പിന്നെയെല്ലാം പതിവ് പോലെ , സായാഹ്നങ്ങളിലെയും രാത്രിയിലെയും ഫോൺ വിളികളും പരിഭവം പറച്ചിലുകളും ഞങ്ങൾക്കിടയിൽ തുടർ കഥയായി . വല്ലാതെ റൊമാന്റിക് ആവുമ്പോൾ മഞ്ജുസ് എന്നെ കാണണമെന്നൊക്കെ പറഞ്ഞു ചിണുങ്ങും .
അന്ന് കോയമ്പത്തൂരിലേക്ക് തിരിച്ചു പോയതിൽ പിന്നെ രണ്ടാഴ്ച കഴിഞ്ഞിട്ടും ഞാൻ തിരിച്ചു പോയിരുന്നില്ല. ഓഫീസിലെ തിരക്കുകളും പുതിയ ഓർഡറുകളുമൊക്കെ ആയി ഞാനും ജഗത്തും തിരക്കിലായിരുന്നു .അതെല്ലാം അവൾക്കും അറിയാമെങ്കിലും പരിഭവം പോലെ വിളിച്ചു പറയും ! പരിഭവങ്ങളും അവളുടെ ഫ്രണ്ട് മീരയുടെ കാര്യവും പറയാൻ വേണ്ടിയാണ് മഞ്ജുസ് അത് കഴിഞ്ഞുള്ള ദിവസങ്ങളിൽ വിളിച്ചത് .
അമ്മക്ക് സുഖമില്ലാത്ത കാരണം നാട്ടിലേക്ക് തിരിച്ചുപോയ മീര വീണ്ടും പാലക്കാട്ടേക്ക് തിരിച്ചു വന്നതിന്റെ സന്തോഷത്തിലായിരുന്നു അവൾ . വരുന്ന വീക്കെൻഡിൽ മീരയോടൊപ്പം രണ്ടു ദിവസം താമസിക്കാൻ വേണ്ടിയാണ് അവളുടെ പിന്നീടുള്ള വിളി .
ഓഫീസിൽ നിന്നും വന്നു കുളിക്കാനായി ബാത്റൂമിൽ കയറിയ സമയത്താണ് മഞ്ജുവിന്റെ വിളി . അതുകൊണ്ട് തന്നെ എനിക്ക് ഫോൺ എടുക്കാൻ സാധിക്കുമായിരുന്നില്ല. ഒടുക്കം കുളി കഴിഞ്ഞു പുറത്തിറങ്ങി , ഞാൻ തന്നെ അവൾക്കു തിരിച്ചു വിളിച്ചു .
ഒരു മുണ്ടു എടുത്തുടുത്തു ഉമ്മറത്തെ കസേരയിലേക്ക് ചെന്നിരുന്നു ഞാൻ മഞ്ജുസിന്റെ കോൺടാക്ട് സെലക്ട് ചെയ്തു ഡയൽ ചെയ്തു .
ഒന്നുരണ്ടു വട്ടം റിങ് ചെയ്തെപ്പോഴേക്കും മറുതലക്കൽ മഞ്ജു ഫോൺ എടുത്തിരുന്നു .
“ഹലോ..”
ഞാൻ പതിഞ്ഞ സ്വരത്തിൽ മുഖവുരയോടെ തുടങ്ങി .
“നീ എവിടെ ആയിരുന്നെടാ കവി , ഞാൻ കുറെ വിളിച്ചല്ലോ”
സാധാരണ വിളിച്ചിട്ടു എടുത്തില്ലെങ്കിൽ പൊട്ടിത്തെറിക്കുന്ന മഞ്ജു ഇത്തവണ വളരെ ശാന്തമായി പതിഞ്ഞ താളത്തിൽ ചോദിച്ചു .
“കുളിക്കുവായിരുന്നെടോ..അതാ എടുക്കാഞ്ഞേ ”
ഞാൻ അതിനു നേർത്ത ചിരിയോടെ മറുപടി നൽകി .
“മ്മ്..പിന്നെ നീ എന്താ ഈ ആഴ്ചയും വരാഞ്ഞേ ? നിന്നെ കാണാഞ്ഞിട്ട് എന്തോ പോലെ തോന്നുവാ..”
മഞ്ജുസ് സ്വല്പം വിഷമത്തോടെ പറഞ്ഞു .
“വേണ്ടാത്ത വല്ല തോന്നലും ആണോ ?”
ഞാൻ അര്ത്ഥം വെച്ച് ചോദിച്ചപ്പോൾ മഞ്ജുസ് ചിരിച്ചു .
“പോടാ …അതൊന്നും അല്ല. ”
പിന്നെ പയ്യെ മറുപടി പറഞ്ഞു .
“മ്മ്..ഞാൻ വരാൻ നിന്നതാ , അപ്പോഴാ നിന്റെ തന്തപ്പിടി വിളിച്ചു ഒരു അര്ജന്റ് മീറ്റിംഗ് ഉണ്ടെന്നു വിളിച്ചു പറയുന്നത്..സോ എല്ലാ പ്ലാനും ഊമ്പി..”
ഞാൻ സ്വല്പം നിരാശയോടെ പറഞ്ഞു .