“എന്താ പറയാതെ ഒരു വരവ് ?”
ചെയറിൽ ഇരുന്നു കഴിഞ്ഞു മേശപ്പുറത്തേക്കു ഇരുകയ്യും എടുത്തുവെച്ചു അവളോടായി ഞാൻ ചോദിച്ചു .
“ചുമ്മാ ..നിന്നെ കയ്യോടെ കൂട്ടികൊണ്ടു പോകാൻ വന്നതാ ..”
മഞ്ജുസ് ചിരിയോടെ പറഞ്ഞു .
“എവിടേക്ക് ?”
ഞാൻ സംശയത്തോടെ അവളെ നോക്കി .
“ഓ..അതും മറന്നോ..എടാ മീരയുടെ വീട്ടിൽ പോകുന്ന കാര്യം ഞാൻ പറഞ്ഞിരുന്നില്ലേ..”
മഞ്ജുസ് തലയ്ക്കു കൈകൊടുത്തുകൊണ്ട് പല്ലിറുമ്മി .
“ഓ ..അത്…ആഹ്..അത് പോകാം..സമയം ഉണ്ടല്ലോ ”
ഞാൻ ചിരിയോടെ പറഞ്ഞു .
“മ്മ്…എന്ന പെട്ടെന്ന് എല്ലാം തീർത്തിട്ട് ഇറങ്ങാന് നോക്ക്..ഞാൻ ഗസ്റ്റ് റൂമിൽ കാണും ”
അവൾ കട്ടായം പറഞ്ഞു എഴുനേറ്റു . പിന്നെ നേരെ നടന്നു ഗസ്റ്റ് റൂമിൽ പോയിരുന്നു
ഒടുക്കം നാലുമണി ഒക്കെ അടുപ്പിച്ചു വർക്കെല്ലാം തീർത്തു ഞാൻ മഞ്ജുസിനൊപ്പം ഇറങ്ങി . താമസ സ്ഥലത്തു ചെന്ന് ഒന്ന് കുളിച്ചു ഫ്രഷ് ആയി ഡ്രസ്സ് ചേഞ്ച് ചെയ്തു അവളുടെ കാറിൽ ഞങ്ങൾ പാലക്കാട്ടേക്ക് തിരിച്ചു . മീര എന്ന മഞ്ജുവിന്റെ ഫ്രണ്ടിനെ കുറിച്ച് അവൾ പറഞ്ഞതല്ലാതെ എനിക്ക് വേറെ അറിവൊന്നും ഇല്ല. പക്ഷെ ആ കണ്ടുമുട്ടലിൽ നിന്നാണ് മഞ്ജുസിന്റെ ചില പഴയ കോളേജ് കഥകളൊക്കെ അറിയുന്നത് . ആദർശുമായുള്ള അവളുടെ പ്രേമവും , കോളേജിലെ കുസൃതികളും ഒകെ മീര വഴിയാണ് ഞാൻ അറിഞ്ഞത് ..