പെട്ടിയും എടുത്തുപിടിച്ചാണ് എന്റെ നടത്തം . പിറ്റേന്ന് കാലത്തു ഇനി മായ ചേച്ചിയെ വിളിക്കാനും പോണം . അങ്ങനെ ആകെക്കൂടി തിരക്കുള്ള ദിവസങ്ങളാണ് . ഇതിനിടക്ക് ഞാനും മഞ്ജുസും തമ്മിൽ ഒന്ന് പരിപാടികളൊക്കെ നടത്തിയിട്ടു കുറച്ചു ദിവസങ്ങളുമായി !
“അച്ഛനാകെ ക്ഷീണിച്ചു ല്ലേ ..”
സ്റ്റെപ് കയറുന്നതിനിടെ മഞ്ജുസ് എന്നോടായി പറഞ്ഞു .
“ആഹ് …അവിടെ സുഖവാസം അല്ലല്ലോ , ഞങ്ങള് പാവങ്ങളൊക്കെ ഇങ്ങനെ കഷ്ടപെട്ടിട്ടു തന്നെയാ ജീവിക്കണേ . ജനിച്ചപ്പോഴേ കോടീശ്വരി ആയവർക്കൊന്നും അത് പറഞ്ഞാൽ മനസിലാവൂല ..”
ഞാൻ അതിനു മറുപടി ആയി മഞ്ജുസിനെ ഒന്ന് താങ്ങി .
“നിനക്കതിനു എന്ത് കഷ്ടപ്പാട് ? വെറുതെ എന്നെ കൊണ്ട് ഒന്നും പറയിക്കണ്ട ”
ഞാൻ പറഞ്ഞു നിർത്തിയതും മഞ്ജുസ് എന്നെ തറപ്പിച്ചൊന്നു നോക്കി .
“അതെന്താടി അങ്ങനെ ? ഞാനിപ്പോ ഒകെ നന്നായിട്ട് നോക്കണില്ലേ?”
മഞ്ജുസിന്റെ പറച്ചിലുകെട്ടു ഞാൻ സംശയത്തോടെ ചോദിച്ചു . അപ്പോഴേക്കും ഞങ്ങൾ റൂമിലെത്തിയിട്ടുണ്ടായിരുന്നു .
“ഹ്മ്മ്…ഉണ്ട് ഉണ്ട് …ആ ശ്യാം ഉള്ളോണ്ട് കാര്യങ്ങളൊക്കെ മുറക്ക് നടക്കുന്നുണ്ട് ”
മഞ്ജുസ് നഗ്ന സത്യം വെളിപ്പെടുത്തികൊണ്ട് ചിരിച്ചു .അപ്പോഴേക്കും പെട്ടിയൊക്കെ ഒരു മൂലയിലേക്ക് നീക്കിവെച്ചുകൊണ്ട് ഞാൻ കതകടച്ചു . റോസ്മോളും ആദികുട്ടനും നല്ല ഉറക്കമാണ് !
“നീയും അച്ഛനും തമ്മിലെങ്ങനെയാ ഇങ്ങനെ കമ്പനി ആയത് ?”
മഞ്ജുസിന്റെയും അച്ഛന്റെയും ഇരിപ്പുവശം ഓർത്തു ഞാൻ സംശയത്തോടെ ചോദിച്ചു .
“അതിനിപ്പോ ഞാൻ അന്യ ഒന്നും അല്ലാലോ ..നിന്റച്ഛന്റെ മരുമോൾ അല്ലെ . പിന്നെ എന്റെ ഈ സ്വഭാവമഹിമയും ആറ്റിട്യൂടും ഐശ്വര്യമുള്ള ലൂക്കും ഒകെ വെച്ച് നോക്കുമ്പോൾ അച്ഛൻ എങ്ങനെ ഇഷ്ടപ്പെടാതെ ഇരിക്കും ?”
മഞ്ജുസ് കിട്ടിയ ഗ്യാപ്പിൽ സ്വായം പൊങ്ങിക്കൊണ്ട് ചിരിച്ചു .
“ഓഹ് ..ഭയങ്കരം തന്നെ ..കൂടെ കിടക്കുന്നവനല്ലേ ഈ സ്വഭാവമൊക്കെ ശരിക്കു അറിയൂ .അങ്ങേരു പാവം , ഈ പൊറംപൂച്ചോക്കെ കണ്ടു തെറ്റിദ്ധരിച്ചു കാണും ”
ഞാൻ അവള് പറഞ്ഞത് കേട്ട് പിറുപിറുത്തു .
“എന്താടാ തെണ്ടി എനിക്കൊരു കുറവ് ? ആരേലും എന്നെക്കുറിച്ചു നല്ലതു പറഞ്ഞാൽ അപ്പൊ അവനു ചൊറിച്ചിലാ ..”
മഞ്ജുസ് എന്നെ നോക്കികൊണ്ട് കണ്ണുരുട്ടി .
“അങ്ങനെ അല്ലെടി മഞ്ജുസേ…നമ്മുടെ കാര്യം അറിഞ്ഞപ്പോ എന്നെ തിന്നാൻ വന്ന മനുഷ്യനാ..ഇപ്പൊ എന്ത് മാറ്റമാ ”
അച്ഛന്റെ ചേഞ്ച് ഓർത്തു ഞാൻ ആശ്ചര്യത്തോടെ പറഞ്ഞു .
“അച്ഛന് അങ്ങനെ ഒന്നും ഇല്ലെടാ ..ആദ്യമൊക്കെ ചെറിയ