💘നന്ദുവിന്റെ സ്വന്തം ദേവൂട്ടി [Demon King]

മാളു….
‘”” ഹമ്മ്… എന്ന ശരി ഏട്ടാ… ഒന്ന് കെട്ടിപിടിച്ചു യാത്ര പറയണമെന്നുണ്ട്… പക്ഷെ എന്താ ചെയ്യാ….

ഞാൻ പോകുന്നതിന്റെ വിഷമം ആ വാക്കുകളിൽ നിന്നും എനിക്ക് വായിച്ചെടുക്കാം.

ഞൻ….
‘” മാളു’”……

തിരിഞ്ഞ് പോവാൻ നിന്ന അവളെ പിന്നിൽ നിന്നും വിളിച്ചു. ആ കവർ ഡ്രെസ്സിന്റെ ഉള്ളിൽ അവളുടെ കലങ്ങിയ കണ്ണുകൾ എനിക്ക് കാണാമായിരുന്നു.

ഞാൻ….
‘”” നല്ലോണം സൂക്ഷിക്കണം കേട്ടൊ….. ആരോടും അങ്ങനെ തൊട്ടൊന്നും സംസാരിക്കണ്ട… ഇടക്ക് ഏട്ടൻ വിളിക്കാ…. എന്തെങ്കിലും ബുദ്ധിമുട്ടോ പ്രശ്നമോ ഉണ്ടേൽ ഏട്ടനെ വിളിക്കാൻ മറക്കണ്ടാ… ഏട്ടൻ ഓടിയെത്തും….’”

മാളു….
“‘ ഹമ്മ്….. സൂക്ഷിക്കണം ഏട്ടാ….പുറത്തൊക്കെ പോകുമ്പോൾ ആരോടും അധികം അടുപ്പം കാണിക്കരുത്…പിന്നെ ദേവുവിനോട് എന്റെ അന്വേഷണം അറിയിക്കണം ‘”

“‘ ശരി മോളെ….’”

അവൾ അവിടുന്ന് നടന്നു നീങ്ങി.കൊറച്ചു ദിവസം ആയള്ളൂ കണ്ടിട്ട് എങ്കിലും ഒരുപാട് കാലം പരിചയമുള്ള ഒരു സുഹൃത്തിനെ അല്ലെങ്കിൽ ഒരു അനിയത്തിയെ പിരിയുന്ന വേദന ആണ് എനിക്കിപ്പോൾ…

ബാഗെടുത് പുറത്തു വന്നപ്പോൾ അടുത്ത മുറികളിലെ കൊറേപേർ കൈ കൂപ്പിയും റ്റാറ്റ കാണിച്ചും യാത്ര ചോദിച്ചു.

അങ്ങനെ 48 ദിവസത്തിന് ശേഷം ഭൂമിയിലേക്ക് കാല് കുത്തി. വെയിൽ മുഖത്ത് അടിച്ചപോൾ ഒരു വല്ലാത്ത ഫീൽ.. അങ്ങനെ ജയില് ശിക്ഷ കഴിഞ്ഞ് പുറത്തിറങ്ങുന്ന പ്രതിയെ പോലെ ഞൻ ആ ഹോസ്പിറ്റലിന്റെ വെളിയിൽ ഇറങ്ങി.

അവിടെ നമ്മുടെ ഉയിർ നമ്പൻ ഫഹദ് നിൽക്കുന്നുണ്ട്. എന്നെ കണ്ടതും അവൻ എന്നെ ഓടി വന്ന് കെട്ടിപ്പിടിച്ചു.

ഞാൻ: ഡാ…. കെട്ടിപ്പിടിക്കാൻ പാടില്ലടാ….

ഫഹദ്: പോ….മൈരേ….. എത്ര ദിവസായി എന്നറിയോ ഒന്ന് കാണാൻ കാത്തിരിക്കുന്നു.

ഞാൻ: പരിഭവം ഒക്കെ പിന്നെ…. വേഗം വണ്ടി എടുക്ക് മോനെ… എനിക്ക് എല്ലാവരെയും കാണാൻ കൊതിയായി…

ഫഹദ്: എല്ലാവരും ആണോ അതോ അവൾ ആണോ….