചിരിക്കുന്നുണ്ട്.
അങ്ങനെ സംസാരിച്ചിരിക്കെ തന്നെ കുറച്ചു സമയം കൊണ്ട് ഞങ്ങൾ കോളേജിലെത്തി . പഴയ താവളത്തിലേക്ക് കടന്നതും ഒരുപാട് ഓർമ്മകൾ മനസിലേക്ക് ഉരുണ്ടുകൂടി …നടന്നു നീങ്ങിയ വഴികളും , മഞ്ജുസിനെ കാത്തു നിന്നതും , ലൈബ്രറിയിലെ ഓർമകളും , ആദ്യമായി അവളെ ചുംബിച്ചതുമെല്ലാം ഒരു സിനിമ കാണുമ്പോലെ മനസിലേക്കെത്തി .
മഞ്ജുസിന്റെ കാർ ആണ് വരുന്നതെന്ന് മനസിലായ ചില കുട്ടികൾ ഞങ്ങളെ ശ്രദ്ധിക്കുന്നുണ്ട്. ഞങ്ങളുടെ കല്യാണം കഴിഞ്ഞതൊക്കെ കോളേജിൽ എല്ലാവര്ക്കും അറിയാം . അതിന്റെ ഒരു ചിരി ഞങ്ങളെ നോക്കുന്നവരുടെ മുഖത്തുണ്ട്.
അതുകണ്ടു മഞ്ജുസാകെ നാണക്കേടോടെ കണ്ണടച്ചു സീറ്റിലേക്ക് ചാരി ഇരുന്നു..
“ശേ …..”
അവൾ ആരോടെന്നില്ലാതെ പറഞ്ഞു ചിരിച്ചു .
ഞാൻ അവളുടെ റിയാക്ഷൻ കണ്ടു പുഞ്ചിരിച്ചു വണ്ടി പാർക്കിംഗ് സൈഡിലേക്ക് കയറ്റി നിർത്തി .
“ഇറങ്ങുന്നില്ലേ?”
വണ്ടി നിർത്തി പുറകിലേക്ക് തിരിഞ്ഞു ഞാൻ രണ്ടാളോടയും ചോദിച്ചു .
“മ്മ്….വാടി ഇറങ്ങാം ”
മായേച്ചി മൂളികൊണ്ട് മഞ്ജുവിനെ നോക്കി ഡോർ തുറക്കാനായി കൈനീട്ടി .
“വേണ്ടെടി…എനിക്കെന്തോ പോലെ..തിരിച്ചു പോയാലോ ..”