Posted by “മ്മ്… ഡാ ഒരു കാര്യം ചെയ്യ് ഇവരെ എല്ലാവരെയും ഒന്നുകൂടി വിളിച്ചിട്ട് ഇവർക്ക് ആരാണ് തന്നത് എന്ന് പറഞ്ഞോ അയാൾ അയച്ച മെസ്സേജ് അല്ലെങ്കിൽ പോസ്റ്റ്‌ അതിന്റെ സ്ക്രീൻ ഷോട്ട് അയക്കാൻ പറ പിന്നെ അയാൽ ആർക്കൊക്കെ കൊടുത്തു അതിന്റെയും. എല്ലാ സ്ക്രീൻ ഷോൾട്ടിലും അത് അയച്ച സമയം വേണം. പിന്നെ നീ പറഞ്ഞ വാട്സാപ്പ് ഗ്രൂപ്പിൽ മെസ്സേജ് വന്നതിന്റെ സ്ക്രീൻ ഷോട്ട് പിന്നെ ഗ്രൂപ്പ്‌ മെംബേർസ് ലിസ്റ്റ് കൂടി അയക്കാൻ പറ”
“എന്റമ്മേ ഇനി ഇവരെ മൊത്തം ഒന്നേന്നു വിളിക്കാനോ”
“പ്ലീസ്ഡാ നമുക്ക് ആരാണെന്ന് കണ്ട് പിടിക്കണ്ടേ?”
“കണ്ടു പിടിക്കണം, പക്ഷെ അതിനു നമുക്ക് വേറെ വഴിയൊന്നുമില്ലേ? നീ നോക്കിയിട്ട് എന്തായി?”
“അത് കുറച്ച് കൂടി സമയമെടുക്കുമെടാ ഞാൻ അത് ചെയ്യുന്ന സമയത്ത് നീ ഇത് ചെയ്യ്. ഏത് വഴിയിലാണ് ആദ്യം കിട്ടുന്നതെന്ന് പറയാൻ പറ്റില്ലല്ലോ?”
“എന്നാൽ ശരി ഞാൻ ചെയ്യാം! നീ പെട്ടെന്ന് അത് കണ്ട് പിടിക്കാൻ നോക്ക്”
“നീ എന്റെ ചക്കരയാണ്” അത് പറഞ്ഞ് എന്റെ കവിളിൽ അവളുടെ ചെഞ്ചുണ്ട് ഒരു നിമിഷം ചേർത്ത് വെച്ച്‌ ചുംബിച്ച ശേഷം അവൾ ഓടി പോയി ലാപ്പിന് മുന്നിൽ ഇരുന്നു.
“അതിഷ്ട്ടായിട്ടോ..! ഇത് പോലെ ഇടക്ക് ഇടക്ക് കിട്ടിയാൽ നന്നായിരുന്നു. ഒരു മൊട്ടിവേഷന്”
“മോൻ ഇപ്പോൾ പോയി അവരെയൊക്കെ വിളിക്കാൻ നോക്ക്. പിന്നെ നീയാണ് ആദ്യം ആളെ കണ്ട് പിടിക്കുന്നതെങ്കിലും ഇതിലും വലുത് തരാം”
“സത്യം…! എല്ലാം കഴിഞ്ഞ് അവസാനം പറ്റിക്കരുത്.”
“എന്താടാ അങ്ങനെ പറഞ്ഞത്..! ഇതുവരെ നിനക്ക് ഞാൻ എന്തെങ്കിലും തരാമെന്ന് പറഞ്ഞിട്ട് തരാണ്ടിരുന്നിട്ടുണ്ടോ?”
“അതില്ല…”
“അപ്പോൾ മോൻ പോയി വിളിക്കാൻ നോക്ക് ചേച്ചിക്ക് പണിയുണ്ട്”
“എന്നാൽ ശരി..! ഇനി കണ്ട് പിടിച്ചിട്ട് തന്നെ കാര്യം” ഞാൻ അത് പറഞ്ഞ് ഫോണെടുത്ത് ഓരോരുത്തരെയായി വിളിക്കാൻ തുടങ്ങി.
ചില മാറ്റവൻമാർക്ക് സ്ക്രീൻഷോട്ട് അയക്കാൻ പറഞ്ഞപ്പോൾ പുച്ഛം…! പക്ഷെ ഞാൻ വിടുമോ ഞാൻ സൈബർ സെല്ലിൽ കംപ്ലൈന്റ് രജിസ്റ്റർ ചെയ്യാൻ പോകുവാണെന്നും.
നീ അല്ല എന്റെ ഫോണിൽ നിന്നും അത് എടുത്തത് എന്ന് എനിക്ക് ബോദ്യമായാൽ നിന്റെ പേര് ഒഴിവാക്കാം ഇല്ലെങ്കിൽ നീ പെടും മോനെ എന്നൊക്ക ഒന്ന് ഭീഷണിപ്പെടുത്തിയപ്പോൾ സാധനം കിട്ടി.
അങ്ങനെ ഞാനും അവളും ഫൂൾ കോൺസെൻട്രേറ്റ് ചെയ്ത് വർക്ക്‌ ചെയ്തു. ഇതിനിടക്ക് അമ്മ ചായ കൊണ്ട് വന്ന് തന്നു. പിന്നെ അച്ഛൻ വന്നപ്പോൾ ഒന്ന് വന്ന് നോക്കിയിട്ട് പോയി. പിന്നെ അൽപ്പമെങ്കിക്കും റസ്റ്റ്‌ കിട്ടിയത് രാത്രി ഫുഡ്‌ കഴിക്കാൻ സമയത്താണ്. ഞാൻ വരാൻ വൈകുമെന്ന് മമ്മിയോട്‌ വിളിച്ച് പറഞ്ഞിരുന്നു.
ഡയനിങ് ടേബിളിൽ ഐഷു അവളുടെ സ്ഥിരം കത്തികളും എന്റെ ക്‌ളീഷേ മറുപടികളുമായി പോയി. ഞങ്ങൾ ഇത്രയും കഷ്ടപ്പെട്ട് എന്താണ് ചെയ്യുന്നത് എന്ന് അമ്മക്കും അച്ഛനും അറിയാമെങ്കിലും ഐഷുവിനെ വിഷമിപ്പിക്കണ്ട എന്ന് കരുതിയാകണം അത് ചർച്ച വിഷയമായതേയില്ല.