പുറകിൽ നിന്നു അവളെ വട്ടം ചുറ്റി പിടിച്ചു ഞാൻ മഞ്ജുസിന്റെ കഴുത്തിൽ പയ്യെ ചുംബിച്ചു .
“സ്സ്……എന്താടാ ഇത് ..ഇത്രേം നാളായിട്ടും ഈ ആക്രാന്തം മാറിയില്ലേ ”
എന്റെ ഞൊടിയിടയിലുള്ള പിടുത്തത്തിൽ ഒന്ന് ഞെട്ടിക്കൊണ്ട് അവൾ ചെറുങ്ങനെ ചൂടായി .
“കൂട്ടുകാരികളുടെ ഇടയിലൊക്കെ എന്നെ കുറിച്ച് തങ്ങിയതല്ലേ..അപ്പൊ ആക്രാന്തം കുറഞ്ഞുപോയാ മഞ്ജുസിനല്ലേ നാണക്കേട് ”
ഞാൻ സംശയത്തോടെ ചോദിച്ചു ചിരിച്ചു .
“ഓ പിന്നെ …എനിക്കൊരു നാണക്കേടും ഇല്ല ..”
മഞ്ജുസ് ഒഴുക്കൻ മട്ടിൽ പറഞ്ഞു എന്റെ പിടി വിടുവിച്ചു കട്ടിൽ ലക്ഷ്യമാക്കി നടന്നു .
“അപ്പൊ സദ്യ തരാമെന്നൊക്കെ പറഞ്ഞത് വെറും അടവ് ആയിരുന്നല്ലേ തെണ്ടി ?”
ഞാൻ സംശയത്തോടെ അവളെ നോക്കി .
“പിന്നെ അല്ല ..നിന്നെക്കൊണ്ട് സമ്മതിപ്പിക്കാൻ ഈയൊരു വഴിയേ ഉള്ളു ..”
മഞ്ജുസ് ചിരിയോടെ പറഞ്ഞു ബെഡിലേക്കു ചെന്നിരുന്നു . പിന്നെ മുടിയഴിച്ചു ഒരുവശത്തേക്കിട്ടു അതിൽ കൈകൊണ്ട് ചികഞ്ഞു .
“പക്ഷെ എനിക്ക് നിന്റെ സമ്മതം ഒന്നും വേണ്ട ..എനിക്ക് തോന്നിയ ഞാൻ ചെയ്യും..”
ഞാൻ കട്ടായം പറഞ്ഞു അവളുടെ അടുത്തേക്ക് വാശിയിൽ നടന്നു .
“ദേ കവി…എപ്പോഴും തമാശ ആവില്ലാട്ടോ ..”
എന്റെ വരവ് കണ്ടതും മഞ്ജുസ് ഗൗരവത്തിൽ പറഞ്ഞു .
“സോ? ”
ഞാൻ അവളുടെ മുൻപിൽ ചെന്ന് നിന്നു ചിരിയോടെ ചോദിച്ചു .
“സോ..പറ്റില്ല..അതുതന്നെ ”
മഞ്ജുസ് തീർത്തു പറഞ്ഞു . അതോടെ ഞാൻ നിരാശയിൽ ബെഡിലേക്കിരുന്നു .
“വൈ ? നിനക്കെന്താ വയ്യേ ?”
ഞാൻ അവളെ സംശയത്തോടെ നോക്കി .
“വയ്യായിക ഒന്നും ഇല്ല..പക്ഷെ വേണ്ട. നിനക്കിപ്പോ ഈ ഒരൊറ്റ ചിന്തയെ ഉള്ളോ ? , ഈ ആക്രാന്തം അല്ലാതെ എന്നോട് കുറച്ചു സ്നേഹം കൂടി കണിക്കെടാ ”
മഞ്ജുസ് മുടി ചികഞ്ഞുകൊണ്ട് എന്നോടായി പയ്യെ പറഞ്ഞു .
“അപ്പൊ എനിക്ക് സ്നേഹം ഇല്ലെന്നു അല്ലെ..ഓക്കേ എന്ന ശരി..”
അവളുടെ കോപ്പിലെ വർത്താനം കേട്ടു ദേഷ്യം വന്ന ഞാൻ ബെഡിലേക്കു കയറി കിടന്നു .
“ഡാ ഡാ ..അങ്ങനെയല്ല പറഞ്ഞെ..”
ബെഡിലേക്കു വീണ എന്റെ പുറത്തു തട്ടി മഞ്ജുസ് കുലുക്കി .
“ഓഹ് വേണ്ട ..ഇയാള് പോയി സ്നേഹം ഉള്ളോരുടെ കൂടെ കിടക്ക് ..’
ഞാൻ ഗൗരവം നടിച്ചു പറഞ്ഞു .
“ദേ നീ ഫുൾ ആയിട്ട് കേൾക്കാതെ കിടന്നു ഷോ കാണിച്ചാൽ ഉണ്ടല്ലോ , ഇങ്ങോട്ടെഴുനേൽക്കേടാ പന്നി..”