💘നന്ദുവിന്റെ സ്വന്തം ദേവൂട്ടി [Demon King]

ഞാൻ: ചാച്ചൻ പോവാ മക്കളെ….. ഇനി ഇങ്ങോട്ടേക്ക് ഇല്ല….. ഇടക്ക് മക്കളെ കാണാൻ വരാ……

 

മനു: പോവല്ലേ ചാച്ചാ…. എനിക്ക് പേടിയാ ഇവിടെ…..

അവൻ വിതുമ്പികൊണ്ട് എന്റെ നെഞ്ചിൽ വീണു.

ഞാൻ: കരയല്ലേ മോനെ…. ഞാൻ എന്നും വൈകിട്ട് മക്കളെ വിളിക്കും…. ഇനി നിങ്ങൾ ആരെങ്കിലും ഉപദ്രവിച്ചാ പറയണം കേട്ടോ…….

അവർ രണ്ടുപേരും സങ്കടത്തോടെ എന്നെ നോക്കി.

ഞാൻ: അമ്മായി….. ഒരു കാര്യം കൂടെ അറിഞ്ഞാൽ കൊള്ളാമെന്നുണ്ട്…. പണ്ട് നാട്ടിലെ പ്രധാന പെണ്ണുപിടിയനും എമ്പോക്കിയും ആയ ഇയാളുടെ കൂടെ നിങ്ങൾ ഇറങ്ങിപോയപ്പോ അപമാനിതാനായ ഒരു പാവം ഉണ്ട്….

എന്റെ അച്ഛൻ…..

വർഷങ്ങൾക്ക് ശേഷം ഒരു കുഞ്ഞും നിറവയറുമായി ഈ മുറ്റത്തു കാല് കുത്തിയപ്പോ എല്ലാം മറന്ന് കൈപിടിച്ചു കേറ്റിയ എന്റെ അച്ഛൻ….

നിങ്ങളോടും നിങ്ങളും മക്കളോടും തുല്യ സ്നേഹവും പരിചരണവും തന്ന ഒരാളുണ്ട്….

എന്റെ അമ്മ…..

നിങ്ങൾ രണ്ടും എന്നോട് കാണിച്ച പോലെ അവരോടും കള്ളസ്നേഹം ആണോ കാണിച്ചിരുന്നത്…

 

അമ്മായി: മോനെ നന്ദു……..

അമ്മായി വിതുമ്പികൊണ്ട് എന്നെ വിളിച്ചു…

ഞാൻ: വേണ്ടാ…… ഇനി അങ്ങനെ വിളിക്കണ്ടാ….. നന്ദു മരിച്ചു അമ്മായി….. ഞാൻ വേറെ ആരോ ആണ്…. പഴയ നന്ദു എന്റെ അമ്മയിയോട് ശബ്ദമുയർത്തി സംസാരിക്കില്ല…..
എന്റെ ചേച്ചിയോട് എതിർത്തൊന്നും പറയാതെ സ്നേഹിക്കും…..

ആ നന്ദുവിനെ ഇന്നലെ രാത്രി നിങ്ങൾ എല്ലാം ചേർന്ന് വെട്ടി മുറിച് കൊന്നു…… എന്റെ മനസ്സ് ചത്തു അമ്മായി…..

എനിക്ക് ഇപ്പൊ ആരെയും വിശ്വാസമില്ല…

വിശ്വാസം ദേ…. ഇവളെയാ….

ഞാൻ ദേവുവിനെ ചേർത്ത് പിടിച്ചു.

ഞാൻ: നിങ്ങളുടെ മനസ്സൊക്കെ മാറിയിട്ടും മാറാതെ
ഈ വൃത്തികേട്ടവന്റെ തൊഴി മുഴുവൻ കൊണ്ടിട്ടും
അയാൾ വലിച്ചു തീർത്ത സിഗരറ്റിന്റെ പൊള്ളൽ ഏറ്റിട്ടും എനിക്ക് എന്റെ നന്ദുവേട്ടാൻ മതി എന്ന് പറഞ്ഞ എന്റെ പെണ്ണിനെ….

വിട്ട് തരില്ല ഇവളെ ഞാൻ… ആർക്കും….

 

ദേവു എന്റെ നെഞ്ചിൽ വീണ് പൊട്ടികരയാൻ തുടങ്ങി.

ഞാൻ അവളെ പിടിച്ച് പുറത്തേക്ക് നടന്നു.