💘നന്ദുവിന്റെ സ്വന്തം ദേവൂട്ടി [Demon King]

‘” നിനക്ക് ഞങ്ങളോട് അൽപ്പം സ്നേഹം ഉണ്ടെങ്കിൽ നീ ഇവിടുന്ന് പോകണം’”

 

‘”നീയിവിടെ ഉള്ളിടത്തോളം കാലം ഞാൻ അവളെ ഇനിയും ദ്രോഹിക്കും.’”

 

അവർ പറഞ്ഞ വാക്കുകൾ എന്റെ ചെവിയിൽ മുഴങ്ങി കണ്ണുകളിലൂടെ കണ്ണുനീർ ഒഴുകി

കണ്ണുകൾ അറിയാതെ ഒന്നുകൂടി അടഞ്ഞു.

പിന്നെ കണ്ടത് ചിരിച്ചു കൊണ്ട് ഓടുന്ന ദേവുവിനെ ആണ്…

അത് കണ്ടതോടെ ഞാൻ ഞെട്ടി കണ്ണ് തുറന്നു.

 

ഇല്ല…..

 

ഞാൻ മരിച്ചാൽ എന്റെ ദേവുവും മരിക്കും….

അല്ലെങ്കിൽ അവളൊരു മുഴു ഭ്രാന്തി ആവും.

അങ്ങനെ ഉണ്ടാവരുത് …

അവൾ എവിടെ ആണെങ്കിലും നന്നായി ജീവിക്കണം.

ഞാൻ വേഗം കഴുത്തിൽ നിന്നും മുണ്ട് എടുത്ത് ഫാനിലെ കെട്ടഴിച്ചു താഴെ ഇറങ്ങി.

കൊറേ നേരം ഒരു ഭ്രാന്തനെ പോലെ അങ്ങോട്ടും ഇങ്ങോട്ടും നടന്നു.

 

 

ഞാൻ വേഗം ഫോൺ എടുത്ത് ഫഹദിന്റെ നമ്പറിലേക്ക് കാൾ ചെയ്തു. കുറച്ചു ബെൽ അടിച്ച ശേഷം ഫോൺ എടുത്തു.

‘” എന്താ മൈരേ… ഉറങ്ങാൻ സമ്മതിക്കില്ലേ….

 

‘” നിന്റെ ആ വാടക വീട്ടിൽ ഇപ്പൊ ഒഴിവാണോ….

‘” ഈ നേരത്തു നിനക്കെന്തിനാ വാടക വീട്….

 

‘” ഒഴിവുണ്ടോ ഇല്ലയോ….

 

‘” ഉണ്ട്….. എന്താ….

 

‘” ആഹ്…. നാളെ രാവിലെ വാ….. ഒരു കാര്യം ഉണ്ട്….

 

‘” എന്താടാ…. നിന്റെ അമ്മാവനെ അവിടേക്ക് ഷിഫ്റ്റ് ചെയ്യാൻ പൂവാണോ….

 

‘” നീ രാവിലെ വാ…. ഒക്കെ പറയാ…. പിന്നെ വീട്ടിൽ പോയി മുട്ടണ്ടാ…. നേരെ ഗെസ്റ്റ് ഹൗസിലേക്ക് വാ…

അത്രയും പറഞ്ഞ് ഞാൻ ഫോൺ കട്ട് ആക്കി.