Posted by
അതുകേട്ട് ആന്റിയുടെ മുഖം തെളിഞ്ഞു. “എനിക്ക് ചിലരെ അറിയാം, ഞാൻ അവരോട് സംസാരിച്ച് നോക്കട്ടെ.”
“ശെരി ആന്റി.” അതും പറഞ്ഞ് ഞാൻ നേരെ എന്റെ ഓഫീസ് റൂമിലേക്ക് പോയി. എന്നിട്ട് ചില ഫോൺ കോളുകളും കുറെ മെസേജുമൊക്കെ അയച്ചു. ശേഷം മസാജ് പാർലറാകെ കറങ്ങി നടന്ന് എല്ലാം ഇങ്ങനെ നടക്കുന്നുവെനാന് നോക്കി. അതുകഴിഞ്ഞ് ഞാൻ എന്റെ മറ്റ് സ്ഥാപനങ്ങളിലേക്ക് പോക്കാനിറങ്ങി.
****************
കൃത്യം രണ്ടു മണിക്ക് തന്നെ ലൊക്കേഷൻ നോക്കി ഞാൻ പ്രിബിയുടെ വീട്ട് ഗെയിറ്റിന് മുന്നിലെത്തി നിന്നു. ആ വലിയ ഡബിൾ ഡോർ ഗെയിറ്റ് അടഞ്ഞാണ് കിടന്നത്. ഉള്ളില് നിന്നും ലോക് ചെയ്തിട്ടുണ്ടെന്ന് ഗെയിറ്റിന്റെ വിടവിലൂടെ എനിക്ക് കാണാനും കഴിഞ്ഞു.
ഞാൻ രണ്ട് മണിക്ക് വരുമെന്ന് ആന്റി അവളോട് പറഞ്ഞതാണല്ലോ. പിന്നെ എന്തിനാ ഗെയിറ്റ് ലോക്കായി കിടക്കുന്നത്? വീട്ടില് ആരുമില്ലേ, എല്ലാവരും പുറത്തെങ്ങോട്ടെങ്കിലും പോയോ? എനിക്ക് സംശയമായി.
എന്തായാലും പ്രിബിയെ വിളിച്ചു നോക്കാൻ ഞാൻ തീരുമാനിച്ചു.
എന്നോട് ഒരുപാട് ക്ലയന്റ്സ് എന്റെ പേഴ്സണല് നമ്പര് ചോദിച്ചിട്ടുണ്ടെങ്കിലും ഞാൻ ആര്ക്കും കൊടുത്തിട്ടില്ല, ഓഫിസിൽ വിളിച്ചാല് മതിയെന്ന് പറഞ്ഞൊഴിയുകയാണ് ചെയ്തിട്ടുള്ളത്. തെറാപ്പി കാര്യമായി ക്ലയന്റ്സിനടുത്തേക്ക് പോകുമ്പോ മാത്രം ഓഫീസ് ഫോൺ എക്സ്റ്റെൻഷൻ എന്റെ മൊബൈലുമായി ലിങ്ക് ചെയ്തിട്ടാണ് ഉപയോഗിക്കാറുള്ളത്.
ആന്റി എനിക്ക് വാട്സാപ്പിൽ അയച്ചുതന്ന പ്രിബിയുടെ നമ്പര് കോപ്പി പേസ്റ്റാക്കി കോൾ ചെയ്തു.