“മ്മ്…പിന്നെ ഞാൻ വേറൊരു കാര്യം ചോദിയ്ക്കാൻ വന്നതാ , നമ്മള് വഴക്കിടുന്ന കാര്യം നീ അമ്മയോട് പറയാറുണ്ടോ ?”
ഞാൻ ഇന്നലെ കയറി വന്നപ്പോൾ മഞ്ജുസിന്റെ അമ്മ ചോദിച്ചതോർത്തു ഞാൻ സംശയപൂർവം അവളെ നോക്കി .
“എന്ത് വഴക്ക് ? ഏതു അമ്മ ? നീ എന്തൊക്കെയാ പറയുന്നേ ?”
എന്റെ ചോദ്യത്തിന് ഉരുണ്ടു കളിച്ചു മഞ്ജുസ് തിരിച്ചു ചോദ്യങ്ങൾ ഇട്ടു . അത് കേട്ടപ്പോഴേ അവള് നുണ പറയുവാണെന്നു എനിക്ക് മനസിലായി .
“ചുമ്മാ ഉരുളല്ലേ ..ഞാൻ ഒന്നങ്ങു തരും..”
അവളുടെ ഇടതു തുടയിൽ നുള്ളി ഞാൻ പല്ലിറുമ്മി പറഞ്ഞതും അവൾ ചിണുങ്ങി.
“അആഹ്..ഹാ…ഡാ ഡാ..”
അവൾ പല്ലിറുമ്മി എന്നെ നോക്കി മുഖം വീർപ്പിച്ചു .
“അപ്പൊ പിന്നെ അമ്മ ഗണിച്ചു പറഞ്ഞതാണോ ? ”
ഞാൻ സ്വല്പം ദേഷ്യത്തോടെ ചോദിച്ചു അവളെ പിടിച്ചെഴുന്നേല്പിച്ചു .
“ആഹ്..എനിക്കറിഞ്ഞൂടാ ”
മഞ്ജുസ് ഒഴുക്കൻ മട്ടിൽ പറഞ്ഞു മുഖം തിരിച്ചു .
“നിനക്കറിയാം…ചുമ്മാ അഭിനയിക്കുവൊന്നും വേണ്ട ..അല്ലെങ്കി നിങ്ങള് തമ്മിലിപ്പോ പ്രെശ്നം ഒന്നുമില്ലല്ലോ എന്ന് നിന്റെ തള്ള ചോദിക്കണ്ട കാര്യം ഇല്ല..”
ഞാൻ സ്വല്പം ഗൗരവത്തിൽ പറഞ്ഞതും അവളുടെ മുഖം മാറി .
“ഹലോ…വല്ലോം പറയാൻ ഉണ്ടെന്കി എന്നെ പറഞ്ഞ മതി ..വീട്ടുകാരെ പറയണ്ട ..”
എന്റെ “തള്ള ” എന്നുള്ള വിളി ഇഷ്ടപെടാത്ത മഞ്ജുസ് എന്നെ നോക്കി കണ്ണുരുട്ടി .
“ഹലോ ന്നാ ? നീയെന്തിനാ അതിനു ചൂടാവുന്നെ ?”
അവളുടെ മുഖം മാറിയത് കണ്ടു ഞാൻ ചിരിയോടെ ചോദിച്ചു .
“ഡാ ചെക്കാ ..നീ എന്റെ കെട്ടി എന്നുവെച്ചു കൂടുതല് ആളാവല്ലേ , അയ്യടാ അവന്റെ ഒരു ചോദ്യം ചെയ്യല് ..”
മഞ്ജുസ് പുച്ച്ചം വാരിവിതറി എന്നെ തുറിച്ചു നോക്കി .
“ഓ ..അങ്ങനെ ആണല്ലേ ..എന്ന ശരി..”
ഞാൻ സ്വല്പം വിഷമം അഭിനയിച്ചു പയ്യെ പറഞ്ഞു എഴുനേൽക്കാൻ തുനിഞ്ഞു . എന്റെ മുഖം മാറിയതും മഞ്ജുസിനു പെട്ടെന്ന് പറഞ്ഞത് അബദ്ധമായെന്ന് തോന്നിത്തുടങ്ങി . പെട്ടെന്ന് എഴുനേൽക്കാൻ തുനിഞ്ഞ എന്റെ കയ്യിൽ അവൾ ഇരുകൈകൊണ്ടും കടന്നു പിടിച്ചു .
“നീ എങ്ങോട്ടാ ?”
മഞ്ജുസ് വെപ്രാളത്തോടെ ചോദിച്ചു എന്നെ നോക്കി .
“എങ്ങോട്ടേലും..നീ കൈവിട്..നമുക്ക് ചോദ്യം ചോദിക്കാനുള്ള അവകാശം ഇല്ലല്ലോ , അപ്പൊപിന്നെ ഇവിടിരുന്നു ഭർത്താവുദ്യോഗസ്ഥൻ ചമയണ്ട കാര്യവും ഇല്ല..”
ഞാൻ സ്വല്പം ഗൗരവത്തിൽ പറഞ്ഞു അവളുടെ കൈവിടുവിക്കാൻ ശ്രമിച്ചു . പക്ഷെ മഞ്ജുസ് വിടാൻ കൂട്ടാക്കിയില്ല.